Tito 2:2 - La'qaatqa ñi qota'olec Qota'olec & Qota'olec Novita Na Qomyipi

² 'Ñirapega na qo'xoiquipi quiyim ỹaatqajam se iualaxaintalec da llicyaxac, se qaiualaxainari', na'maxateta, chaqai 'maxaraic da lpi'ỹaxac, queda lqo'iichi, chaqai da leualaxavic.

Tito 2:2 Iomraidhean Croise

Isaías 65:20

Ca' quiyí ma'le, ca' qaica ca ñaqai noctoqui', ca' ileu, chaqai ca qo'xoic quiyim saqa' ỹovita ca laloqo'. Cá'maq ileu quiyim ỹovite' caua cien ñaxari, ca ñaq ne'necoqui', ca' ileu; chaqai cá'maq se ỹovite' caua cien ñaxari, ca' ileu, ca qaretan quiyim ỹim sa'ue ca nouaxanaxaset.

Levítico 19:32

Nachaachiriñi, chaxañi' quiyim 'ue nqai 'negue nqai'ñi' ca qo'xoic. Chaqai chaxañi' quiyim se napaquiralec aỹim, ma' ỹim qota'olec caqami'. Ỹim ná'maq ỹim na'gaxala'.

Marcos 5:15

Qam co'na' ỹovita yi hueete'e so Jesús, ca iuane'ta so ỹale só'maq 'uo' na'le so le'ec lecmaxaic, nqa'xantañi, ỹansañi saua loho, naỹajanchiguiñi. Ca' so qomyipi no'chi.

Lucas 8:35

Ca' na qom eec, ra'ajnaxane'oga ca hua'ñi dajo. Ca co'na' ỹovita yi hueete'e so Jesús, ca qaiuanejlec so ỹale só'maq chicqaugui so ne'ec lecmaxaiquipi, nqa'xantañi, neeto'oto naua lichil so Jesús, ỹansañi naua loho, chaqai mashic no'ueenta. Ca' ỹaatqajam 'ue da lqolonaxa.

Hechos 24:25

Qam co'na' so Pablo ỹa'xat queca qom ỹalamaxateta da no'ueenataxac, chaqai queca netelalta', chaqai ca nouaxanaxaset ma'le ca sqai huelec ñi qota'a. Ca' so Félix co'na' 'xaỹa dajo, ca no'chi. Ca 'naapego' so Pablo: —Yi, mo'e' nagui, toco' ma' 'ue ca idaaqa', ca liỹo' soỹaxañiraxaua'.

Romanos 12:3

Ma' quedá'maq lqouagaxa ñi qota'a caỹim, ca yilarelec dajo ỹo'ueenataxanaxac, ca shinac dajo caqamiá'ogue quiyim qaica quet cá'maq ỹoiquentac quiyim napacqajan queca chi la'deenataxanaxac. Ta'ta'a quiyim quiñi 'óna ỹa'maxate'tegue ca la'deenataxanaxac quecá'maq laloqo' ca lpi'ỹaxac qoỹaanem quiñi qota'a.

1 Corintios 15:34

Pilliu'a dá'maq chaalataxac co'teeta, se raỹaacotac, chaqai 'xañiñi da reualoxonqaishiguii, ma' 'ue na saqa' iuanapega ñi qota'a caqamiri. Ca' dajo shinac, qaiyi 'ue ca rayiloxohi.

1 Corintios 9:25

Ná'ogue ná'maq na'maxatetegueñi quiyim tau'a ca comitaxac ỹaatqajam noyinguit ná'ogue ná'maq ỹa'den quiyim na'axat. Na'maxare 'ne'tegue dajo, ma' ỹahotaque quiyim rauegaxan, ca' nado'inñi nqohin aca qo'paq laue, qam aca'maxare sqaỹaloq rashivi. Qam qomi' sahoqotaque quiyim ñauegaq acá'maq sqaica ca lqodoc.

