Tito 3:1 - La'qaatqa ñi qota'olec Qota'olec & Qota'olec Novita Na Qomyipi

¹ No'uenaxanaxañitegue ná'maq mashic icoñiguit da na'qaatec quiyim se napacalec ná'maq nashillipi leta'allipi chaqai na lotauaripi. Ta'ta'a quiyim na'xaỹaxane'ta chaqai quiyim se resalla'ñiguit quiyim ỹo'uet canchaqaica no'uen no'ueenataxanaxac.

Tito 3:1 Iomraidhean Croise

Proverbios 24:21

Maqachiñi' ñi qota'olec chaqai ñi nashi, qami' ỹaalcolec; totaxan lapoisa'piguit na npa'guenaxauaripi,

Isaías 43:26

No'm 'ue ca se no'uen 'ñiisapega so'uet, ca' setaxaỹaxagui. Nodo'iro cá'maq hueetapigui qavilli', sha'apiguito' qaica ca 'maqajñirac.

Jeremías 27:17

¡Totaxan na'xaỹaxañiỹa! 'Guiñiỹot ñi nashi quiyi Babilonia, qaiyi rca'lliiuec. ¿Negue' quet cá'maq 'neeta quiyim najo na'a' lodegaxat ñigui ca ladogoñi 'imqaipi qanopoxoỹaxajñi?

Mateo 22:21

Ca saua'maxare 'neraco': —Lashic ñí'maq lashi na Roma laseripi. Ca' so Jesús 'naaco' quesaua'maxare: —'Ỹaañim cá'maq lalamaxaret ñí'maq lashi na Roma laseripi, chaqai 'ỹaañim ñi qota'olec cá'maq lalamaxaret ñi qota'olec.

1 Corintios 15:58

Ca' vichiguiño' qamiri ñauochaxaua' ỹaqaỹa', sqaico' ca nqovilliguiỹaque, ỹaatqajam quiito'ot 'viichitac da lo'ueenataxanaxac so qara'gaxala'. Ma' qamiri 'yiiñita da ro'ueenataxanaxaguii quiyim 'ueenataxañitacot so'maxare, ma'le ỹaatqajam 'ue ca 'negue.

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Filipenses 1:11

Qaiyi so Jesucristo no'xataxachichigui ma'le da nachaalataxaguii quedá'maq 'maxaraic 'ueenataxac, qaiyi qaimaqachin dá'maq lecaic ñi qota'a.

Colosenses 1:10

Qaiyi shichii quiyim na'maxachita ma' chaqaida 'neetari' ná'maq lalamaxaret so qara'gaxala', quiyim se neme 'viichitac ná'maq ỹa'maxarenta so'maxare. Ca re'oq nqai'ñii dá'maq 'ñiitari' quená'ogue ná'maq no'uen 'viichitac, chaqai quiyim paguec 'yiiñita ñi qota'a.

1 Timoteo 2:2

Sahotaque qai'neeta quiyim qanqouagaxainlec na nashillipi leta'allipi chaqai ná'ogue na lotauaripi, qaiyi qaica canchaqaica coqomi', qaiyi qara'maqachiguiñi, ma' ỹaatqajam ñañaanqot ñi qota'a, qaiyi quená'ogue na qana'ajnaxac qaỹa'maxarenta.

1 Timoteo 4:6

No'm paxaguinataxañitegue dajo quena qarqaỹaripi, ca' ỹaatqajam qami' no'uen lo'ueenataxanqajnec so Jesucristo, chaqai ra'ñaaqataxanqachichi' naua na'qaatqa quedá'maq leloxoỹaxac da npi'ỹaxac chaqai dá'maq 'maxaraic napaxaguinataxaqui' qui'salec.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

2 Timoteo 1:6

Vichiguiño' nagui saqata qami' quiyim nelouec nqai'ñi' da lo'ueenataxanaxac ñi lame ñi qota'a queca na' sashil-lec qami'.

2 Timoteo 2:14

No'uenaxanaxañitegue dajo na qomyipi, ca ỹauanchigui qami' ñi qara'gaxala' ma' 'ñirapega quiyim ỹaxanñi quiyim nco'uaatapiguilo na na'qaatqaipi. Ma' dajo co'uaxac qaica ca 'negue. Chaqaidaata quiyim na'axat ná'maq na'xaỹaxantac.

2 Timoteo 2:21

Ca no'm 'ue ca ỹahotaque ta'chiguit quiyim qaỹouenaxana queso qara'gaxala', ca' no'uen quiyim nco'taxat quená'ogue na se no'uen, qaiyi ishit qarouenaxana quecanchaqaica no'uen.

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.

Tito 2:14

So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Tito 3:14

Chaqai ná'ogue ná'maq mashic icoñiguit da na'qaatec 'maxaraic quiyim ỹa'den ỹo'uet ca no'uen qai'neeta, chaqai quiyim ỹotauan ná'maq 'ue ca louenaxanaxa, qaiyi 'ue ca 'negue da nachaalataxac.

Tito 3:8

Ca' dajo sa'xatetac dá'maq ỹaatqajam lliqueta. Ca' vichiguiño' sahotaque quiyim repaquira'a 'xachi' dajo, qaiyi ná'ogue ná'maq huelec ñi qota'a nquipita'pegue' quiyim ỹo'uet ca ỹa'maqachiguiñi. Ma' dajo sa'xatetac 'xoic loyac chaqai ỹa'maqachiguiñi quená'ogue.

Hebreos 13:21

ca ñi'maxare ỹaatqajam naloqojonchiriñi qamiri, chaqai no'ueenaxat da no'ueenataxaguii quená'ogue, qaiyi 'viichii cá'maq ỹahotaque, chaqai quiyim ỹo'uet ñi'maxare coqomi' cá'ogue cá'maq ỹahotaque, chicqochigui nqai'en so Jesucristo. ¡Ca' se neme qaimaqachintac so Cristo! Ajá'a, ca' chaqaida 'neeta dajo.

2 Pedro 1:12

Vichiguiño' shiquetalec quiyim ño'uenaxanta'peguelo qamiri, 'eno'm shi'gue 'yiiñii' nauajo chaqai sqai 'xañiuec dá'maq lliqueta mashic hueeto'oto qamiri nagui.

Judas 1:5

'Eno'm mashic shi'gue 'yiiñii qamiri, qam sahotaque ño'uenaxanaxanguelo qamiri da 'neeto' na'le ñi qara'gaxala', ma' ñi'maxare naqata'a na'le quiyi Egipto so llaalqaipi so Israel, qam na'chaqai, ca' qaiyiita ileu nqai'en só'maq sqai huelec ñi'maxare.