Tito 3:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam ñi qota'a ñí'maq qarca'laxaqui na' ỹachaxan da lqouagaxa chaqai da le'xorenataxanaxa quena qomyipi,

Tito 3:4 Iomraidhean Croise

Lucas 1:47

chaqai da ñachaalataxac ỹaatqajam netoonta'pegue ñi qota'olec ñí'maq ica'laxala'.

Romanos 2:4

Ca ¿peeta'a liỹoqoira'piguit da sqaica lqodoc lqouagaxa chaqai da leualaxavic ñi qota'a, qam se retañi' quiyim chaqaida dajo nqouagaxa ỹahotaque quiyim netogochigui na qavilli'?

1 Timoteo 1:1

Aỹim Pablo, ỹim lelaatec so Jesucristo. Ca' dajo ñilaataxac chicqo'ot ñi qota'a ñí'maq qarca'laxaqui chaqai so qara'gaxala' Jesucristo só'maq ỹaatqajam qarpe'eet.

1 Timoteo 2:3

Ca' dajo qanqouagaxainaxac ỹaatqajam chaqaida leloxoỹaxac, ca' ỹa'maxarenta ñi qota'a ñí'maq qarca'laxaqui.

1 Timoteo 4:10

Ca' chaqaida dá'maq 'em so'ueenataxanqatac chaqai ña'ñaxataxaguit da qanishiuenaxac, ma' mashic selloqo'ot da qanaquitaxac ñi qota'a ñí'maq nca'leetauec, ma' chaqaiñi ñí'maq ỹahotaque quiyim nca'laxatec ná'ogue na qomyipi. Qam cá'maq ỹaatqajam huelec ñi'maxare, ca' chaqaica cá'maq qanca'laxatec.

2 Timoteo 1:10

Ca' dajo le'xorenataxanaxa ñi'maxare ỹachaxan nagui, qam quiichigui nqai'en da loviraxac so qarca'laxaqui Jesucristo, só'maq napacalec da lquesaxanaxa so nelauaxa. Chaqai ỹachigoxochichigui da na'qaatec chicqaugui da nca'laxa, ca' chaqaida dá'maq re'oq nqai'en da nca'laxa tot ishit quiyim qaỹosogui.

Tito 1:3

Chaqai nagui ỹovita yi laloqo' quiyim qara'deenaxanaxanegue da leloxoỹaxac chicqochigui nqai'en da la'qaatec ñi qarca'laxaqui qota'olec, ca' pataxalec aỹim quiyim sa'xat da la'qaatec.

Hebreos 9:26

Ma' quetqai chaqaido' 'neeta dajo, ca 'xoic quet quiyim qaỹalauat chicqochi'ñi na' ñaqai chita'gue qaỹo'uet na 'laua. Qam nagui ma' mashic imiguilo nqohine' naua na'xata', ca re'oq so Cristo nachaxan 'oonoqui', ca' dá'ogue ỹomachigui. Ma' chi nañaanalta' so'maxare, qaiyi naqat ná'ogue na nasauaxaset.

1 Pedro 2:3

no'm ỹaatqajam llic 'yiiñii quiyim huagaxaraic so qara'gaxala'.