Matié 2:2 - Gandja na Mbɨa

² U atsia ayi me: «’Ngbé ngámá gba omaYuda ɨnde u azu e mbɨa ɨnde-e su? Padhá de, anga ya au ɨkʉpala ɨnde asuno me u azu anɨ-e akoto ne andjongu, abhomʉ-o, ya atsia ago ngʉ́ nadhɵgɵ anɨ.»

Matié 2:2 Iomraidhean Croise

Matié 2:3

Lɨ Elode adje lɨe mo-o, mabhundja gba anɨ di ne bhe gba ndʉ okpála na Yelusalema hana angbɨngɨ.

Matié 21:5

«Yi pa pɨ okpála na Siona me: ‹Yi tsitsia nga, ’ngbé ngámá gba yi-e ngago agba yi. Anɨ akɵ lɨe ne kuto. Kaka-a, anɨ adʉ pɨ́ ’ngbʉ ndɨlɨ punda.›»

Matié 27:11

Nedhɨnga u akolo ne Yesu lɨe kala guvelenele Pɨlatɵ-o, anɨ ayi anɨ me: «Ngamʉ-o, mʉ ne ’ngbé ngámá gba omaYuda-a?» Yesu agie me: «Mo opa ngamʉ.»

Luka 19:38

U adʉ apa me: «A ayo me Ebhe tuko bisagu pɨ́ ’ngbé ngámá ɨnde anɨ atima e ko! Guo ’ngʉ́ abhʉ́lá, amba sangu dʉ di pɨ Ebhe Apɨ́ ’Kpɨ́!»

Luka 2:11

Nakɨ bhʉ́ kʉtɨ gba Davidi-e, u azu Mʉkobho pɨ yi. A ko Kilisito , Ngámá.

Luka 23:3

Pɨlatɵ ayi anɨ me: «Ngamʉ-o, mʉ ne ’ngbé ngámá gba omaYuda?» Yesu agie pɨ anɨ me: «Mo opa ngamʉ.»

Luka 23:38

Pɨ́ ’ndjɨ anɨ-e, u aye me: «A ɨnde-e ’ngbé ngámá gba omaYuda-o.»

Djaa 1:49

Abhomʉ-o, Natanaele atsia apa pɨ anɨ me: «Labi, ngamʉ-o, mʉ ne Ndɨlɨ gba Ebhe! Mʉ ne ’ngbé Ngámá gba omaƗsalaele!»

Djaa 12:13

Abhomʉ-o, u abha ’kpá ngulu, u aze ngʉ́ nanʉ nakɵ lɨo ne anɨ. U atsia adʉ asʉsʉla me: «Sangu pɨ Ebhe! A ayo me Ebhe Ngámá tuko bisagu pɨ́ kpála ɨnde ngago ne ’lɨ anɨ-o! A ayo me Ebhe tuko bisagu pɨ́ ’ngbé Ngámá gba omaƗsalaele-o!»

Djaa 18:37

Pɨlatɵ atsia apa pɨ anɨ me: «A akʉnda napa me, mʉ ne ’ngbé ngámá?» Yesu agie pɨ anɨ me: «Mo opa ngamʉ me ma ne ’ngbé ngámá. U azu ma, ma atsia ago pɨ́la doto ngʉ́ nakpokpo ’ngʉ́ pɨndjɨ kʉkʉlʉ ’ngʉ́. Kpála ɨnde bhʉ́ kʉkʉlʉ ’ngʉ́-o ngadje engʉ́ ɨnde ma ngapa e-o.»

Djaa 19:19

Pɨlatɵ atsia aha di lɨ́lɨ me, u ye balʉa, amba u bhɨ lɨ kulusi gba Yesu-o. Balʉa ango-o adʉ me: «Yesu, kpála na Nadjaleta, ’ngbé ngámá gba omaYuda.»

Djaa 20:28

Tʉma agie pɨ anɨ me: «Ngámá gba ma, di ne Ebhe gba ma!»

Djaa 5:23

ngʉbula me ndʉ okpála hana dʉ namanga ma, Ndɨlɨ gba anɨ, maka u ngamanga anɨ ’Dyɨ ma lɨe ko. Kpála ɨnde ɨ manga ma, Ndɨlɨ-e de-e, anɨ manga di ’Dyɨ ma ɨnde atima ma-a de.

Djaa 9:38

Do kpála ango-o me: «Ngámá, ma abhuka.» Anɨ atsia atʉtʉ lɨpʉkʉ e kuto kala Yesu.

Ebele 1:6

Lɨ nedhɨnga lɨ Ebhe adʉ natima gina Ndɨlɨ gba e lɨe pɨ́la doto-o, anɨ apa me: «A ayo me ndʉ oandjelu gba ma-a hana dhɵgɵ anɨ.»

Apokalipisi 22:16

«Ngama Yesu-o, ma atima andjelu gba ma-a ngʉ́ nago nambamba ta ongʉ́ bhomʉ-o pɨ yi bhʉ́ oDadjua gba Ebhe-o. U azu ma bhʉ́ piga gba ’ngbé ngámá Davidi. Ma ne ɨkʉpala ɨnde asʉsʉ kɵkpɨ́-o.»