1 TIMOTE 6:20 - Obamba Kiwoyeti (mdt) NT Portions

²⁰ E Timote, kiele maami ma yisihi we. We oka nyuniŋa o ntsa lesuhu le otsa ni, maa maami ma ali i dze bla oyalihi ni. We oka nyuniŋa ntsa ontiha a ma eyisihi ma otsa ni.

1 TIMOTE 6:20 Iomraidhean Croise

Dzandza 16:1

Pole oto Derbe bla Liste. O ŋa eki na oluoni omo ma tsuoloho o Timote. Nguhu a nde Ozife ama yalaha Zezi, taara aki o ngreke.

Dzandza 17:18

Anga ntsimi aki baari angula Epikire bla ŋa setoyisye ma ayi se na awobo bla nde. Ake ndi: «Yu nga lesuhu, nde ema aduha ŋa?» Maamo ndi: «Nde mva mvuuru atoosiho andziami ma andzia.» Ni bu Pole atooso ŋa Ntsia e mve e Zezi. Nde se atoosi ndi akui ma adze onyusiha.

Dzandza 17:21

Ma oma asi Ateene bla andzia ma ali ŋa Ateene aso, okaha ma owobo bla leyuha le maami ma anyarihi.

1 TIMOTE 1:11

Mono eyisihi e Ntsia e Mve ma ampi me, yo ewuaha na e Ndziami lekuma a nga leve.

1 TIMOTE 1:2

Me eteende we Timote, muana a me a dzaa dzaa a ma oyalihi. Ndziami a Taara bla Zezi Krisi a Nkumu osa we mpolo, osa we ove, ompa we oduusu!

1 TIMOTE 1:4

Duha bo asuba maami ma eyuumba bla ŋa otsia ŋa ombisa eli iwani. Maa maami ma dziaha na etohi. Mo se maliha bo osa dzandza e Ndziami ayeesi ntsa oyalihi.

1 TIMOTE 1:6

Baari ake ama bisa bia esiihi, ama tamaŋa ntsa lesuhu le otsa.

1 TIMOTE 1:9

Ove saabe leyuhi ndzele ndzele mbri, angri aka ampa o baari ma ali tele ni. Ŋa ma embeŋe na baari ma ali baani kali, bla ŋa baari ma ali i nyiima angri ni, na ma siaha ambiini. Mo baari ma ali i nyiima Ndziami na maami ma awa na e nde bla ŋa baari ma sebehe Ndziami. Mo baari ma bumaŋa ataara bla ŋa ma bumuŋa anguhu, na abumi a baari.

1 TIMOTE 4:7

Ŋa bisa maami ma eyuumba ma ekubu ma akaasi ma wobiho kuna ma ali i dze yemiŋi bla oyalihi ni.

1 TIMOTE 6:11

Ŋa we ali mvuuru a Ndziami, labaha na maami maa! Sa mpari ma osa maami a tele: we onyiima Ndziami bla oyalihi na dia, sa nkomoŋo ntsa oduusu.

1 TIMOTE 6:14

Nyiima esibii ma lehi we, kiele mo yemiŋi maami ma abi kali, tii ngo tsuhu e Nkumu a saabe Zezi adze owasaha.

2 Timote 2:1

Ŋa we a muana me, sa mpari mo mpolo ewa na e Zezi Krisi.

2 Timote 2:16

We onyili lesuhu le otsa, le oyalihi kali. Baari ma siaha vua ma adze oselehe olabaha na Ndziami.

Tite 1:14

Bo i luono maami ma eyuumba ma Azife ni. Bo se i nyiima angri a baari ma omuo ma ama labaha na asisiele ni.

Tite 1:4

Me eteende we osaangumu Tite, muana a me a dzaa dzaa a ntsa oyalihi o saawe. Ndziami a Taara bla Zezi Krisi ovusihi a saabe ampa we mpolo bla oduusu!

Tite 1:9

Ove nde oselihi oyalaha mbari e dzaa dzaa oyalihi, mva ma yisihi. Ove nde oki mvuuru ayaasaha abuha, ntsa eyisihi ma opeende. Ma olaha etamiŋi e baari ma bisiha maami a nde.

Tite 3:9

Ŋa we oka siaha owobo otsa, na lesaha le ombisa o baari ni. Bla ŋa otohi bla lesuhu le otsa le ma angri, bisa lo! Obila lo ntsuo kali lo se mvunu kali.