Tito 1:9 - La'qaatqa ñi qota'olec Qota'olec & Qota'olec Novita Na Qomyipi

⁹ Chaqai ỹaatqajam na'ñaxate'tegue dá'maq ỹaatqajam leloxoỹaxac da na'qaatec dá'maq mashic qaỹapaxaguinegue, qaiyi ishit quiyim ỹa'ñaxat ca liỹa, ỹahote'e dá'maq no'uen napaxaguinataxanaxac, ca' ishit taauec nqai'en ca loqollictaxanaxac na qollictaxanaxairipi.

Tito 1:9 Iomraidhean Croise

Job 2:3

Co'na'le, ca' ñi qara'gaxala' 'naaco' queso'maxare: —¿Mashic huañita ñi ilaatec leenaxat Job? Qaica ca 'nejem ñi'maxare quena 'laua, ỹaatqajam qamaxaraic ñi'maxare caỹim, chaqai da nachaalataxac ỹaatqajam 'maxaraic, chaqai qaca aca lete, netelañi quiyim ỹo'uet ca se no'uen queca liỹa. 'Eno'm shiilaxañitegue caỹim quiyim 'viichi' ca se no'uen quiñi'maxare, qaica quet cá'maq ỹasauaxat, qam ñi'maxare se neme quiyim queetalec aỹim, sqai ỹaxanec dá'maq no'uen chaalataxac.

Proverbios 23:23

Shiujnaxañita da lliqueta chaqai da na'deenaxanaxa, da paxaguinataxac, da na'deenec, ca' ¡sqai miiñi'!

Hechos 18:28

Vichiguiño' ỹaatqajam ỹachaxan da lo'maxac na judioipi, ca' ná'maq judioipi se ishit noqolliguit. Ma' so Apolos ỹachigoxochichiguilo naua ñaua'pe nerecse' la'qaatqa ñi qota'a, ca ỹa'xat so Jesús, quiyim chaqaiso so nashi nca'laxaqui só'maq nauaantaque na judioipi.

1 Corintios 14:24

Qam no'm ná'ogue ỹa'xateta'pe naua la'qaatqa ñi qota'a, ca' inoxono ca saqa' icoñiguit da na'qaatec, loqo'm ca sqaica ca ỹa'den, qam chi netanalta' ca'maxare, chaqai na'deenalta' nqai'en ná'maq lasauaxaset, ma' 'xaỹa ná'ogue ná'maq 'xachitac.

1 Tesalonicenses 5:21

Qam 'guiñii ná'ogue, ca cá'maq ỹa'maqachiguiñi, ca' chaqaica cá'maq 'maxachii.

2 Tesalonicenses 2:15

Vichiguiño' qamiri qarqaỹa', na'ñaxachii quiilec chaqai se couahi'e naua qarapaxaguinataxanaxaco ỹaatqajam qamiri saanqaima, loqo'm quena' sahoqote'e qarelaata.

1 Timoteo 1:10

Na naqataxaquipi imit ca qom nocachita'piguit aca ỹoqa'a 'aalo loqo'm hueeta'piguit ca chi nallishiua, chaqai ca rocacha ca liỹa, chaqai quena 'maatqaiquipi loqo'm ca ỹa'xat ca i'taxajñi qam la'maachic. Na naqataxaquipi imit ỹovira'oga ná'ogue ná'maq se na'xaỹaxana ná'maq ỹaatqajam 'maxaraic napaxaguinataxanaxac.

1 Timoteo 1:15

Ca' dajo dá'maq ỹaatqajam lliquetam, chaqai qaica quet cá'maq sqai huelec quiyim so Cristo Jesús naỹa na 'laua, ma' ỹahotaque quiyim nca'laxatec na qomyipi hualoxonyipi, qam quena'maxare, ca' ỹim ná'maq ỹapacauec da iualoxonqaishic.

1 Timoteo 1:19

Ma' mashic 'ue na ilamqauec, ca'e da lpi'ỹaxac, ma' sqai quelec lauel dá'maq ỹa'maqachiguiñi la'deenataxanaxac.

