Tito 2:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ So'maxare nañan quiyim ileualgoto qomi', ma' ỹahotaque quiyim qarca'laxatec quená'ogue na se no'uen chaqai ỹaatqajam co'taxat da qanachaalataxac, qaiyi qomi' lalamqate' chaqai quiyim qarqo'ta so'ueetaq cá'maq no'uen.

Tito 2:14 Iomraidhean Croise

Génesis 48:16

ñí'maq qota'olec lelaatec piguim le'ec, ñí'maq ro'ootaxanteguelec aỹim quená'ogue na se no'uen, ñi'maxare no'ueenaxat ca llicyaxague' nauajo ñaaqolqa. Chaqai quiyim chicqochiguilo naua'maxare quiyim se qaicoua'e da ỹeenaxat chaqai da leenaxat so ỹapi' Abraham chaqai so ita'a Isaac. Chaqai quiyim 'xoic ca llaalqaipi naua'maxare quena 'laua.

Salmos 130:8

¡Ñi'maxare ỹosou'a ma'le na Israel quedá'ogue dá'maq hueetaugui se no'uen!

Éxodo 15:16

Qami' qara'gaxala', ¡No'chi nqai'ñi'!, ca ¡'xoic da lqolonaxa! chaqai ¡quecá'maq hueeta'ñi, ca 'ec qa' queda lquesaxanaxa da rqai'laxachi', chi ỹovireta'a pacta na ralamaxarichi' qomyipi ná'maq rca'acshiqui'!

Ezequiel 36:25

Sco'taxate' qamiri quená'maq no'uen huaxaỹaq, ñquiỹouec ná'ogue na rishillii, ñaqata'a ma'le dá'maq 'ñiitari' quena nashiilec nqolaquipi;

Malaquías 3:3

Ñi qara'gaxala' nqa'xanñi, ca' co'taxat ma'le na netaxaỹaxanqajanqaipi, ná'maq chigoxougui so Leví, 'ec cá'maq co'taxat ca plata chaqai ca 'oro, ỹahote'e norec. Ime, ca' naua'maxare ishit ỹaando ca lachitaxanataxanaxat quiñi qara'gaxala', ipacqajanchigui dá'maq ỹaatqajam 'neeta ca nachitaxanataxanaxat.

Mateo 1:21

Ca ma' ne'qaañi yi llaalec, ca ñitegue leenaxat Jesús. Leenaxato' ma'le dajo, ma' nca'laxatec ma'le na lalamaxaret lauo' quena lasauaxaset.

Mateo 20:28

Ma' chaqaida dá'maq 'neeta najo ỹale llaalec se novi' quiyim ỹahotaque qaiquelola. Ta'ta'a quiyim ná'ogue quelola, chaqai quiyim da nachaalataxac ỹaanec, ca' 'ec lishiuetenaxanaxat, qaiyi 'xoic ca nca'leuec.

Mateo 3:12

Shi'gue lo'qoota'a so lochigoxosoxonaxat, ca' co'taxat na trigo, naqat na lovi. Ime, ca' ỹa'maxat ná'maq co'teeta trigo la quiñi lahi'. Qam na lovi, ca' copata'a inaxañigui ca norec sqai 'om.

Juan 6:51

Chaqaỹim ná'maq ỹim pan nca'leetauec chicqa'gue da piguim. Cá'maq ỹa'ic najo pan, ca' 'ue da lca'laxa sqaica lqodoc. Chaqai cá'maq pan ỹim saanec, chaqaina ná'maq ỹoshicmaxa. Ca ỹim saanec, qaiyi nca'leuec na qomyipi quena 'laua.

Hechos 15:14

Ñi Simón Pedro ra'qaataxanema qomi' quedá'maq 'neeto' da lqouagaxa ñi qota'olec na' 'auaxaic nqouaguegue so mesqai judío, ca ỹa'ue na lca'acsec, ỹachigoxotaugui na'maxare, ma' ỹahotaque quiyim lalamaxat.

