Matié 3:1 - Gandja na Mbɨa

¹ Bhʉ́ oekpɨ́ bhomʉ-o, Djaa bhʉlʉ nabatisa okpála akoto nanɨ abhʉ́ mili bɨlɨ na ndu doto na Yudaya. Anɨ adʉ atotobhɨla me:

Matié 3:1 Iomraidhean Croise

Matié 11:11

Ngama-a, ma apa pɨ yi na paká me, bhʉ́ ká okpála-kʉtɨ-e, kpála bini ɨnde akoto, ɨnde ngbéngbé ane Djaa bhʉlʉ nabatisa okpála belegʉ ade bini. La-a, ndʉ okpála hana ɨnde azɨba Naʉ na abhʉ́lá-a , abana anɨ dʉ bha mbomboye pɨ-ie, anɨ ane Djaa ne engbé.

Matié 11:7

Lɨ omʉkpata gba Djaa aholo ’nʉ́ lɨe, Yesu atsia aholo nakpokpo ’ngʉ́ lɨ ’ngʉ́ gba Djaa pɨ kambɨ okpála ɨnde adʉ oo me: «Yi anʉ ɨgɨnɨ natsia abhʉ́ mili bɨlɨ-e nɨ? Yi anʉ ɨgɨnɨ natsia mbamba ɨnde lɨ anvi ngadyɨkɨ e? A mo-o ade.

Matié 16:14

U agie pɨ anɨ me: «Pɨ okpála koko-o, mʉ ne Djaa bhʉlʉ nabatisa okpála. Pɨ okoko-o, mʉ ne Elɨya. Pɨ okoko matá-a, mʉ ne Djelemi, ɨ dʉ di-e sʉka opolofeta koko.»

Matié 21:32

Padhá de, anga Djaa ago agba yi ne nasuno pɨ yi kpadjɨ na ngbili ’ngʉ́ , yi tsia bhuka anɨ de. Engʉ́ bini, ondɵmbɨ na mandjandja di ne obambakʉya atsia abhuka anɨ. Abana yi au ndʉ ’ngʉ́ bhomʉ-o hana lɨe ne djila yi-e, ngayi-e, yi bhuka anɨ de.»

Matié 3:8

La-a, yi suno bhʉ́ okulu gba yi-e me yi adji bua yi adji,

Maloko 1:15

«Nedhɨnga nanɨ lɨ Ebhe ao e akolo. Naʉ gba anɨ-e akolo di masɨkpe. Yi dji bua yi, yi bhuka Bádha Ngali gba Ebhe-o.»

Maloko 1:2

Maka lɨ polofeta Ɨsaya aye lɨe bhʉ́ bhuku gba e me: «Ebhe apa me: Djedje nga! Ma atíma bhʉlʉ titima gba ma-a pɨ mʉ kalanʉ ngʉbula naleke kpadjɨ pɨ mʉ.

Luka 1:76

Pɨ mʉ-o, ndɨka ma, u adʉ́ aɨ mʉ me, polofeta gba Apɨ́ ’Kpɨ́, anga mo onʉ́ kalanʉ ngʉ́ naleke kpadjɨ gba Ebhe-o.

Luka 7:24

Bhiti okpála adʉ oo. Pɨta lɨ obhʉlʉ titima gba Djaa agbida lɨe, Yesu atsia aholo akpokpo ’ngʉ́ gba Djaa pɨ uo me: «Yi anʉ ɨgɨnɨ natsia abhʉ́ ’gʉ-o nɨ? Yi anʉ ɨgɨnɨ natsia kpála ɨnde maka mbamba ɨnde ngadyɨkɨ ka anvi-e? A mo-o ade.