Djaa 10:2 - Gandja na Mbɨa

² Kpála ɨnde alɨ la naae lɨ bhɵbhɵ-o, a ko mʉlila gba okandɵlɵ-o.

Djaa 10:2 Iomraidhean Croise

Matié 15:11

A ko de me oehe ɨnde ngalɨ bhʉ́ ’bhɵ kpála ngamene ngae me anɨ adʉ́ bubu kala Ebhe de-e de. Oehe bhe ngakoto bhʉ́ ’bhɵ kpála mangbo ngamene ngae me anɨ adʉ́ bubu kala Ebhe de.»

Djaa 10:14

Ngama-a, ma ne mʉlila na babadha gba okandɵlɵ. Maka lɨ ’Dyɨ ma ambɨla ma lɨe, ma atsia ambɨla di anɨ-e, ma ambɨla okandɵlɵ gba ma-o, okandɵlɵ gba ma-a atsia ambɨla di ma. Ma la di bedhe ngʉ́ naha mʉkobho gba ma-a pɨ okandɵlɵ gba ma-o.

Djaa 10:7

Abhomʉ-o, Yesu atsia apa matá me: «A moko, ma apa pɨ yi na paká me: ma ne ’bhɵ aga gba okandɵlɵ-o.

Djaa 10:9

Ngama-a, ma ne ’bhɵ bhotɨ. Kpála ɨnde alɨ́ lɨ pá bɨlɨ gba ma-a, anɨ kóbho. Anɨ tɨ́ da nalɨ, anɨ kóto, anɨ tsia sía di ehe nazʉ mazʉ.

Kulu 20:28

Yi lila lɨyi ngayi makpe, di ne ndʉ piga hana ɨnde lɨ Bu Bhobua ao e sa ’kpa yi me yi lila e ko. Yi lila Piga gba Ebhe ɨnde anɨ akala e ne ngʉte Ndɨlɨ gba e makpe ko.

1 Timotio 4:14

Mo oú kulu lɨ Ebhe aha e pɨ mʉ-o bhʉ́ bádha bhʉ́ ’bu gba e-e padhá de, kulu ɨnde mo osia e nedhɨnga lɨ opolofeta akpokpo ’ngʉ́ gba mʉ-o lɨe, la di ne lɨ nedhɨnga lɨ obhelesɨ okpála ao ’kpa o pɨ́ ’ndjɨ mʉ lɨe-o.

Tito 1:5

Ma ao ka mʉ bhʉ́ kpɵmɵ na Kelete, amba mʉ ndjia naleke ndʉ ’ngʉ́ hana ɨnde atigala-o. A ayo me mʉ bhʉ obhelesɨ okpála na Piga gba Ebhe-e bhʉ́ ndʉ gʉdhʉ hana bini ne bini nakpata olɨ́lɨ nako ma aha e pɨ mʉ-o moko me,

Ebele 13:20

Ebhe ɨnde lɨ guo ’ngʉ́ ngayie ka e, azuku Ngámá gba nɨ́ Yesu bhʉ́ ká okpála ɨnde amu-o. Anɨ akolo ’ngbé mʉlila gba okandɵlɵ ne ngʉte e ɨ nde anɨ aha e maka makiso. Anɨ amene me gandja na dʉdʉma-a lʉ pɨ́ ngʉte ango-o.

1 Piele 2:25

Padhá de, anga yi dʉ nanɨ maka okandɵlɵ ɨnde angɨta. Engʉ́ bini, mbɨa ɨnde-e, yi agie lɨyi agba mʉlila, ɨnde ngalila bua yi-o.

1 Piele 5:4

Lɨ yi mene mo-o, ekpɨ́ lɨ Yesu Kilisito ɨnde ngalila nɨ́-e agó lɨe-e, yi sía makalá na sangu ka anɨ. Makalá ango-o ngadʉ dʉdʉma ne dʉdʉma.

Apokalipisi 1:20

Pɨndjɨ oɨkʉpala mananɨka ɨnde mo ou e sa ’kpa ma na kokpa, di ne otala mananɨka na olo-o, gbo nga ’dje mʉ, ma mbamba kʉkʉlʉ tata-a pɨ mʉ. Mbɨla me, oɨkʉpala mananɨka-a, a ko oandjelu na oDadjua mananɨka gba Ebhe, otala mananɨka-a, a ko oDadjua mananɨka gba Ebhe-o.»