Hechos 15:9

Ñi qota'olec se ỹoỹoota'chi coqomi' quena'maxare, ma' qai'neeta co'taxat añi le'taxanata chicqochigui nqai'en da lpi'ỹaxac.

Hechos 20:28

Ca' nagui, ca ncochiỹalta', chaqai cochiỹa ná'ogue ná'maq mashic ỹacoñiguit da na'qaatec, quiyim so Espíritu Santo pataxalgoto qamiri quiyim loxoi'a chaqai cochiỹa, ma' na'maxare lalamqate' ñi qara'gaxala' Jesús, ma' ñi'maxare lishiujnaxanqate, rishiuetenaxanalo saua chi leuo' na' qaỹalauat.

Hechos 9:36

Ca' quesaua na'xata' 'uo' aso mashic shi'gom ỹacoñiguit da na'qaatec na'ñi yi Jope, leenaxat Tabita. Dajo neenaxat quenaua griego la'qaatqa 'naac: Dorcas (dajo 'naac: qagreta neuec). Aso 'aalo co'na' ñaqa 'ue 'xoic da lotaanaxanaxac, ỹotauantac ná'maq 'ue na louenaxanaxa.

Gálatas 1:4

só'maq nañaañiguit na'le da lelauaxa sauaxat naua qarasauaxasete', qaiyi nca'laxaterec qomi' quená'ogue na se no'uen huelec na 'laua. Ca' ipacqajanchigui dá'maq ỹahotaque ñi qota'olec coqomi'.

Gálatas 2:20

Ma' ỹim 'eco' shi'gue yileu, iỹaatashiguim so Cristo na' qaipateno. Vichiguiño' ca mese ỹalamaxaret nagui dá'maq santañi ñachaalataxac, ca' chaqaiñi ñí'maq Cristo ñí'maq nachaatetaugui aỹim. Ca dá'maq ñachaalataxac nagui chicqochigui da ipi'ỹaxac queso llaalec ñi qota'a, ma' yi'xoren, ca nañaañiguit da lelauaxa caỹim.

Gálatas 3:13

Qam so Cristo quepaqataxanlgoto qomi' quedá'maq chalego lecaic qanouaxanaxaset quet chicqochigui so naqataxaquipi, ma' so'maxare npa'xanguit dá'maq chalego lecaic nouaxanaxaset talgoto quet qomi'. Ma' naua naneresañi na'qaatqa 'neracsa': “Chalego lecaic ca nouaxanaxaset quiñi qota'a ná'ogue ná'maq qaicoñirashiguim queca qo'paq.”

Efesios 1:11

Quedá'maq quiyim ña'daqatau'a so Cristo, ñi qota'a shi'gue nca'au'alo qomi', qaiyi ñouanqau'a ma'le cá'maq ỹaanec ma'le ñi'maxare. Qam quedá'ogue dajo nachiñi'chiguit dá'maq ỹahotaque ñi qota'a, ma' ñi'maxare ñí'maq ỹo'ueetac ná'ogue nanchaqaina quená'maq ỹa'maxarenta.

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Efesios 5:2

Quiyim qamiri 'xorenataxanaxaiqa 'nejem so Cristo na' qare'xoren, ca' nañaanalta' quiyim ileualgoto qomi', 'nejem nqohin ca qagreta llaalec quiyim qaỹalauat, chaqai qaỹavigaxat, ca' qoỹaanot ñi qota'a. Ca namaañi'chiguit da lahita ñi'maxare.

Deuteronomio 7:6

Ma' qamiri ỹaatqajam qaỹoỹooterec, qaiyi ỹaatqajam qamiri lalamaxarete' ñi qara'gaxala' qota'olec caqamiri. Ñi qara'gaxala' qamiri lca'acse' quená'ogue na qomyipi hueetalec na 'laua, qaiyi ỹaatqajam qamiri lalamaxarete' ñi'maxare.

