Tito 3:3 - La'qaatqa ñi qota'olec Qota'olec & Qota'olec Novita Na Qomyipi

³ Ma' qomi' qai'neete' quesom qaica ca sa'deenaq, ca' se ña'xaỹaxanaxalo naua la'qaatqa ñi qota'a. So'maqatajlec chaqai qolqata'pegue' da qarqo'itaxanqachic chaqai da qaramaanaxanqachic. Seuqataugui da se no'uen chaqai da npa'guenaxanaxa. Qomi' noquiiqate' chaqai chi ñoquiaaqata'ta'.

Tito 3:3 Iomraidhean Croise

Génesis 38:9

Qam so Onán ỹa'den quiyim ne'qaañi ca llaalec, ca 'ec se lalamaxaret llaalec. Ca' vichiguiño' quena' viguit aso pa'ỹe ỹahotaque ca la'maqa' quiyim sqai 'man aso'maxare, qaiyi cá'maq lqaỹa qaca aca llaqtaxai chicqaugui so'maxare.

Génesis 39:16

Ime, ca aso'maxare ỹa'maxat so lapo' so'maxare, chi ỹovireta'a na' noviro quiyi la'a' so loua.

Salmos 36:2

'Neetapega quiyim ỹaatqajam qaimaqachin, se ỹa'den quiyim qanaqaiquetapega ná'maq ỹo'ueetetac se no'uen.

Proverbios 9:6

'Xañiñi dá'maq quiyim se na'xaỹaxañii, qaiyi rca'lliiuec; 'ñiitari' ca qom 'deenaxanqachaqaic.

Mateo 21:29

Qam so llaalec 'naaco': “¡'E', sqa shic!” Qam na' ncopa, ca ỹadalaxat da la'deenataxanaxac. Ca' eec, ro'ueenataxan.

Lucas 21:8

Ca' so Jesús 'naaco': —Rovichiỹari'o' ma'le, 'neeto' 'ue ca rayiñii. Ma' 'xoic ma'le ca anac, naquetaugui da ỹeenaxat, ca 'naac: “Aỹim chaqaỹim ná'maq nashi nca'laxaqui”; chaqai “Nagui ỹovita yi laloqo'.” Qam qamiri se coỹari'tegue.

Juan 8:34

Ca' so Jesús 'naaco' quesaua'maxare: —Ỹaatqajam lliqueta dá'maq shinac caqamiri, quiyim ná'ogue ná'maq ỹo'ueetetac ná'maq ne'taxaloxo, na'maxare la'aquipi da ne'taxaloxo.

Romanos 11:30

Ma' qamiri na'le se na'xaỹaxañiỹa ñi qota'a. Qam nagui ma' na judioipi se na'xaỹaxana ñi'maxare, ca' ñi'maxare 'ue da le'xorenataxanaxa caqamiri.

Romanos 6:12

Ca vichiguiño' qamiri sqai 'xañii'tegue quiyim dá'maq se no'uen se neme ilaretac na roshicmaxahi ma' 'ue lqodoc, quiyim 'ec ỹilentalgoto qamiri quiyim 'viichii cá'maq ỹahotaque se no'uen.

Romanos 6:17

Qam 'ue da qana'aachic quiñi qota'a caqamiri, ma' quesom qamiri loiquenatqa na se no'uen, qam nagui ỹaatqajam na'xaỹaxañii'ta dá'maq leloxoỹaxac da napaxaguinataxanaxac mashic qoỹaanema qamiri.

Romanos 6:22

Qam nagui mashic qaỹoso'ogalo qamiri quena nasauaxaset, ca' noxoñiu'a da lo'ueenataxanaxac ñi qota'a. Ca' dajo maxasa' 'ue ca 'negue, ma' da'maxare chicqaugui quiyim ỹaatqajam qaỹomato'ot dá'maq chaalataxac ñi qota'a, chaqai co'uaataxanta ma'le da nca'laxa sqaica lqodoc.

Romanos 6:6

Sa'deenaq quiyim dá'maq 'auaxaic qano'ueenataxac shi'gue qaipateno liỹaatashiguim nqohin so Cristo, qaiyi sogui dá'maq lquesaxanaxa da qano'ueenataxac ma' sauaqhuaic, ca' qaiyi tot ilareta'pe qomi' da nasauaxaset quiyim 'ec ca qana'co'.

