Matié 4:8 - Gandja na Mbɨa

⁸ Djabʉlʉ anʉ ao matá anɨ pɨ́ ’ndjá eta na ndjándjá nane mane. Anɨ atsia apana pɨ anɨ ndʉ naʉ na doto hana bhʉ́ dabɨlɨ bini ne sangu gba o-o.

Matié 4:8 Iomraidhean Croise

Matié 16:26

La di-e, ɨ dʉ me kpála nde asia ndʉ ’he hana na doto, engʉ́ la bini, ngaanɨ makpe anɨ kpi-e, anɨ asía bhʉ́bhʉ́ mangua ’he dho? Kpála tɨ da nakala mʉkobho gba e ka Ebhe ne mangua ’he dho?

Matié 4:5

Abhomʉ-o, Djabʉlʉ aha anɨ, anʉ ne anɨ bhʉ́ Yelusalema, gʉdhʉ na bubu-o. Anɨ atsia ao anɨ pɨ́ tulundjɨ ’ngbé ’tɨ Ebhe gba omaYuda-o.

Djaa 5:20

’Dyɨ ma kʉnda ma, Ndɨlɨ gba e-o. Anɨ ngasuno ndʉ ’ngʉ́ hana ɨnde ngaanɨ makpe anɨ ngamene e mʉma, Ndɨlɨ gba e-o. Anɨ asúno mʉma, Ndɨlɨ gba e, okulu na ngbengbengbe ɨnde ane obhende-e mane. Yi tsía ngámba tété.

1 Piele 1:24

Padhá de, anga u aye bhʉ́ Bhuku gba Ebhe-e me: «Ndʉ okpála hana ngamu maka ulu aʉʉlʉ lɨe-o. Bádha gba kpála-kʉtɨ ngandjia maka bádha gba felele andjindjia lɨe, ɨ dʉ me a nde anʉkʉ-o.

Apokalipisi 11:15

Abhomʉ-o, andjelu na mananɨka-a au totɨ gba e-o. Oandjelu atsia asʉla abhʉ́lá kpekpeke me: «Naʉ na doto ɨbili sakpa ngámá gba ya, ne Masɨya gba e-o. Ngámá gba ya-a aʉ́ dʉdʉma ne dʉdʉma!»