1 Timoteo 1:15

Ca' dajo dá'maq ỹaatqajam lliquetam, chaqai qaica quet cá'maq sqai huelec quiyim so Cristo Jesús naỹa na 'laua, ma' ỹahotaque quiyim nca'laxatec na qomyipi hualoxonyipi, qam quena'maxare, ca' ỹim ná'maq ỹapacauec da iualoxonqaishic.

1 Timoteo 2:10

Chaqaidaata quiyim ỹo'uet ca ỹa'maqachiguiñi, qaiyi 'ec no'ueetaxat. Ma' chaqaida da 'neetari' aca 'aalo queetalec ñi qota'a.

1 Timoteo 2:6

Ma' so Jesucristo nañaañiguit da lelauaxa, ca' ishiueten so laseuete da lca'laxa ná'ogue na qomyipi, ca' dajo qaỹa'xat na' chi ỹovita cá'maq laloqo'.

1 Timoteo 6:18

'Ñirapega na'maxare quiyim ỹo'uet cá'maq no'uen, qaiyi 'ec lesallaxa da'maxare quiyim ỹo'uet cá'maq ỹa'maqachiguiñi. Chaqai qaica ca huapigui lauel, ta'ta'a quiyim 'ue ca ỹaan lotaanaxanaxat.

Tito 2:7

Qam qami' qai'neeta chaxañi' dá'maq 'maxaraic na'qaataxaqui' quedá'ogue da ro'ueenataxanaxaqui'. Lamaxachite' ca 'xachi' quená'maq paxaguiñisac, sqai saguiriñisalec.

Tito 3:8

Ca' dajo sa'xatetac dá'maq ỹaatqajam lliqueta. Ca' vichiguiño' sahotaque quiyim repaquira'a 'xachi' dajo, qaiyi ná'ogue ná'maq huelec ñi qota'a nquipita'pegue' quiyim ỹo'uet ca ỹa'maqachiguiñi. Ma' dajo sa'xatetac 'xoic loyac chaqai ỹa'maqachiguiñi quená'ogue.

Hebreos 1:3

Ca' chaqaiso so lqai'legaxa dá'maq lauaq ñi qota'a, chaqai so'maxare chaqaiso só'maq 'nejem da no'ueenataxac ñi qota'a, chaqai so'maxare só'maq nolliitañi ná'ogue nanchaqaina queda lquesaxanaxa da la'qaatec. Ca co'na' ime co'taxate' qomi' quena qarasauaxaset, ca' nqa'xanñi quiyim nashi queda loic yi nqa'xanqa' ñi qota'a queda piguim.

Hebreos 10:24

Ca' sedaanqaque ca la'maqa' quiyim ñotauanqata'ta', qaiyi ñi'xoresenaqta' chaqai so'ueetaq cá'maq ỹa'maqachiguiñi.

Hebreos 9:14

Ca no'm chaqaida 'neeta dajo, ¡huose'quet sqai paguec lquesaxanqa' saua leuo' so Cristo! Ma' chicqochigui da lquesaxanaxa so Espíritu sqaica lqodoc quiyim so Cristo chi nañaanot ñi qota'a, 'nejem aca nachitaxanataxanqate quiyim ỹaatqajam co'teeta. Ca' saua leuo' co'taxate' yi qara'deenataxanaxac loma' quenauá'maq qarasauaxasete' rauecqataxansa'a da nelauaxa, qaiyi seshitaq so'ueenataxanqot ñi qota'olec se neme nca'leetauec.

Santiago 4:8

Nqo'ñiỹot ñi qota'a, ca ñi'maxare nqo'ñiguita qamiri. Chaqai qamiri sauaqhuaiquipi nquiỹoiuec ná'maq mashic coñigui se no'uen. Chaqai qamiri ma' viitaque rqo'chiỹa ñi qota'a chaqai qai'neeta na huelec na 'laua, ca' co'taxachii' naua re'taxanatahi.

