2 Timote 1:8 - Obamba Kiwoyeti (mdt) NT Portions

⁸ Kaa monoŋo okru ma osiisa enyua o Nkumu a saabe ni, kaa monoŋo se okru o me eli mo ongeneŋe mo nde ni. Ŋa mono ampasi bla me obila o Ntsia e Mve, lehe tari o mpari e Ndziami.

2 Timote 1:8 Iomraidhean Croise

Mbari e Like 9:26

Mpini mvuuru amono okru o me, na mbari e me, Muana Mvuuru adze omono okru o nde se, o ntini e nde adze oya ntsa lekuma le nde, na le Taara, na la abaandzi ma epeende.

Dzandza 5:41

Antuma atsuuhi ntsa okuha akuuru ma Azife. Bo asueri ma osuumbu mabesi bo o nkuumi e Zezi.

1 TIMOTE 2:6

ampi nyuru e nde mva gura evusuha baari aso. Dzua osuumbu a Krisi zezi alahi ma antini a Ndziami ayeesi.

2 Timote 1:10

Nde oma laha saabe mpolo dzia lobi ma edziihi e Zezi Krisi ovusihi. Nde oma buuna mpari leku, nde se oma sa okieme lebihi le mbumbu obila mo Ntsia e Mve.

2 Timote 1:12

Kia obila o me emono ampasi ma. Okoroho me i mono okru ni, obila me eyaa mvuuru a me ema lehe oyalihi o nde. Me eyaa mbri nde na onkumu ma okiele maami a nde aduhi me, tii ngo tsuhu opami.

2 Timote 1:16

Ŋa Nkumu osa nkuono Onezifore leve, obila nde se ayaasihi me, nde aka mono okru ma osuumbu a me eki ma ongeneŋe ni.

2 Timote 2:3

Mono a we ampasi mva oworo ove a Zezi Krisi.

2 Timote 2:8

Yibiha Zezi Krisi a ma ombisa o Davide ma anyuusi o mpaniŋi akui, mva o Ntsia e Mve e me etoosoho.

2 Timote 2:9

Me emono ampasi ŋa o yo, me se ama kura ma ankoso mva ombeŋe. Okoroho mbari e Ndziami akini okura ma ankoso ni!

2 Timote 4:17

Ŋa Nkumu o yamiŋi me, nde ompi me mpari. Mo bu ndi ongula me aselehe otooso mbari e Ndziami, baari ma ali ka Azife ni aso ayuha yo. Ŋa ama vusaha me se mo onyua ongungu.

2 Timote 4:5

Ŋa we, ka yemiŋi o maami aso, kura okiini ma ampasi, tooso Ntsia e Mve, sa dzandza e we.