Tito 3:5 - La'qaatqa ñi qota'olec Qota'olec & Qota'olec Novita Na Qomyipi

⁵ ca qarca'laxatec. Qam mesqaida quiyim 'ue quet ca ỹa'maqachiguiñi qaro'ueenataxanaxac, ma' ñi'maxare chi qare'xoren. Ca qarca'laxatec chicqochigui nqai'en ca qanachilaxac dá'maq 'em quiyim 'ec dalaxaic qane'xaỹoqsoxoc chaqai dalaxaic qanachaalataxac chicqo'ot so Espíritu Santo.

Tito 3:5 Iomraidhean Croise

Job 9:20

'Eno'm ỹaatqajam ña'maxateta, ca' qaica ca sasauaxat, qam ñi'maxare qaiyiita 'naac ỹim sauaqhuaic chaqai nocqaic.

Salmos 130:7

nauaañira'a ñi qara'gaxala', qami' Israel, ma' ñi'maxare hueeto'ot da ne'xorenataxanaxa chaqai da neuagaxa.

Salmos 51:10

Qami' qota'olec, ¡ñi'ragui aỹim aca ne'taxanata co'teeta!, ¡vite ca dalaxaic ỹa'deenataxanaxac ỹa'maqachiguiñi!

Ezequiel 36:25

Sco'taxate' qamiri quená'maq no'uen huaxaỹaq, ñquiỹouec ná'ogue na rishillii, ñaqata'a ma'le dá'maq 'ñiitari' quena nashiilec nqolaquipi;

Mateo 3:11

Ca' ỹim ỹaatqajam lliqueta ñachilaxañiguilo qamiri na huaxaỹaq, ca' chi netanec quiyim lachii' naua ranataxahi se no'viiñi. Qam cá'maq coỹaretalec aỹim, ca'maxare nachilaxanalo qamiri ma'le ca Espíritu Santo chaqai ca norec. Ca'maxare paguec lquesaxanaxa caỹim, vire'ta quiyim se seshit quiyim chi se'xate' caua lapelate'.

Lucas 1:50

Ñi'maxare chaqai 'neetari' 'ue da le'xorenataxanaxa quená'ogue ná'maq ỹaatqajam no'cha'a ñi'maxare.

Lucas 1:54

Ca' ỹotauan na llaalqaipi so Israel só'maq lelaatqaipi, chaqai se coua'e da le'xorenataxanaxa queso'maxare.

Lucas 1:72

chaqai ỹaatqajam 'uo' da le'xorenataxanaxa queso 'auaxaic qareta'allipi, chaqai se coua'e dá'maq na'maqataxac mashic ỹaanema saua'maxare.

Lucas 1:78

Ma' chaqaida dá'maq le'xorenataxanaxa chaqai dá'maq lqouagaxa ñi qota'olec quiyim ỹa'uo' ca chicqo'ot nqai'en na piguim quiyim ỹaanema qomi' ỹahotaque quiyim coỹarelec ca dalaxaic na'xa'a,

Romanos 11:14

Ma' sahotaque quiyim 'ue ca quená'maq chi iuo' laseripi, 'ue ca lipiichi quiyim ỹadenaxate' qamiri, qaiyi 'ue ca nca'leuec quena'maxare.

Romanos 11:6

Ca no'm qanqouaguegue quiñi qota'a quiyim qanca'au'a, ca' mesqai chicqochigui quet cá'maq ỹo'uet ca qom; ma' queta'le, dá'maq lqouagaxa quet ñi qota'a, ca' sqai ỹaatqajam nqouagaxa.

Romanos 12:2

Totaxan quiita'pegue' da no'ueenataxac ná'maq hueetalec na 'laua; ta'ta'a quiyim dalaxachii' naua ra'deenataxanaxagohi, qaiyi dalaxaic dá'ogue da nachaalataxaguii, qaiyi 'yiiñii dá'maq ỹahotaque ñi qota'olec, 'neetasa': cá'maq ỹa'maqachiguiñi, chaqai cá'maq ỹa'maxarenta ñi'maxare, chaqai cá'maq 'maxaraic naloochiguiñi.

Romanos 3:20

Ma' qaica quet cá'maq qaỹa'maxarenta quiñi qota'olec quiyim ỹo'ueetetac dá'maq 'naac na naqataxaquipi, ma' na naqataxaquipi, na'maxare chi ỹo'uet quiyim ỹa'deenaxanaxaneguelo qomi' quiyim qomi' sauaqhuaqa.

Romanos 3:28

Ca vichiguiño' qomi' sa'deenqata quiyim ñi qota'olec icoñi'chiguit ca qom quiyim 'ue ca lpi'ỹaxac, mese ipacaque quiyim ỹo'ueetetac da 'naac na naqataxaquipi, loqo'm 'e'.

Romanos 4:5

Qam no'm 'ue ca qaica ca ỹo'uet, qam huelec ñi qota'olec quiyim icoñi'chiguit ca sauaqhuaic, ca' ñi qota'olec icoñi'chiguit ca'maxare, ma' 'ue da lpi'ỹaxac.

Romanos 9:11

Qam saua'maxare na' saqa' ne'qa'iñi, chaqai saqa' ỹo'ueete' ca ỹa'maqachiguiñi loqo'm ca se no'uen, ca ñi qota'a 'naaco' caso Rebeca: “Ñí'maq ỹi quiyaua'maxare nelaatec ma'le quiñi lanoq.” Ca' dajo nachiñi'chiguit qai'neeta naua naneresañi la'qaatqa ñi qota'a, 'neracsa': “Se'xoren so Jacob, so Esaú yoquii'a.” Ca' quiyi, ca qai'taxajñi da lca'axanaxac ñi qota'a quecá'maq nca'au'a quecá'maq ỹahotaque roỹaxana, se ra'iitapigui cá'maq ỹo'ueetetac.