2 Corintios 5:13

Qam no'm 'ec qomi' hualoxona', ca chaqaida, qam quiñí'maq qota'a; chaqai no'm 'ec ñouoocqachiguiñi, ca chaqaida, qam caqamiri.

Gálatas 5:23

se nemaqajnaxai, chaqai netelalta'. Ca' qaica quet cá'maq naqataxac ishit quepaxate' nauajo.

Filipenses 4:8

Qamiri ỹaqaỹa', dá'maq co'uaataxanta ỹaqataxac 'neetasa': ỹaatqajam ỹajñita ca leloxoỹaxac cá'maq lliqueta, chaqai ná'ogue ná'maq 'ue ca 'negue nqohin, chaqai cá'maq no'uen ñicyaxac, chaqai ná'maq qaica ca lalegue', chaqai ná'ogue ná'maq qaỹa'maxarenta, chaqai ná'maq no'uen ca na'qaataxac. 'Yiiñitapega ná'ogue ná'maq no'uen chaqai taiguit quiyim qaimaqachin.

1 Tesalonicenses 5:6

Ca' vichiguiño' nagui se ỹa'maxañi quiyim 'ec selaxasqotegueñi, shinqata ná'maq saqa' icoñiguit da na'qaatec. Ta'ta'a quiyim ñiloqotec chaqai sa'maxatqa'tegue da qoyicyaxac.

1 Tesalonicenses 5:8

Qam qomi' ma' seuqataugui yi na'xa'a, ca' ỹaatqajam sa'maxatqa'tegue da qoyicyaxac, ca' squepaqataxanaxa da qarpi'ỹaxac chaqai da qare'xorenataxanaxa, shinqatari' ca neetaho quena nouaataxanaq quena' ỹanñi aca lquepaqataxanqate cana lotogue. Chaqai ỹaatqajam 'ue da qanaquitaxac queca nca'laxa, ma' 'nejem aca do'o lauataxaqui quena' ỹanñi ca nouaataxanaq le'ec.

1 Timoteo 1:10

Na naqataxaquipi imit ca qom nocachita'piguit aca ỹoqa'a 'aalo loqo'm hueeta'piguit ca chi nallishiua, chaqai ca rocacha ca liỹa, chaqai quena 'maatqaiquipi loqo'm ca ỹa'xat ca i'taxajñi qam la'maachic. Na naqataxaquipi imit ỹovira'oga ná'ogue ná'maq se na'xaỹaxana ná'maq ỹaatqajam 'maxaraic napaxaguinataxanaxac.

1 Timoteo 1:14

Vichiguiño' da lqouagaxa so qara'gaxala' ỹaatqajam 'xoic lecaic caỹim, chaqai liỹa da npi'ỹaxac chaqai da ne'xorenataxanaxa hueetauguilo qomi', ma' ña'daqatau'a so Cristo Jesús.

1 Timoteo 1:2

Qami' Timoteo, 'nejem quiyim qami' ỹaalec, ma' ỹim chigoqchiro'ot da rpi'ỹaxaqui'. Selata qami' ana ỹerecse, ma' yishiitaque quiyim coñichiguit ca qouagaxa, chaqai ca ne'xorenataxanaxa, chaqai da neuagaxa chicqo'ot ñi qota'olec chaqai so qara'gaxala' Cristo Jesús.

1 Timoteo 1:5

Ma' dá'maq 'neeta dajo nelaataxanaxac qaỹahotaque quiyim ñi'xoresenaqta'. Qam ca le'xorenataxanaxa ca qom chicqochigui aca le'taxanata co'teeta, chaqai qaica canchaqaica quedá'maq 'neetari', chaqai ca lpi'ỹaxac ỹaatqajam 'chichiguiñi.

1 Timoteo 3:11

Chaqai aca 'aalo qai'neeta ỹaatqajam no'uen da na'qaataxac. Mesqai la'axaqa lo'o', chaqai sqa ỹaaquioxoi, chaqai ỹaqamqata quená'ogue na lo'ueenataxanaxac.

