Tito 2:13 - La'qaatqa ñi qota'olec Qota'olec & Qota'olec Novita Na Qomyipi

¹³ Qai'neeta ỹapaxaguinque qomi' quiyim qolqatalec da qarauaanaxanaxac quiyim ñauaanqata'guit quiyim ỹovirelec ca laloqo' ca loyac cajo na'xa'a cá'maq qaỹachaxantapeguema qomi' cá'maq loviraxac quiyim naquetagui da lauaq cá'maq chalego lecaic qota'olec chaqai qarca'laxaqui Jesucristo.

Tito 2:13 Iomraidhean Croise

Isaías 25:9

Ca' quecajo na'xa'a, ca' qohinac: Ñijo ñí'maq qota'olec coqomi', ñi'maxare spi'ỹaaqa'a, ca ñi'maxare qarca'laxatec. Saỹaaquioqotalec, ñitoonqata'gue, ma' ñi'maxare mashic qarca'laxatec. (26.1—28.6 Qaỹo'ueenta'uegue da nauegaxanaxac. Da lca'laxa ma'le yi Israel. Qaraqata yi Samaria.)

Mateo 16:27

Ma' najo ỹale llaalec ma' novi', ca' naquetaugui da lauaq ñi leta'a chaqai liỹaatac na lelaatqaipi piguim laseripi. Ca' ma'le, ca ishiueten quiñi 'óna quecá'maq lo'ueenatec.

Mateo 25:31

Ca ma' novi' najo ỹale llaalec quiyim nashi, qalapoỹau'a quena lelaatqaipi piguim laseripi, ca nqa'xañigui aca 'ue lauaq nashi nqa'xanaxaqui.

Mateo 26:64

Ca' so Jesús 'naaco': —Ajá'a, chaqaỹim, chaqaida dá'maq 'ñirac. Chaqai qai'neeta shinac caqamiri huañiỹa ma'le najo ỹale llaalec nqa'xanta'gue da loic ñi qota'olec ñí'maq sqaica qalanac, chaqai naquetaugui ma'le na naueguelec quena piguim.

Marcos 14:62

Ca' so Jesús 'naaco': —Ajá'a, chaqaỹim. Ca' qamiri huañiỹa ma'le najo ỹale llaalec nqa'xantañi, pa'aata'gue da loic ñi qota'olec ñí'maq quesaxanaxaic, chaqai ma' rapil, ca naquetaugui na naueguelec hueeto'ot na piguim.

Marcos 8:38

Ma' no'm 'ue ca nayiloxonlec aỹim chaqai dá'maq sa'xatetac quena qomyipi mashic sqai quelec ñi qota'olec chaqai sauaqhuaiquipi, ca' najo ỹale llaalec qai'neeta nayiloxonlec ma'le ca'maxare, ma' ỹovita quiyim rapil naquetagui da lauaq ñi leta'a, chaqai na co'teeta nelaatqaipi chicqashiguim.

Hechos 24:15

Chaqai 'nejem da ñaquitaxac quiñi qota'olec dá'maq naquitaxague' naua'maxare, quiyim na leuaxaic liỹa nca'leuec nqohin, ná'ogue na huagaxaraic chaqai na nocqaic.

Romanos 15:13

Ca' ñi qota'olec ma' chicqo'ot da qanaquitaxac, no'xaguilo nqai'ne' qamiri queda netoonaxaguii chaqai queda ra'maxahi quiyim mashic viilec ñi'maxare, qaiyi no'qaachiguilo qamiri quedá'maq naquitaxaguii chicqochigui da lquesaxanaxa so Espíritu Santo.

Romanos 5:5

Ca' dajo qanaquitaxac se ỹo'uet ca qarayiloxo, ma' ñi qota'a no'xataxachiguilo naua qare'taxanata queda le'xorenataxanaxa, chicqochigui nqai'en so Espíritu Santo ma' mashic ỹaanema qomi'.

Romanos 8:18

'Nesa ma' 'vii naua qare'xorico sovirqau'alo nagui, qam sqai 'nejem nqaishin cá'maq ñaqa naata lecaic cá'maq ñouanqau'a ma'le.