Romanos 9:16

Ca vichiguiño' dajo sqa chicqaugui ca chaqai 'neeta'pegue loqo'm ca chi na'ñaaqataxac ca qom, ta'ta'a quecá'maq chi nqouaguegue ñi qota'olec.

Romanos 9:30

Ca ¿nega'ỹo' ca shinqac? Quená'maq sqai judioipi chaqai quiyim se ỹahotaque quiyim qaicoñi'chiguit quiñi qota'olec, ca' chaqaina ná'maq qaicoñi'chiguit quiñi'maxare, chicqochigui nqohin da lpi'ỹaxac.

1 Corintios 6:11

Quedajo 'ue quen na 'neetari' caqamiri quesom. Qam nagui mashic qamiri qaico'taxate', chaqai mashic nañaañiỹot ñi qota'a, chaqai ñi'maxare mashic ỹa'maxarente' qamiri. Qam dajo chicqochigui da leenaxat so qara'gaxala' Jesús chaqai so Espíritu chicqo'ot ñi qota'olec.

Gálatas 2:16

Qam qaiyiita sa'deenaq quiyim qaica ca 'oonoqui' qaỹa'maxarenta quiñi qota'a ma' ỹo'ueetetac na naqataxaquipi chicqo'ot na'le so Moisés, ma' qaidaata quiyim qoyiuelec so Jesucristo. Ca vichiguiño' qomi' quiyim seuaqlec so Jesucristo, ca ỹa'maxarente' qomi' ñi qota'a chicqochigui da qarpi'ỹaxac, ca' sqai chicqaugui quiyim qomi' so'ueetqatac na naqataxaquipi. Ma' sqaica cá'maq ỹa'maxarenta ñi qota'a quiyim ỹo'ueetetac na naqataxaquipi.

Efesios 2:4

Qam ñi qota'a ỹaatqajam chalego lecaic da le'xorenataxanaxa ma' ỹaatqajam ỹauoteguelo qomi',

Efesios 4:23

Ta'ta'a quiyim dalaxachii da no'ueenataxaguii chaqai da ra'deenataxanaxaguii,

Efesios 5:26

Dajo 'ne'tegue, ma' ỹahotaque co'taxateta ná'maq mashic icoñiguit da na'qaatec, ỹahote'e na huaxaỹaq, chaqai naua la'qaatqa,

Colosenses 3:10

Chaqai mashic ñiiñi dá'maq dalaxaic 'ueenataxac, ca noquiiquetashiguim da nadalqataxac, chi ỹovireta'a quiyim 'nejem da no'ueenataxac ñi qota'a ma' chaqaiñi ñí'maq ỹo'uet, chi ỹovireta'a quiyim ỹaatqajam qaỹa'deenta ñi'maxare.

2 Timoteo 1:9

Ñi'maxare nca'laxaterec qomi' chaqai roỹaxanalo qomi' quiyim saanqot da qanachaalataxac. Qam mesqaida quiyim 'ue ca lo'yaxanec qaro'ueenataxanaxac, qam dajo chaqai 'ne'teguelo qomi' ñi'maxare, ma' ỹauoteguelo qomi', ma' mashic ña'daqatau'a so qara'gaxala' Cristo Jesús. Shi'co' qare'xoren ñi qota'a na' saqa'leca na 'laua.

Tito 3:4

Qam ñi qota'a ñí'maq qarca'laxaqui na' ỹachaxan da lqouagaxa chaqai da le'xorenataxanaxa quena qomyipi,

Hebreos 10:22

Ca' vichiguiño' ñoquiigaxau'a quet ñi qota'a, qam ỹaatqajam selloqochigui ca qaneneequesenaxac añi qare'taxanata chaqai ỹaatqajam 'chichiguiñi nqaishinaq ca qarpi'ỹaxac. Ma' ñi'maxare nachinñi nqai'en añi qare'taxanata, qaiyi totqai 'ec ñaqa 'ue ca qarasauaxaset, chaqai mashic nquiỹogoñi na qaroshicmaxa quená'maq no'uen huaxaỹaq.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.

Hebreos 6:6

ca najo qomyipi, no'm liỹa pilac inoxonec, ca' tot ishit liỹa netogochigui lauel nqohin, ma' chaqaina ná'maq liỹa patentapego so llaalec ñi qota'a chaqai nachaxanta quiyim i'neetac.

1 Pedro 1:3

Semaqachinqatac ñi qota'a, ñí'maq leta'a so qara'gaxala' Jesucristo, quedá'maq chalego lecaic le'xorenataxanaxa quiyim liỹa ne'qa'iñi nqai'ne' qomi' chicqochigui na' liỹa nca'laxatec so Jesucristo quiyi leuaxaiquipi. Dajo ỹo'uet da qanaquitaxac queda qanachaalataxac,

1 Pedro 2:10

Quesom sqai ỹalequetauguilo qamiri ñi qota'a, qam nagui, ca' ỹalequetauguilo qamiri ma' mashic qamiri lalamaxarete'. Quesom qaica ca i'xorenta'pe qamiri, qam nagui i'xorenta'pe qamiri ñi qota'olec.

1 Pedro 3:21

Ca' sojo huaxaỹaq chaqaido' da chilaxac nagui dá'maq ỹa'xateta'guit, ca' chaqaida dá'maq chicqochigui quiyim qarca'leuec nagui. Dajo chilaxac mesqai chicqaugui quiyim chi qaico'taxat na noshicmaxa; ta'ta'a quiyim qaỹashiila ñi qota'a quiyim co'taxat yi qara'deenataxanaxac loma'. Ca' qarca'laxatec chicqochigui nqai'en na' liỹa nca'laxatec so Jesucristo,