1 Timoteo 3:2

Vichiguiño' quiyim cá'maq la'gaxala' ná'maq mashic icoñiguit da na'qaatec se ỹa'maxañi quiyim se no'uen cá'maq na'qaataxac. Chaqaidaata quiyim 'oono'lli' nqai'en aca loua, chaqai ỹaatqajam ỹa'maxate'tegue da llicyaxac, nelootec, chaqai qaica ca taỹapegueu'a. Ỹaatqajam se ishit quiyim se idaañiguit quet ca namaqategueri', chaqai ỹaatqajam ỹa'den da lapaxaguinataxanaxac.

1 Timoteo 3:4

Chaqai ỹa'den quiyim ra'ilec ca la'a', chaqai ỹapaxaguin ca llaalquenaxanaxac quiyim 'xaỹaxanaxaraic chaqai ỹa'maxate'tegue ca liỹa.

1 Timoteo 3:8

Qai'neeta na lotauaripi ca na'gaxala' ỹouen quiyim no'uen da na'qaataxac, chaqai se rayinaxan quecá'maq ỹa'xat, chaqai se ne'taaxai, chaqai sqai queetalec quiyim imitete'e aca lauegue.

1 Timoteo 5:1

Mesqai chaqa'ma' taqaira'a ca qo'xoic, ta'ta'a quiyim qaichireta quecá'maq qohinapega qohinta'gue cá'maq ỹaatqajam neta'a. Chaqai ná'maq ne'naqaipi, ca qohinta'gue ca ỹaatqajam nqaỹa.

Tito 1:13

Ca' ỹaatqajam llic dá'maq ỹa'xat. Vichiguiño' nagui ỹaatqajam viraqchira'a taqaira'a, qaiyi nachinñi da lpi'ỹaxac,

Tito 1:8

Ta'ta'a quiyim quelolqachaqaic quiyim idaañiguit ca nouoq, chaqai nqo'ta quiyim ỹo'uet cá'maq ỹa'maqachiguiñi, na'maxateta, 'maxaraic da no'ueenataxac, co'teeta, ra'ijlec da nachaalataxac.

Tito 2:7

Qam qami' qai'neeta chaxañi' dá'maq 'maxaraic na'qaataxaqui' quedá'ogue da ro'ueenataxanaxaqui'. Lamaxachite' ca 'xachi' quená'maq paxaguiñisac, sqai saguiriñisalec.

Filemón 1:9

qam qaiyiita ñi'xoresene'tot qami'. Ỹim Pablo mashic aỹim qo'xoỹom chaqai nagui ỹim ncoñiiteguesec sasouetapigui so Cristo Jesús,

1 Pedro 1:13

Ca vichiguiño' ỹaatqajam 'maxachichiguiñi ca ra'deenataxanaxaguii quiyim 'ue ca 'viichii, chaqai ỹaatqajam 'ajñita. Ỹaatqajam machiỹalec da naquitaxaguii da lqouagaxa ñi qota'a quecá'maq ỹaanema qamiri ma'le ma' liỹa re'oq so Jesucristo.

1 Pedro 4:7

Ca tot qoỹoqaque ca lqodoc ná'ogue nanchaqaina. Ca vichiguiño' sqai qamiri que'guenataxanaxaiqa. Ta'ta'a quiyim ỹaatqajam coñiỹa da nqouagaxainaxaguii.

1 Pedro 5:8

Chaqai ỹaatqajam na'deenaxanqachiñii chaqai nelohitec, ma' so npa'guenaxauahi na'ỹaapec ronoqota'pegue', 'neetari' meca sauaxaic leta'a idaantaque quiyim 'ue ca loxonec.

2 Pedro 1:6

chaqai queda ra'deenataxanaxaguii, ca' nichiñiỹalta'; chaqai quiyim nichiñiỹalta', ca' da reualaxaviguii; chaqai queda reualaxaviguii, ca' nañaañiỹot ñi qota'a;