Tito 2:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' dajo dá'maq paxaguinataxañitegue. 'Ñaaqataxañisac chaqai se ro'chiralec quiyim lamqataxañi', qaiyi qaica ca napacalec qami'.

Tito 2:15 Iomraidhean Croise

Mateo 7:29

Ma' queda lapaxaguinataxanaxac ỹaatqajam 'chichiguiñi, 'ue da lquesaxanaxa, mesqai 'nejem ná'maq rapaxaguinataxanta'pegue na naqataxaquipi chicqo'ot so Moisés.

Marcos 1:22

Ca' so qomyipi ỹaatqajam 'ue da le'laxa quenaua la'qaatqa so'maxare, ma' 'ec 'ue da lquesaxanaxa, sqai 'nejem ná'maq rapaxaguinataxanta'pegue na naqataxaquipi.

Marcos 1:27

Ca sá'ogue so qomyipi no'daxatec. Ca' chi nenatetecta': —¿Negue' cá'maq 'neeto' dajo? ¿Nega'ỹo' dá'maq dalaxaic napaxaguinataxanaxac? ¡Dajo ỹale 'ue da lquesaxanaxa quiyim ilarec vire'ta na ne'ec lecmaxaic, chaqai na'maxare na'xaỹaxane'ta da'maxare!

Lucas 4:36

Ca' sá'ogue so qomyipi ỹaatqajam 'ue da lqolonaxa. Ca retaqatecta', 'naac: —¿Nega'ỹo' dá'maq na'qaatec? ¡Ma' dá'maq ỹale ỹaatqajam 'ue da 'negue, chaqai 'ue da lquesaxanaxa da la'qaatec, ma' quena' ilarec na ne'ec lecmaxaic, ca na'maxare chaqa'ma' eec!

1 Corintios 16:11

Vichiguiño' 'maxaraic quiyim qaica ca liỹoqa'piguit ca'maxare. Ta'ta'a quiyim otauañii queda llicyaxac, qaiyi qaicanqaida, ma' ỹim ñauaantaque ma' liỹareta'pe caua liỹa' qarqaỹa', qaiyi ñauañiguita.

1 Timoteo 5:20

Qam cá'maq queetalec sqai ỹaxanñi da leualoxonqaishic, ca' ca'maxare ỹaatqajam taqaira'a, 'qaatac nqai'ñi' ná'ogue na liỹaripi, qaiyi ỹa'den no'chi.

2 Timoteo 4:2

quiyim ỹaatqajam 'xachi' da na'qaatec, nquipichira'pegue' quiyim 'ue ca redaaqachi' chaqai 'eno'm qaica ca redaaqachi'. Vire'ta quiyim shichi' ca qom, chaxañi' ca lo'maxac, qachita, chaqai ỹaatqajam neualaxaviñire'e' quiyim paxaguiñi'.

Tito 1:13

Ca' ỹaatqajam llic dá'maq ỹa'xat. Vichiguiño' nagui ỹaatqajam viraqchira'a taqaira'a, qaiyi nachinñi da lpi'ỹaxac,

1 Pedro 4:11

No'm 'ue ca retaqa, ca' caua la'qaatqa 'neete'm caua la'qaatqa ñi qota'a. Chaqai no'm 'ue ca qoỹaanem ca lo'ueenataxanaxac, ca ỹo'uet, qam ỹahote'e dá'maq lquesaxanaxa qoỹaanem quiñi qota'a. Chaqai quená'ogue ná'maq qaỹo'uet tai'a nqohin quiyim qaimaqachin ñi qota'a chicqochigui so Jesucristo. Ma' sqaica lqodoc da lauaq chaqai da lquesaxanaxa ñi qota'a. Ajá'a, chaqaida 'neeta dajo.