2 Corintios 12:20

Ma' ỹim 'ue da itelaxa quiyim ma' sovitalo qamiri 'neeto' lotqai sqai 'ñiitari' dá'maq sahotaque quiyim 'ñiitari' quet, chaqai 'neeto' ỹoqa'a ca shintari' ma' huañiua'. Ma' 'ue da ỹoqolonaxa quiyim ñaqai hueetauguilo qamiri quiyim se na'yiiñiỹata', npa'guiñita'ta', 'ohita'ta', na'aavitegueshiguim, la'axaqa lo'o', novirqataxanaxac, maqajnaxac, chaqai sqaica ca 'maqataxac.

Gálatas 6:3

Ma' no'm 'ue ca 'neetapigui lauel quiyim 'ue ca 'negue, quiyim qaica ca 'negue, ca' ca'maxare chi nayinteguelta'.

Colosenses 1:21

Qamiri quesom 'ec ỹoqa'a ca chigoxoỹa'gue, ca quedá'maq 'neetari' añi re'taxanatahi ỹaatqajam npa'guenaxauahi ñi qota'a, ma' 'viichitac na se no'uen. Qam nagui ñi qota'a ỹo'uet quiyim huaqui'chiguita qamiri ñi'maxare,

Colosenses 3:7

Chaqai qamiri 'viichitac quen ná'ogue najo quesó'maq 'auaxaic no'ueenataxaguii.

2 Timoteo 3:13

Qam na hualoxonyipi chaqai na 'maatqaiquipi taata'nquira, noquiiqueta'guit ná'ogue na se ỹa'maxañi. Na'maxare rayinaxantac, qam na'maxare qai'neeta qaỹayintac.

2 Timoteo 3:6

Ma' quena'maxare 'ue na ỹovira'a ca na'a', ca' ỹayin ana 'aalo se noqoc chaqai naỹa'que naua no'ueenataxaco. Najo 'aalo queeta'pegue' ná'maq chi lqo'itaxanqachic,

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.

Tito 2:12

Ca' dajo lqouagaxa ñi qota'a ỹapaxaguinque qomi' quiyim salataq ná'ogue na se no'uen chaqai da qarqo'itaxanqachic quená'ogue na huelec najo, quiyim ñaqai qolqatalec na 'laua, ca sa'maxatqa'tegue da qanachaalataxac, qaraqamqata, chaqai ñañaanqot ñi qota'a.

Santiago 1:26

No'm 'ue ca 'neetapigui lauel icoñiguit da na'qaatec, qam se ỹa'den nollaañi ñi lo'legaxanaxat, ca'maxare chi nayinteguelta', ca dá'maq 'neeta quiyim icoñiguit da na'qaatec qaica ca 'negue.

1 Pedro 1:14

Ma' mashic qamiri ñaalqa 'xaỹaxanaxaraqa, 'xañiñi ná'maq 'viichitac quen quesom na' saqa' huañiỹa ñi qota'a.

Apocalipsis 12:9

Ca' chaqaida dá'maq 'neeto' na'le na' qaỹo'daauec so isecỹac chalego lecaic. Ca so'maxare chaqaiso' só'maq ñaauapec 'ec nanaic leenaxat Satanás chaqai na'ỹaapec, só'maq ỹayintaco' quen ná'ogue na ỹoreta'oguit qomyipi hueetalec ana 'laua. Ca so na'ỹaapec chaqai so lelaatqaipi qaỹo'daauec, taalec nqohin na 'laua.

Apocalipsis 13:14

Ca' chicqochigui na netanqaipi ỹo'uet da ne'laxa, ca' qaỹasene'tem quiyim ỹo'uet iuanchigui nqohin só'maq 'auaxaic isecỹac, ca' rayinaxana quená'ogue ná'maq hueetalec ana 'laua. Ca relaataxanlec quiyim qaỹo'uet so nadenqatec lqui'i so isecỹac, só'maq 'uo' na'le so lcoñiraxa lecat lliguiñi, qam qaiyiita nca'leuec.

Apocalipsis 18:2

Ca' ỹaatqajam nelamaxaren ỹaualqatac, 'naacsa': —Mashic huaañi, noxona aso chalego lecaic na'a' leenaxat Babilonia. Ca' nagui, ca loma' na se no'uen lelaatqaipi so na'ỹaapec, chaqai nqañoqotqa' ná'ogue ná'maq se re'xogui lecmaxaiquipi, chaqai lco'vichaqa' ná'ogue ná'maq isecỹac ỹo, napio'o chaqai qanaqaica'a.