Tito 1:2 - La'qaatqa ñi qota'olec Qota'olec & Qota'olec Novita Na Qomyipi

² chaqai qai'neeta ỹa'deenta da quitaxac queda chaalataxac sqaica lqodoc. Dá'maq ỹachaxantac na' saqa'leca na 'laua ñí'maq qota'a, ma' ñí se na'majan.

Tito 1:2 Iomraidhean Croise

Isaías 1:20

Qam no'm qaiyiita se na'xaỹaxañii, ca' qaica lata' quiyim qaralauachii ma'le queca lauataq. Chaqaiñi ñi qara'gaxala' ñí'maq ỹa'xat dajo.

Números 23:19

Ñi qota'olec mesqai 'nejem ca chaqai qom, ma' ca qom 'ue ca lqodoc: ñi'maxare se na'majan chaqai se ỹadalaxat ca la'deenataxanaxac. Ma' ñi'maxare quena' 'ue da 'naac, ca' ỹo'uet. Chaqai quena' 'ue da ỹaanec la'qaatec, ca' ipacqajanchigui.

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Mateo 25:46

Ime, ca' nauajo querepegue' ca nouaxanaxac sqaica lqodoc, ca ná'maq no'uen da ỹo'ueetetac, ca' quepegue' ca nca'laxa sqaica lqodoc.

Marcos 10:17

Ca co'na' so Jesús lotqai liỹa eec, ca 'uo' so novi' ỹale ne'guenta, ca ỹa'yi'iñi naua le'cootal quiyí'maq reloqota'ñi so'maxare. Ca renataxano': —Qami' ná'maq ỹaatqajam huagaxaraic napaxaguinataxanaq, ¿negue' cá'maq shinta'gue quet quiyim sovirau'a ca nca'laxa sqaica lqodoc?

Marcos 10:30

ca' icoñiguit ma'le quenajo 'laua paguec cien liỹa ca la'aateripi, lqaỹaripi ỹalliripi chaqai 'aallipi, late'ellipi, llaalqaipi, chaqai na'lauaripi, 'eno'm 'ue da nocanaxac. Chaqai quecá'maq 'laua ñaqa naata qai'neeta icoñiguit ma'le da nca'laxa sqaica lqodoc.

Juan 10:28

Ca' ỹim saanem da lca'laxa sqaica lqodoc. Ca tot ileu, chaqai qaica quet cá'maq ishit rouootaxana'gue cana ñapoquena.

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.

Juan 5:39

Qamiri ỹaatqajam 'ue da reuogoxohi quena' napaxaguiñitapegalo naua naneresañi la'qaatqa ñi qota'a, ma' 'ue da naquitaxaguii quiyim chigoqchiỹaugui quiyim nachiỹa ca nca'laxa sqaica lqodoc. Qam chaqainaua naua naneresañi na'qaatqa nauá'maq ỹa'xatesa'guit aỹim.

Juan 6:54

Cá'maq ỹa'ic na ỹoshicmaxa chaqai ni'chiguilo naua iuo', ca' 'ue da lca'laxa sqaica lqodoc. Ca' ỹim liỹa ñca'laxatec ma'le queca pa'aatec na'xa'a.

Juan 6:68

Qam so Simón Pedro 'naaco': —Qami' qara'gaxala', ¿negue' queto' cá'maq saxague? Ma' naua ra'qaataxahi' ỹaatqajam na'qaatqa chicqoraugui da nca'laxa sqaica lqodoc.

Hechos 15:18

Ca' chaqaida 'neeto' da la'qaatec ñi qara'gaxala' ñí'maq ỹo'uet quiyim qaỹa'deene' nauajo nallaaqo'.

Romanos 1:2

Ñi qota'olec shi'co' ỹa'xateta'guit najo na'qaatec quenauá'maq co'teete' naneresañi la'qaatqa ñi'maxare, chicqochiguilo nqai'ne' saua 'au letaxaỹaxanqajanqa.

