1 Djaa 5:3 - Gandja na Mbɨa

³ A moko, lele nakʉnda Ebhe-e ngae ɨnde: a ko namene olɨ́lɨ gba anɨ-o. La di-e, olɨ́lɨ gba anɨ-e pɨ nɨ́ kpekpeke ade.

1 Djaa 5:3 Iomraidhean Croise

Matié 23:4

U ngagbite titili ’he na titili, u ngaoo de-ngʉlʉ okpála. La-a, ngauo makpe, u ngayala nao nga bha tété ndjɨlɨ ’kpa o ngʉ́ nateteke okpála lɨ tili ’he ɨnde u ao e de-ngʉlʉ uo-o.

Djaa 14:15

Ɨ dʉ me yi nde akʉnda ma-a, yi líla olɨ́lɨ gba ma-o.

Djaa 15:10

Ɨ dʉ me yi nde alila olɨ́lɨ gba ma-a, yi dʉ́ bhʉ́ mʉkʉnda gba ma-o, maka ma alila olɨ́lɨ gba ’Dyɨ ma lɨe, ma ngadʉ bhʉ́ mʉkʉnda gba anɨ-o.

Djaa 15:14

Yi ne oolia ma, ɨ dʉ me yi nde amene lɨ́lɨ gba ma-o.

Loma 7:12

Bhobhomʉ-o atima nɨ́ nazɨba me ndʉ lɨ́lɨ-e hana ayie ka Ebhe, la di-e ndʉ ongʉ́ ɨnde u aye e bhʉ́bhʉ́-o hana ayie ka anɨ. Ehe na sisiti bhʉ́bhʉ́ belegʉ ade bini.

Loma 7:22

A lɨ bua ma-a, ma ngakpi ndjɨlɨ lɨ lɨ́lɨ gba Ebhe-o.

Ebele 8:10

Ngámá atsia apa matá me: a bhomʉ-o gandja ɨnde ma akódho e ne ongɨsɨ na Ɨsalaele pɨta oekpɨ́ bhomʉ-o. Ma ató olɨ́lɨ gba ma-a bhʉ́ ɨmbɨlangʉ gba uo-o. Ma ayé olɨ́lɨ ango-o lɨ bua uo. Ma adʉ́ ne Ebhe gba uo, u tsia dʉ́ okpála gba ma.

1 Djaa 2:3

Ɨ dʉ la me nɨ́ nde ngalila olɨ́lɨ gba Ebhe-e, nɨ́ tsia mbɨ́la me nɨ́ mbɨla Ebhe hana.

2 Djaa 1:6

Lele lɨ mʉkʉnda nde lɨe ngae ɨnde: a ko namene olɨ́lɨ gba Ebhe-o. La di-e, lɨ́lɨ ango-o, a ko bha bhende yi adje nanɨ e nayie lɨ lilita me, a ayo me yi dʉ bhʉ́ mʉkʉnda.