Tito 1:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qami' Tito, shinta'gue quiyim 'ec qami' ỹaalec, ma' ỹim chicqo'ot quiyim 'ue da rpi'ỹaxaqui' dá'maq hueeto'oto qomi'. Selata qami' ana ỹerecse, ma' sahotaque quiyim coñichiguit ca qouagaxa, chaqai da ne'xorenataxanaxa, chaqai da na'maxa chicqo'ot ñi qota'olec chaqai so qara'gaxala' Jesucristo só'maq qarca'laxaqui.

Tito 1:4 Iomraidhean Croise

Lucas 2:11

Da'maxare 'neetayi: nagui ne'qaañi quiyi na'a' ne'xaỹoqsoqo' so David cá'maq qaỹahotaque quiyim rca'laxaguii, leenaxat Cristo, ca' cá cá'maq qara'gaxala'.

Juan 4:42

Ca na'le, ca qohinapego' aso 'aalo: —Nagui, ca' seuaqlec mesqaidaata dá'maq 'ñirapegalo qomi', ma' qai'neeta qomi' sa'xaỹaxa dá'maq la'qaatec so'maxare. Ca sa'deenaq quiyim chaqaiso só'maq qaỹa'xateta'guit nashi nca'laxaqui, só'maq nca'laxatec na qomyipi quena 'laua.

Romanos 1:12

Qaiyi quiñi 'óna ỹa'ñaxat ca liỹa quiyim ña'ñaxataxalec da npi'ỹaxac hueeto'ot aỹim chaqai qamiri qai'neeta.

Romanos 1:7

Shiriñi dajo, tai'alo nqaishine' qamiá'ogue qamiri ñiita'ñi na na'a' lodegaxat Roma. Ma' nqo'talo qamiri ñi qota'a chaqai roỹaxanalo qamiri quiyim machii'ot da nachaalataxaguii. Ca' coñiguit da lqouagaxa chaqai da na'maxa chicqo'ot ñi qota'olec chaqai so qara'gaxala' Jesucristo.

2 Corintios 12:18

Ñi'xoresene'tot so Tito quiyim quepegueto na'le qamiri, chaqai 'ue so liỹa qarqaỹa sela' na'le quiyim liỹaatac nqaishin so'maxare. Ca ¿rayiñiỹo' na'le so Tito? ¿Mesqai qoma'que sa'maxatqa'tegue da shinqatari'? ¿Mesqai llic quiyim dá'ogue da shinqatari' queda qaro'ueenataxanaxac?

2 Corintios 2:13

Qam ỹaatqajam se ỹa'maxagui na iuel, ma' se seuana so qarqaỹa Tito. Vichiguiño' chi sa'ue da la'xaỹaxac na'le yi qomyipi, ca saigue da Macedonia.

2 Corintios 4:13

Naua naneresañi na'qaatqa 'nerac: “Seuelec, ca vichiguiño' setaqa.” Ca qomi', ma' chaqaida dá'maq 'neeta da qarpi'ỹaxac, seuaqlec qomi', ca' vichiguiño' sa'xataq.

2 Corintios 7:6

Qam ñi qota'a ma' ishit ỹa'ñaxat cá'maq qaica ca la'ñaxac, ca' qara'ñaxat, chicqochigui nqai'en da loviraxac so Tito.

2 Corintios 8:16

Qam ña'aachic quiñi qota'a, ma' ñi'maxare viichigui nqai'en añi le'taxanata so Tito quiyim dá'ogue dá'maq shinta quiyim sotauane' qamiri.

2 Corintios 8:23

No'm 'ue ca renataxan queso Tito, ca 'ñiỹaco' quiyim ỹo'ueenataxanaxaua, qareuocqoteguelgoto qamiri; chaqai no'm 'ue ca renataxanque naua liỹa', ca 'ñiỹaco' quiyim qailate' quena qarqaỹaripi, chaqai imaqachinsac so Cristo.

2 Corintios 8:6

Ca' vichiguiño' qarepaca'a so Tito quiyim queetalec aná'maq lapoontac caqamiri, caná'maq notaanaxanqate shi'gue lapoontac so'maxare.

Gálatas 2:3

Qam vire'ta so Tito ma' ñauequeta'pegue' ma' so'maxare sqai judío le'ec, qam qaiyiita sqaica ca qohinapega quiyim qaỹa'ue quet ca netanaxaset na loshicmaxa.

Gálatas 3:26

Ma' queda npi'ỹaxac, ca qamiá'ogue qamiri llaalqa ñi qota'a, ma' na'yiitau'a so Cristo Jesús.

Gálatas 3:28

Ca' tot qaica quet cá'maq ỹoqa'a ca no'ueenataxac quena judío loqo'm quena sqai judío, loqo'm nelaatec loqo'm ca se nelaatec, loqo'm ca ỹale loqo'm aca 'aalo; ma' no'm na'yiitau'a so Cristo Jesús, ca' qamiá'ogue 'ec qamiri 'oonoqui'.

Efesios 1:2

Sahotaque coñiguit da qouagaxa chaqai da na'maxa chicqo'ot ñi qota'olec chaqai so qara'gaxala' Jesucristo.