1 Pedro 1:18

Ma' ñi qota'a naqata'alo qamiri quedá'maq qaica ca 'negue chaalataxac no'ueenauguilo qamiri queso 'auaxaic qataa'illipi. Chaqai qamiri ỹaatqajam 'yiiñita dá'maq lesega'a dá'maq rca'laxahi se laseuete nqohin cá'maq tai'a quiyim imeuo, 'nejem aca 'oro loqo'm aca plata,

1 Pedro 1:22

Ca' nagui qamiri, ma' mashic na'xaỹaxañiỹa dá'maq na'qaatec lliqueta chicqochigui so Espíritu Santo, ca' nachinñi nqai'ñii da nachaalataxaguii quiyim ỹaatqajam 'xoriñii ca rqaỹahi. Ca' chaqaida quet 'ñiita'gue quiyim ne'xoriñiỹata', lliichigui añi re'taxanatahi chaqai quedá'ogue da rquesaxanaxahi.

1 Pedro 2:12

Ỹaatqajam 'maxaraic nqai'ñii da no'ueenataxaguii, na'maxachita quiyim lliguitaugui ná'maq saqa' iuanapega ñi qota'a. Qaiyi ná'maq se no'viiñi naua ỹa'xateta'pe nagui caqamiri, 'ec 'xoic nqai'en ca rasauaxashichii, ca' iuana ma'le dá'maq 'maxaraic 'viichitac, ca' imaqachin ma'le ñi qota'a ma' ỹovita ca na'xa'a quiyim ñi'maxare imit na nasauaxaset quená'ogue najo.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.

1 Pedro 3:18

Ma' so Cristo queda le'xoric, ca' ileualgoto naua qarasauaxasete'; 'oonoqui', ca' chaqa'ma' imaauec nqai'en. So'maxare ỹaatqajam huagaxaraic, qam ileualgoto na'le qomi' quiyim qomi' hualoxona', qaiyi ỹauega'alo qomi' ñi qota'a. Ỹaatqajam qaỹalauat quesó'maq loshicmaxa, qam liỹa nca'leuec nqohin quesó'maq se re'xogui.

1 Juan 1:7

Qam no'm seuqataugui cá'maq re'qojlec, shinqatari' ñi qota'a ma' re'qojlec ca hueeta'ñi, ca hueeta'ñi, ca quiñi 'óna coqomi' ỹaatqajam na'deeta'guit ca liỹa, ca' saua leuo' so llaalec Jesucristo co'taxate' qomi' quená'ogue na qarasauaxaset.

1 Juan 1:9

Qam no'm sa'xataxe' naua qarasauaxasete', ca' spi'ỹaaqa'a ñi qota'a quiyim ishit ỹo'uet ca ỹa'maqachiguiñi, ca ñi'maxare ishit ỹapalaxat na qarasauaxaseteripi chaqai qarco'taxat quená'ogue na se no'uen.

1 Juan 3:2

Qamiri ỹaqaỹarolqa, mashic qomi' llaalqa ñi qota'a. Qam saqa' qaỹachaxanoxorom cá'maq shinqata ma' novi' cá'naq nqodoc. Qam sa'deenaq quiyim ma' liỹa re'oq so Jesucristo, ca' shinqatam so'maxare, ma' seuanaxa ma'le dá'maq ỹaatqajam 'neetari' so'maxare.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',

Apocalipsis 5:9

Ca qaỹo'ueentac dajo dalaxaic no'ueenec, 'neetasa': Qami' 'iichichiguit quiyim coñita ana lere chaqai quiyim naqachi' naua qaỹa'gaxanaxansañi netanaqsete; ma' qaỹalauat na'le aqami', chaqai quesaua reuochi', ca' laseue' na' shiujnaxañitalo qomi', chigoxochiraugui ná'ogue na ỹoreta'oguit qomyipi ỹoreta'oguit na la'qaatec, qaiyi lalamaxareteripi ñi qota'a.