1 Corintios 1:7

Ca chaqaida 'neeta quiyim qaica ca viñitaque quená'maq lame ñi qota'a, ca chi nauaañitaque ca na'xa'a quiyim novi' so qara'gaxala' Jesucristo.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

Colosenses 1:27

Ca quesaua'maxare ñi qota'a ỹahotaque quiyim qaỹa'den dá'maq lesallaxa 'ue da lauaq dá'maq ỹahotaque ỹaanem na mesqai judioipi. Ca' dajo na'qaatec quiyim so Cristo ỹalequetauguilo qamiri, ca' so'maxare chaqaiso só'maq ỹo'uet ca naquitaxaguii, qaiyi 'ue ca lauaxai' ma'le qamiri.

Colosenses 1:5

Ma' 'ue da naquitaxaguii quiyí'maq qaỹa'maxatetañi qaỹauaaque qoỹaanema qamiri ma'le quiñi qota'a hueeta'gue da piguim. Qamiri 'uo' na'le da naquitaxaguii co'na' na'xaỹaxañiỹa dá'maq ỹaatqajam llic na'qaatec chicqaugui da nca'laxa.

Colosenses 3:4

Ma' chaqaiso so Cristo só'maq ỹaatqajam qarca'laxa. Ca ma' liỹa novi' nachaxan, ca' qamiri qai'neeta re'xoi' ma'le queso'maxare, ca' nouañiỹau'a da lauaq so'maxare.

2 Tesalonicenses 2:16

Ca' chaqaiñi ñí'maq qara'gaxala' Jesucristo chaqai ñi qota'olec, quedá'maq lqouagaxa, ca qare'xoren, ca' sqaica lqodoc nqai'en da la'maxa qouel chaqai da 'maxaraic qanaquitaxac,

2 Tesalonicenses 2:8

Ca' ma'le, ca nachaxan cajo ỹale sauaqhuaic, qam so qara'gaxala' Jesús ỹalauatañi ma'le, ma' pe'tot quena lacat chaqai da lauaq da loviraxac.

1 Timoteo 1:1

Aỹim Pablo, ỹim lelaatec so Jesucristo. Ca' dajo ñilaataxac chicqo'ot ñi qota'a ñí'maq qarca'laxaqui chaqai so qara'gaxala' Jesucristo só'maq ỹaatqajam qarpe'eet.

2 Timoteo 1:2

Ma' qami' ỹauochaxat ỹaalec Timoteo, selata qami' anajo ỹerecse, ma' sahotaque quiyim coñichiguit ca qouagaxa, chaqai ca ne'xorenataxanaxa, chaqai ca na'maxa chicqo'ot ñi qota'olec chaqai ñi qara'gaxala' Jesucristo.

2 Timoteo 4:1

Ca' dajo ỹaqataxac saanem qami' nagui ỹaatqajam ỹauanchiguilo qomi' nagui ñi qota'a chaqai ñi qara'gaxala' Jesucristo, ma' nac ma'le quiyim nachaxan quiyim nashi, ca' imit na qomyipi quená'maq nca'leetauec chaqai ná'maq mashic ileu. Ca 'xoic da ỹaqataxac caqami',

2 Timoteo 4:8

Ca' nagui nauaantaiguit ca ñishiue' quedá'maq lalamaxa da ñachaalataxac, qam dajo nañaañim so qara'gaxala' Jesús quecajo na'xa'a, só'maq se ỹo'maac quiyim imit ca qom. Qam mesqaỹimeta nañaañim, ma' qai'neeta ỹaanem ná'ogue ná'maq 'xoic lqo'iichi queca loviraxac.

Tito 1:2

chaqai qai'neeta ỹa'deenta da quitaxac queda chaalataxac sqaica lqodoc. Dá'maq ỹachaxantac na' saqa'leca na 'laua ñí'maq qota'a, ma' ñí se na'majan.

