Tito 2:8 - La'qaatqa ñi qota'olec Qota'olec & Qota'olec Novita Na Qomyipi

⁸ Chaqai da rapaxaguinataxanaxaqui' ỹaatqajam lo'yaxanec nqai'ñi', qaiyi qaica ca na'qaatec se no'uen qaỹa'xatetac. Ta'ta'a quiyim nayiloxon nqai'en cá'maq pa'guenaxantac, ma' se ishit quiyim 'ue ca la'qaatec se ỹa'maxañi taalgoto nqai'ne' qamiri.

Tito 2:8 Iomraidhean Croise

Nehemías 5:9

Ca' lotqai shinac: Dá'maq 'viichitac ỹaatqajam se ỹa'maxañi. Ca' qamiri ỹouen quiyim ỹaatqajam ro'chiỹa ñi qota'olec, qaiyi tot qare'neetac na qomyipi sqai judioipi ná'maq qarpa'guentac.

Marcos 12:17

Ca' so Jesús 'naaco' quesaua'maxare: —'Ỹaañim ñí'maq lashi na nashillipi cá'maq chi lalamaxaret ñi'maxare, chaqai 'ỹaañim ñi qota'olec cá'maq lalamaxaret ñi qota'olec. Ca saua'maxare 'ue da le'laqa' queda la'qaatec.

Marcos 12:28

Ca 'uo' so novi' quena rapaxaguinataxanta'pegue na naqataxaquipi 'qaataco' na'le queso qanoqollictetapigui. Ca ỹa'den quiyim so Jesús ỹaatqajam 'maxaraic da la'qaatec na' ỹopilaxachiguit da nenataxac. Ca so'maxare renataxano' na'le, 'naaco': —¿Negue' cá'maq paguec qoyiuejlec quená'ogue na nelaataxanaxaquipi?

Marcos 12:32

Co'na'le, ca so napaxaguinataxanaq quena naqataxaquipi 'naaco': —'Maxaraic da 'ñirac, qami' napaxaguinataxanaq. Ỹaatqajam lliqueta da ra'qaachiqui', quiyim 'oonoqui' ñi qota'olec, chaqai qaica ca liỹa, qaiñiita.

Marcos 12:34

Ca co'na' so Jesús ỹa'den quiyim ỹa'maqachiguiñi da la'qaatec so'maxare, ca 'naaco': —Tot qoỹoqaque quiyim noxoñira'a da lo'ueenataxanaxac ñi qota'olec ma' ỹoiquentac ná'ogue najo. Ca' quiyi, ca tot qaica ca liỹa renataxan.

Lucas 13:17

Ca co'na' 'naac dajo so Jesús, ca' sá'ogue so npa'guenaxauaripi ỹaatqajam 'xoic da layiloxo. Qam sá'ogue so liỹa qomyipi ỹaatqajam 'ue da netoonaxac na' iuanchigui da lecaic da ỹo'uet so Jesús.

2 Tesalonicenses 3:14

No'm 'ue ca se na'xaỹaxana da qara'qaatec hueetalec najo qoderecse lere, ca ỹaatqajam na'ijñii'tegue ca'maxare. Ca' ime, ca se naqachiiguit, qaiyi nayiloxon ca'maxare ma'le.

1 Timoteo 5:14

Vichiguiño' sahotaque quiyim caná'maq pa'ỹe saqa' qo'oq, ca 'maxaraic quiyim 'on, ỹa'vii caua llaalqa, chaqai idaanlec ca la'a', qaiyi qaica lligo ca npa'guenaxaua quiyim 'ue ca inaqateguelec se ỹa'maxañi.

1 Timoteo 6:3

Ca no'm 'ue ca rapaxaguinataxanegue cá'maq se leloxoỹaxac chaqai ca'maxare se nachiñiguit dá'maq 'maxaraic napaxaguinataxanaxac chicqo'ot so qara'gaxala' Jesucristo, chaqai quedá'maq qanapaxaguinataxac quedá'maq seuaqlec,

Tito 3:14

Chaqai ná'ogue ná'maq mashic icoñiguit da na'qaatec 'maxaraic quiyim ỹa'den ỹo'uet ca no'uen qai'neeta, chaqai quiyim ỹotauan ná'maq 'ue ca louenaxanaxa, qaiyi 'ue ca 'negue da nachaalataxac.

1 Pedro 2:12

Ỹaatqajam 'maxaraic nqai'ñii da no'ueenataxaguii, na'maxachita quiyim lliguitaugui ná'maq saqa' iuanapega ñi qota'a. Qaiyi ná'maq se no'viiñi naua ỹa'xateta'pe nagui caqamiri, 'ec 'xoic nqai'en ca rasauaxashichii, ca' iuana ma'le dá'maq 'maxaraic 'viichitac, ca' imaqachin ma'le ñi qota'a ma' ỹovita ca na'xa'a quiyim ñi'maxare imit na nasauaxaset quená'ogue najo.

1 Pedro 2:15

Ma' ñi qota'a ỹahotaque quiyim qamiri 'viichii ca ỹa'maqachiguiñi, qaiyi qaica ca lligo ca la'qaatec ná'maq qaica ca ỹa'den chaqai na hualoxonyipi.

1 Pedro 3:16

Na'maxachita quiyim qaica canchaqaica huapigui qavillii, qaiyi ná'maq se no'uen ná'maq ỹa'xatetac quiyim mashic coñiguit da na'qaatec queso Cristo, ca nayiloxonlgoto ma'le nauá'maq chi la'qaatqa.