Tito 3:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' quedajo chaqa'ma' 'yiiñi' cajo ỹale quiyim ỹit dá'maq ỹa'maqachiguiñi. Ma' dá'maq lasauaxaset chaqaida dá'maq re'oq nqai'en quiyim ỹo'maac.

Tito 3:11 Iomraidhean Croise

Lucas 19:22

Ca só'maq nashi 'naaco': “Qami' nelaatec se no'uen, quedá'maq chi ra'qaachiqui', ca' chaqaida da sachigoxochichigui ca nouaxanaxashichi' quiyim sa'ue. Qami' mashic 'yiiñi' quiyim ỹim pagaxalaic quiyim secona cá'maq se ỹalamaxaret, chaqai ñaqat ana la cá'maq sqai ỹanecsec.

Lucas 7:30

Qam ná'maq fariseoipi, chaqai ná'maq rapaxaguinataxanta'pegue na naqataxaquipi ná'maq se qanachilaxan queso Juan, se nqo'ta dá'maq sham ỹo'uet ñi qota'olec quesaua'maxare.

Juan 3:18

Cá'maq huelec na llaalec ñi qota'olec, ca' qaica ca nouaxanaxaset. Qam cá'maq sqai huelec, chaqa'ma' shi'gue 'ue da nouaxanaxaset nqohin, ma' sqai huelec na 'oonoqui' llaalec ñi qota'olec.

Hechos 13:46

Qam so Pablo chaqai so Bernabé se no'chirelec da letaxaỹaxague', ca 'neraco': —Qam 'eco' paguec la'maxa quiyim sa'auaxanaxe' qamiri quiyim sa'xataq da la'qaatec ñi qota'a ma' qamiri judío lase'; qam sqai coñiguit, chaqai sqa 'maxariñii quiyim viriỹau'a yi nca'laxa sqaica lqodoc, ca' nagui, ca qolaqpegue' na mesqai judioipi.

Hechos 15:24

Chaqai qomi' sa'deenaq quiyim 'vio' caua qomi' chicqora'ñi najo, qam qomi' se qarelaatqa. Ca se rayaxañiỹac, ca se ỹaqamaxate' qamiri quenaua la'qaatqa quiyim 'nerac quiyim 'viichii ca netanec na roshicmaxahi, ca' quiilec na naqataxaquipi chicqochigui so Moisés.

Hechos 23:25

Ca' qailateguelo aso nelaata lere, 'naac:

Romanos 3:19

Sa'deenaq quiyim dá'ogue dá'maq ỹa'xat so naqataxaquipi chicqo'ot so Moisés, ỹa'xat, qam 'naapega ná'maq hueeto'ot so naqataxaquipi, qaiyi ná'ogue i'maxañi, qaica retaqa, ca' qaiyi ná'ogue na qomyipi hueeto'ot quiyim 'ue ca 'neeta ma' ñi qota'a imit ná'ogue na nasauaxaset.

2 Timoteo 2:14

No'uenaxanaxañitegue dajo na qomyipi, ca ỹauanchigui qami' ñi qara'gaxala' ma' 'ñirapega quiyim ỹaxanñi quiyim nco'uaatapiguilo na na'qaatqaipi. Ma' dajo co'uaxac qaica ca 'negue. Chaqaidaata quiyim na'axat ná'maq na'xaỹaxantac.

Tito 1:11

Ca na'maxare ỹouentaque quiyim qaỹapoguilo naua laapi', ma' ỹaatqajam se neuojonta' nqai'en na neuo' laseripi, ma' rapaxaguinataxanta'pegue dá'maq se leloxoỹaxac, ma' chi imitete'e aca lauegue.

Tito 1:14

chaqai qaiyi se na'xaỹaxana na chi na'qaataxanaxac lo'ueenatec na judioipi, chaqai na lelaataxanaxac ná'maq mashic ca'e dá'maq ỹaatqajam lliqueta leloxoỹaxac.

Hebreos 10:26

Ma' no'm chaqai shinaxague qolqatalec dá'maq qarasauaxaset, quiyim ma' ime sa'deenaq dá'maq lliqueta, ca tot ishit quet quiyim 'ue quet ca qoỹaano quiyim qaỹapalaxat ca nasauaxaset.