Tito 1:4

Qami' Tito, shinta'gue quiyim 'ec qami' ỹaalec, ma' ỹim chicqo'ot quiyim 'ue da rpi'ỹaxaqui' dá'maq hueeto'oto qomi'. Selata qami' ana ỹerecse, ma' sahotaque quiyim coñichiguit ca qouagaxa, chaqai da ne'xorenataxanaxa, chaqai da na'maxa chicqo'ot ñi qota'olec chaqai so qara'gaxala' Jesucristo só'maq qarca'laxaqui.

Tito 3:4

Qam ñi qota'a ñí'maq qarca'laxaqui na' ỹachaxan da lqouagaxa chaqai da le'xorenataxanaxa quena qomyipi,

Hebreos 9:28

ca' chaqaida 'neeta nqai'en so Cristo quiyim 'oonoqui' nañaanalta', qaiyi naqat ná'ogue na nasauaxaset. Ime, ca' lotqai liỹa nachaxan, qam tot naqat na nasauaxaset, ta'ta'a quiyim nca'laxatec ná'maq nauaantaque so'maxare.

1 Pedro 1:3

Semaqachinqatac ñi qota'a, ñí'maq leta'a so qara'gaxala' Jesucristo, quedá'maq chalego lecaic le'xorenataxanaxa quiyim liỹa ne'qa'iñi nqai'ne' qomi' chicqochigui na' liỹa nca'laxatec so Jesucristo quiyi leuaxaiquipi. Dajo ỹo'uet da qanaquitaxac queda qanachaalataxac,

1 Pedro 1:7

Ma' da rpi'ỹaxaguii 'neetari' ca 'oro, ca' ỹouen quiyim qai'guen, qaỹahote'e ca norec, qaiyi re'oq cá'maq ỹaatqajam loyac. Da npi'ỹaxac quiyim ca'laxatauec ca ne'guenaxac, ca' paguec loyac queca 'oro, ma' ca'maxare tai'a quiyim imeuo. Ca' vichiguiño' da rpi'ỹaxaguii qamiri quiyim qai'guen, ca re'oq quiyim qaỹa'maxarenta chaqai qaimaqachin da loyac ma' ỹovita quiyim liỹa re'oq so Jesucristo.

2 Pedro 1:1

Aỹim ỹeenaxat Simón Pedro, ỹim la'ac chaqai aỹim lelaatec so Jesucristo. Shiriñi ana ilaata tai'alo nqaishine' qamiri quiyim mashic viriỹau'a dá'maq chalego loyac rpi'ỹaxaguii 'nejem dá'maq npi'ỹaxac hueeto'oto qomi', ma' so qota'olec Jesucristo, só'maq qarca'laxaqui, so'maxare ishit ỹo'uet ca ỹa'maqachiguiñi.

2 Pedro 3:18

Qam reuogoxohi quiyim ỹaatqajam paguec huañiỹa so qara'gaxala' chaqai qarca'laxaqui Jesucristo, chaqai nañaqchitaugui da le'xorenataxanaxa. ¡Ca' qaica lqodoc quiyim qaimaqachintac so'maxare! Ajá'a, ca' chaqaida 'neeta dajo.

1 Juan 4:14

Chaqai qomi' ỹaatqajam seuanqachigui, ca' sa'xatqatac, quiyim ñi qota'olec nela' so llaalec, ma' ỹahotaque nca'laxatec na qomyipi hueetalec ana 'laua.

Judas 1:21

Chaqai sqai 'xañiuec da le'xorenataxanaxa ñi qota'a. Chaqai nauaañita'guit ca na'xa'a quiyim so qara'gaxala' Jesucristo quedá'maq lqouagaxa, ca' ỹaanema qomi' ma'le ca nca'laxa sqaica lqodoc.

Apocalipsis 1:7

¡Ñaq ra'iiguit, na Cristo naquetaugui na naueguelec! Ca ná'ogue iuañi'chiguit ma'le, vire'ta ná'maq coñirqachit iuana ma'le. Chaqai ná'ogue na ỹoreta'oguit qomyipi hueetalec ana 'laua ỹaatqajam noỹentagui ma' idaana'guit. Ajá'a, ca' chaqaida 'neeta ma'le.