1 TIMOTE 5:5 - Obamba Kiwoyeti (mdt) NT Portions

⁵ Ŋa ma okaasi okuuli a dzaa dzaa, ama siila nde otu, nde oma lehe lila le nde o Ndziami ŋa na mui na na mpiibi, nde se oma sa nkomoŋo ntsa lepisa le kolokolo bla evuoni.

1 TIMOTE 5:5 Iomraidhean Croise

Mbari e Like 18:1

Zezi oti bo ntsintsami ma oduha bo ndi ove bo avuoni antini aso, bo i kolo ni.

Mbari e Like 18:7

Ŋa Ndziami aka adze osa opami a tele mo baari a nde ama suolo, ma wulaha ankima na e nde, na na mui, na na mpiibi ni? Nde adze osa andira ma oyamaha bo?

Mbari e Like 2:37

Emana oya okuuli. Nde ekuumi ma esibi mfuomo na esibi ena (84). Akihi ntsa ndzo e Ndziami ma odzandza antini aso, aka na ongerehe, nde se avuono.

Dzandza 26:7

Ankaka a kuumi na muele a baari a bisi se, na lila o ndahi dzia, bo ma dzandza ŋa mui ŋa mpiibi o Ndziami. Nkani Agripa, kia obila Azife ma banaŋa me.

Dzandza 6:1

Me etsuhu bia, aluoni aselihi okuna, baari ma wobiho dzuuhi le asi Ngreke aya ma sue mo baari ma wobiho Ebre. Obila asi Ebre aka mpaha akuili ma asi Ngreke biila yemiŋi etsuhu eso, o ntini e bo ma dzandzihi ma okabaha biila ni.

Dzandza 9:39

Piere otemiŋi oyeni bla bo asisari. Nde oto, abiri nde ntsa otini o ndzo o ŋa yulu. Akuuli aso ayi na olila na e nde. Bo alahi nde angoyi bla amfa a Dorkase atuuŋi o ntini e nde aki okini bla bo.

Dzandza 9:41

Piere okuari nde o kuoho, osaari nde. Nde otsuoli epeende bla akuuli nde olahi bo ndi Tabita ayu, oli muo.

1 TIMOTE 2:1

Kiila o ntsomi o me eduha be ma osa oma kaha episihi e na Ndziami ntsa evuoni na lepisa le kolo kolo, na lempa le nde leve mo baari ma omuo aso.

1 TIMOTE 5:16

Yuhu okaasi a ma yaliha Ndziami na akuuli ntsa nkuono e nde, nde oyamiŋi bo. Nde i ma nyila bo na okuha otu oyamaŋa bo ni, mo bu ndi okuha oyamiŋi akuuli a dzaa dzaa.

1 TIMOTE 5:3

Yamaha akaasi ma akuuli bla onyiimi, akuuli a dzaa dzaa.

2 Timote 1:3

Me empa Ndziami a me edzandziha o nde leve bla etsimiŋi ma eve, mva esiihi ankaha a me. Ma antini aso me etsimiŋa o we, na na mui na na mpiibi, o ntsa evuoniŋi e me.