1 Timoteo 4:9

Ca' dajo dá'maq ỹaatqajam lliqueta, chaqai ishit quiyim ná'ogue huelec.

1 Timoteo 6:3

Ca no'm 'ue ca rapaxaguinataxanegue cá'maq se leloxoỹaxac chaqai ca'maxare se nachiñiguit dá'maq 'maxaraic napaxaguinataxanaxac chicqo'ot so qara'gaxala' Jesucristo, chaqai quedá'maq qanapaxaguinataxac quedá'maq seuaqlec,

2 Timoteo 1:13

Quiiterelco' dá'maq llicyaxac dá'maq qami' saanem no'uen napaxaguinataxanaxac, chaqai quiisaugui da npi'ỹaxac chaqai da ne'xorenataxanaxa ma' qomi' qoỹaanema, ma' ña'daqatau'a so Cristo Jesús.

2 Timoteo 2:2

Dá'maq ỹaatqajam 'qa'ichirigui caỹim quiyim shinac, chaqai 'xoic na 'qaachigui quena liỹa qomyipi, ca' chaqaida dá'maq pataqairelec ná'maq qomyipi quiyim piichira'a ỹapaxaguin ca liỹa.

2 Timoteo 2:25

chaqai neneequesenta quiyim ralamqataxan quená'maq pa'guenaxantac, sha'apiguito' quiyim ñi qota'a netogochigui lauel nqai'en, ma' ỹahotaque quiyim ỹa'den dá'maq ỹaatqajam lliqueta,

2 Timoteo 3:14

Qam qami' ỹaatqajam quiiterelco' da napaxaguinataxaqui' ỹaatqajam llic nqai'ñi', ma' qami' 'yiiñite' negue' cá'maq rapaxaguiñitegue dajo.

2 Timoteo 4:3

Ma' 'uo' ma'le ca na'xa'a quiyim na qomyipi tot ishit na'ñaxachiguit cá'maq no'uen napaxaguinataxanaxac. Ta'ta'a quiyim quelec da chi lqo'itaxanqachic, ca' ỹahotaque quiyim 'xoic ca napaxaguinatqo' quiyim qaỹapaxaguinegue qaicaata cá'maq nqo'ta 'xaỹa.

Tito 1:11

Ca na'maxare ỹouentaque quiyim qaỹapoguilo naua laapi', ma' ỹaatqajam se neuojonta' nqai'en na neuo' laseripi, ma' rapaxaguinataxanta'pegue dá'maq se leloxoỹaxac, ma' chi imitete'e aca lauegue.

Tito 2:1

Ca' quecá'maq 'xachi' ỹaatqajam nachiñi'chiguit dá'maq no'uen napaxaguinataxanaxac.

Judas 1:3

Qamiri ỹaqaỹarolqa, ỹaatqajam 'xoic da shinta quiyim shiriñi dajo caqamiri queda qarca'laxa hueeto'oto qomi'. Qam nagui, ca' seuana quiyim ỹouen shiriñi dajo caqamiri quiyim ñi'xoresentouguilo quiyim se neme loguilgoto daua qanapaxaguinataxaco dauá'maq mashic qoỹaanem ná'ogue ná'maq lalamaxareteripi ñi qota'a.

Apocalipsis 2:25

Qam lo'xoichiguiño' cá'maq mashic coñiguit, toco' ma' ỹovita ca na'xa'a quiyim ñovi'.

Apocalipsis 3:11

Sqaỹaloq ñovi'. Lo'qo'ichiriñi ná'maq mashic hueeto'ot aqami', qaiyi qaica ca rouootaxana'gue ma'le ca raviguiqui'.

Apocalipsis 3:3

No'viñira'gue dá'maq napaxaguinataxaqui' coñichiguit na'le. Ca' netogochigui nqai'ñi' na qavilli'. Qam no'm se nelo'irec, ca' shicpegue' qami', qam sqa ỹaataq ca ỹoviraqa', shintari' ca cuataxai.