Colosenses 1:2

Shiriñi najo ilaata tai'a na qamaxaraic qarqaỹaripi queso Cristo chaqai lalamaxaret ñi qota'a, neeta'ñi na na'a' Colosas. Sahotaque quiyim qamiri coñiguit da lqouagaxa ñi qota'olec chaqai ỹaanema qamiri da la'maxa.

1 Timoteo 1:12

Saanot da ña'aachic ñi qara'gaxala' Jesucristo, ñí'maq nañaañim da ña'ñaaqataxac quedajo, ma' ỹa'den quiyim yaqamqata, ca' pataxailec da lo'ueenataxanaxac.

2 Timoteo 1:1

Aỹim Pablo, ỹacone'oga aỹim ñi qota'a, ma' ỹauaaque quiyim aỹim lelaatec so Jesucristo, quiyim sa'xatetac da nca'laxa shi'gue ỹachaxantac. Qam dajo nca'laxa ỹacoñiguit cá'maq mashic na'deetau'a so Cristo Jesús.

2 Timoteo 1:2

Ma' qami' ỹauochaxat ỹaalec Timoteo, selata qami' anajo ỹerecse, ma' sahotaque quiyim coñichiguit ca qouagaxa, chaqai ca ne'xorenataxanaxa, chaqai ca na'maxa chicqo'ot ñi qota'olec chaqai ñi qara'gaxala' Jesucristo.

2 Timoteo 4:10

Ma' so Demas yalat, ma' ỹapacqajnauec na lqo'itaxanqachic quená'maq huelec najo, ca' taigue da Tesalónica. Chaqai so Crescente taigue da Galacia, chaqai so Tito taigue da Dalmacia.

Tito 1:3

Chaqai nagui ỹovita yi laloqo' quiyim qara'deenaxanaxanegue da leloxoỹaxac chicqochigui nqai'en da la'qaatec ñi qarca'laxaqui qota'olec, ca' pataxalec aỹim quiyim sa'xat da la'qaatec.

Tito 2:13

Qai'neeta ỹapaxaguinque qomi' quiyim qolqatalec da qarauaanaxanaxac quiyim ñauaanqata'guit quiyim ỹovirelec ca laloqo' ca loyac cajo na'xa'a cá'maq qaỹachaxantapeguema qomi' cá'maq loviraxac quiyim naquetagui da lauaq cá'maq chalego lecaic qota'olec chaqai qarca'laxaqui Jesucristo.

2 Pedro 1:1

Aỹim ỹeenaxat Simón Pedro, ỹim la'ac chaqai aỹim lelaatec so Jesucristo. Shiriñi ana ilaata tai'alo nqaishine' qamiri quiyim mashic viriỹau'a dá'maq chalego loyac rpi'ỹaxaguii 'nejem dá'maq npi'ỹaxac hueeto'oto qomi', ma' so qota'olec Jesucristo, só'maq qarca'laxaqui, so'maxare ishit ỹo'uet ca ỹa'maqachiguiñi.

2 Pedro 1:11

Qaiyi ỹaatqajam qaica ca quepaqchiguita qamiri quiyim noxoñiu'a da sqaica lqodoc lo'ueenataxanaxac so qara'gaxala' chaqai qarca'laxaqui Jesucristo ma' ỹoiquentac ná'ogue najo.

2 Pedro 2:20

Ma' ná'maq mashic iuana so qara'gaxala' chaqai qarca'laxaqui Jesucristo, ca' chaqaida ñiichigui quiyim qohitauec quena se no'uen quena 'laua, ime, ca no'm liỹa lepateta'piguita naua se no'viiñi, ca no'm liỹa ỹapacqajandauec que'ueque, ca' da no'ueenataxac ca'maxare paguec la'aaxa quecá'maq 'auaxaic.

2 Pedro 3:18

Qam reuogoxohi quiyim ỹaatqajam paguec huañiỹa so qara'gaxala' chaqai qarca'laxaqui Jesucristo, chaqai nañaqchitaugui da le'xorenataxanaxa. ¡Ca' qaica lqodoc quiyim qaimaqachintac so'maxare! Ajá'a, ca' chaqaida 'neeta dajo.

2 Pedro 3:2

Se couahi'e dá'maq la'qaategue' quesom sauá'maq letaxaỹaxanqajanqa ñi qota'a, chaqai da laqataxac so qara'gaxala' chaqai qarca'laxaqui Jesús dá'maq ỹapaxaguinque qamiri sauá'maq lelaatqa so'maxare.

1 Juan 5:14

Ca' sqaica ca huapigui qouel quiñi qota'a, ma' qomi' sa'deenaq quiyim 'ue ca sashiilaxanqaque quiyim nachiñi'chiguit cá'maq ỹahotaque ñi'maxare, ca' na'xaỹaxanalo qomi'.

Judas 1:3

Qamiri ỹaqaỹarolqa, ỹaatqajam 'xoic da shinta quiyim shiriñi dajo caqamiri queda qarca'laxa hueeto'oto qomi'. Qam nagui, ca' seuana quiyim ỹouen shiriñi dajo caqamiri quiyim ñi'xoresentouguilo quiyim se neme loguilgoto daua qanapaxaguinataxaco dauá'maq mashic qoỹaanem ná'ogue ná'maq lalamaxareteripi ñi qota'a.