Tito 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ta'ta'a quiyim quelolqachaqaic quiyim idaañiguit ca nouoq, chaqai nqo'ta quiyim ỹo'uet cá'maq ỹa'maqachiguiñi, na'maxateta, 'maxaraic da no'ueenataxac, co'teeta, ra'ijlec da nachaalataxac.

Tito 1:8 Iomraidhean Croise

1 Reyes 5:1

Ca co'na' so Hiram, só'maq lashi yi na'ñi yi Tiro, co'na' 'ue da la'xaỹaxac quiyim so Salomón qoỹano quiyim nashi, qoỹanagui da lo'ueenataxanaxac so leta'a David, ca so'maxare ila' so letaxaỹaxanqajanqaipi, ma' so Hiram chaqai'en nauochaxaua so David.

1 Reyes 5:7

Ca' so Hiram, co'na' 'xaỹa da la'qaatec so Salomón, ca 'xoic da netoonaxac. Ca nelamaxaren, 'naaco': —¡Ỹaatqajam qaimaqachin ñi qara'gaxala', ma' ỹa'uo' na'le ñi llaalec so David ỹaatqajam 'deenaxanqachaqaic quiyim reloxoỹa'a yi chalego lecaic qomyipi!

Salmos 16:3

Na lqolaquipi na qomyipi quena 'laua paguec quesaxanaxaiquipi, 'naac ná'maq lashiilqaipi na'maxare.

Amós 5:15

¡Se rqo'chiỹa na se no'uen! ¡Ca rqo'chiỹa ná'maq no'uen! 'Chiichiguiñi nqai'ñii quiyim ỹo'uet na ỹa'maqachiguiñi ná'maq leraxanaxaqui na nimiitaxanaq quena nasauaxaset; ca' sqoue quiyim ñi qara'gaxala' ñí'maq qota'olec sqaica lqalanec 'ue ca lqouagaxa quená'maq ca'laaxaiquipi quena Israel. (16-20 So Amós rashiilaxantac quiyim netogot so qomyipi.)

Lucas 2:25

Ca' quesojo ñaaxa neeta'ñi yi Jerusalén so ỹale, leenaxat Simeón. So'maxare ỹaatqajam huagaxaraic, chaqai ỹa'maxate'tegue ñi qota'a, chaqai nauaantaque ca na'xa'a quiyim ime nqohin da le'xoric na Israel llaalqaipi. Qam so'maxare hueeto'ot so Espíritu Santo.

Hechos 24:25

Qam co'na' so Pablo ỹa'xat queca qom ỹalamaxateta da no'ueenataxac, chaqai queca netelalta', chaqai ca nouaxanaxaset ma'le ca sqai huelec ñi qota'a. Ca' so Félix co'na' 'xaỹa dajo, ca no'chi. Ca 'naapego' so Pablo: —Yi, mo'e' nagui, toco' ma' 'ue ca idaaqa', ca liỹo' soỹaxañiraxaua'.

1 Tesalonicenses 2:10

Ca' ỹaatqajam 'yiiñita chaqai ñi qota'a qai'neeta, queda qanachaalataxac ỹaatqajam co'teeta chaqai no'uen na' salecqatauguilo qamiri mashic coñiguit da na'qaatec. Mese sahoqai lligo ca qana'qaataxac se ỹa'maxañi.

1 Timoteo 3:2

Vichiguiño' quiyim cá'maq la'gaxala' ná'maq mashic icoñiguit da na'qaatec se ỹa'maxañi quiyim se no'uen cá'maq na'qaataxac. Chaqaidaata quiyim 'oono'lli' nqai'en aca loua, chaqai ỹaatqajam ỹa'maxate'tegue da llicyaxac, nelootec, chaqai qaica ca taỹapegueu'a. Ỹaatqajam se ishit quiyim se idaañiguit quet ca namaqategueri', chaqai ỹaatqajam ỹa'den da lapaxaguinataxanaxac.

1 Timoteo 4:12

Qam na'maxachite', qaiyi qaica ca se icoñiguit qami' ma' ñaqa qami' ne'necoqui'. Ta'ta'a quiyim qami' naloqojnaxanaxat quená'maq mashic icoñiguit da na'qaatec, quedá'maq 'maxaraic retaxaỹaxaqui', chaqai dá'maq no'uen qayiquiaxaqui', chaqai da re'xorenataxanaxa'e', chaqai da no'ueenataxaqui', chaqai da rpi'ỹaxaqui', chaqai 'maxachitetegue da nachaalataxaqui'.

1 Timoteo 6:11

Qam qami', ma' mashic qami' lelaatec ñi qota'a, ỹaatqajam 'iichirapeguem ná'ogue na se no'uen. Quiisalco' quiyim na'maxachite' quiyim quirelec ñi qota'a queda npi'ỹaxac, ne'xorenataxanaxa, neualaxavic chaqai da neequesenaxac.

2 Timoteo 2:22

'Iichirapeguem na lqo'itaxanqachic na nocchishic. Quiisalco' da lalamaxa da chaalataxac queda npi'ỹaxac, chaqai da ne'xorenataxanaxa chaqai da neuagaxa, 'neeta ná'maq ỹaatqajam co'teeta añi le'taxanata, roỹaxantacot da leenaxat so qara'gaxala' Jesús quena' nqouagaxain.

2 Timoteo 3:3

Ma'le, ca' se re'xorenataxan, chaqai se ỹauotegue ca liỹa, chaqai la'axaqa lo'o', se netelalta', chaqai qa'uaic, chaqai ỹaatqajam npa'guenaxaua dá'maq ỹa'maqachiguiñi.

Tito 2:7

Qam qami' qai'neeta chaxañi' dá'maq 'maxaraic na'qaataxaqui' quedá'ogue da ro'ueenataxanaxaqui'. Lamaxachite' ca 'xachi' quená'maq paxaguiñisac, sqai saguiriñisalec.

1 Juan 3:14

Ma' qomi' mashic ñapagaxalec da nelauaxa, ca' ñqo'naxa da nca'laxa. Ca' dajo sa'deenaq, ma' se'xorenaq na qarqaỹaripi. Ma' cá'maq se i'xoren ca lqaỹa, ca' ca'maxare ñaqai hueetaugui da nelauaxa.

1 Juan 5:1

Ná'ogue ná'maq 'ue ca lpi'ỹaxac quiyim so Jesús chaqaiso só'maq nashi nca'laxaqui, ca' llaalec ñi qota'a. Chaqai quiyim qai'xoren ca neta'a, ca' qai'xoren qai'neeta na llaalqaipi cajo neta'a.

1 Samuel 18:1

Ca co'na' ime quiyim so David retaqata'pegue' so Saúl. Ca' so Jonatán 'ec ỹaatqajam lqaỹa so David chaqai ỹaatqajam ỹauotegue, chi ỹovireta'a quiyim 'ec chaqaiso nauotalta'.