Tito 2:6 - La'qaatqa ñi qota'olec Qota'olec & Qota'olec Novita Na Qomyipi

⁶ Chaqai 'ñirapega na ne'naqaipi quiyim na'maxateta.

Tito 2:6 Iomraidhean Croise

Salmos 148:12

¡Na ỹalliripi chaqai na 'aallipi, ne'naqaipi chaqai na qo'xoiquipi!

Eclesiastés 11:9

Qami' ne'necolec, hualaxai'sac queda nachaalataxaqui' ma' ñaqaqami' nogot. Quiisa'pegue' da ra'deenataxanaxaqui' quená'ogue ná'maq 'ajñisac, qam 'neeto' lotqai 'laxachite quiyim quedá'ogue dajo rimichi' ma'le ñi qota'olec.

Eclesiastés 12:1

Totaxan 'laxachite ñí'maq qami' lo'ueenatec nagui tomaxan ñaqai qami' ne'necoqui' chaqai saqa' novite' caua lqalaigue' naua na'xata'; ma' novite' ma'le caua ñaxari quiyim 'ñirac: Qaica quet cá'maq noviraxat quiyim ya'maqachiguiñi yca'leetauec.

Joel 2:28

Ca na' ime'ueque dauajo, ca' socorougui so ñi'espíritu ná'ogue na ỹoreta'oguit qomyipi: na qachaalaxahipi chaqai na qachaallipi ỹa'xate' naua ỹa'qaatqa, na qo'xoiquipi 'ue ma'le ca le'guemataxac chaqai na ne'naqaipi 'ue ma'le na leuanaxanaxac.

1 Tesalonicenses 5:6

Ca' vichiguiño' nagui se ỹa'maxañi quiyim 'ec selaxasqotegueñi, shinqata ná'maq saqa' icoñiguit da na'qaatec. Ta'ta'a quiyim ñiloqotec chaqai sa'maxatqa'tegue da qoyicyaxac.

1 Timoteo 5:1

Mesqai chaqa'ma' taqaira'a ca qo'xoic, ta'ta'a quiyim qaichireta quecá'maq qohinapega qohinta'gue cá'maq ỹaatqajam neta'a. Chaqai ná'maq ne'naqaipi, ca qohinta'gue ca ỹaatqajam nqaỹa.

1 Pedro 5:5

Ca' chaqai 'neete'm, qamiri ne'naqa, ỹaatqajam na'xaỹaxañii'ta meca 'naac na qo'xoiquipi. Chaqai quená'ogue na qom qaica ca napacqajan queca liỹa. Ta'ta'a quiyim neneequesentecta', ma' naua naneresañi na'qaatqa 'neracsa': Ñi qota'a quepaxat ca nemaqajnaxai, qam nqouaguegue ỹotauan ca neneequesenaxai.

1 Juan 2:13

Chaqai qamiri qo'xoiquipi, shiriñi dajo caqamiri, ma' viriỹau'a quiyim huañiỹa só'maq shi'co' 'ue na' saqa'leca na 'laua. Chaqai qamiri ne'naqaipi, shiriñi dajo caqamiri, ma' mashic qadoxoñiguii so na'ỹaapec. Shiriñi dajo caqamiri, ỹaalqolqa, ma' mashic viriỹau'a quiyim huañiỹa ñi qota'olec.