Romanos 16:25

Ca' nagui semaqachinqatac ñi qota'a ñí'maq ishit ỹa'ñaxat ca rpi'ỹaxaguii, nachiñi'chiguit nqai'en da na'qaatec chicqaugui da nca'laxa, dá'maq sa'xatetac quena' sapaxaguinataxanta'pegue queso qara'gaxala' Jesucristo. Ca' dajo nachiñi'chiguit dá'maq ỹahotaque ñi qota'a quiyim qara'deenaxanaxanegue dá'maq se re'xogui lo'ueenataxanaxac, dá'maq ỹa'maxat ỹoxotetañi na' saqa'leca na 'laua.

Romanos 2:7

Ca ñi'maxare ỹaanem da lca'laxa sqaica lqodoc ná'maq idaantaque da lquesaxanaxa chaqai qaimaqachin quená'maq sqaica lqodoc chicqo'ot ñi qota'a quiyim se neme ỹo'ueetetac na ỹa'maqachiguiñi.

Romanos 5:2

Ma' chaqaiso só'maq Cristo só'maq 'em quiyim seconaxaguit da lqouagaxa ñi qota'olec, qam dajo chicqochigui da qarpi'ỹaxac. Ca' dajo qanqouagaxa ỹaatqajam ña'ñaxatqa'tegue, chaqai 'ue da qanetoonaxac, ma' mashic 'ue da qanaquitaxac quiyim ñouanqau'a da lauaq ñi qota'olec.

Romanos 5:21

Ma' dá'maq nasauaxaset 'uo' da lquesaxanaxa quiyim noviraxat da nelauaxa, ca 'nejem quiyim, ma' mashic icoñi'chiguita qomi' ñi qota'a, da lqouagaxa 'ue da lquesaxanaxa quiyim ỹaanema qomi' da nca'laxa sqaica lqodoc, chicqochigui nqai'en so qara'gaxala' Jesucristo.

Romanos 5:4

chaqai da qareualaxavic ỹo'uet quiyim qaỹa'maxarente' qomi'. Ca' quiyim qaỹa'maxarente' qomi', ca 'ue da qanaquitaxac.

Romanos 6:23

Ma' da nasauaxaset qaica quet cá'maq liỹa rishiuetenaxana, qaidaata da nelauaxa; qam da lqouagaxa ñi qota'a chicqaugui da nca'laxa sqaica lqodoc quiyim ña'daqatau'a so Cristo Jesús só'maq qara'gaxala'.

Colosenses 1:27

Ca quesaua'maxare ñi qota'a ỹahotaque quiyim qaỹa'den dá'maq lesallaxa 'ue da lauaq dá'maq ỹahotaque ỹaanem na mesqai judioipi. Ca' dajo na'qaatec quiyim so Cristo ỹalequetauguilo qamiri, ca' so'maxare chaqaiso só'maq ỹo'uet ca naquitaxaguii, qaiyi 'ue ca lauaxai' ma'le qamiri.

1 Tesalonicenses 2:15

Chaqaina najo judioipi ná'maq ỹalauat na'le so qara'gaxala' Jesús, 'ne'tegue so 'auaxaic leta'allipi quiyim ỹalauat so letaxaỹaxanqajanqaipi ñi qota'a. Ca' chaqaina ná'maq ỹo'derauec qomi' na'le. Ỹaatqajam se nqo'ta ñi qota'a na'maxare, chaqai se ỹaqamaxat ná'ogue na qomyipi.

1 Tesalonicenses 5:8

Qam qomi' ma' seuqataugui yi na'xa'a, ca' ỹaatqajam sa'maxatqa'tegue da qoyicyaxac, ca' squepaqataxanaxa da qarpi'ỹaxac chaqai da qare'xorenataxanaxa, shinqatari' ca neetaho quena nouaataxanaq quena' ỹanñi aca lquepaqataxanqate cana lotogue. Chaqai ỹaatqajam 'ue da qanaquitaxac queca nca'laxa, ma' 'nejem aca do'o lauataxaqui quena' ỹanñi ca nouaataxanaq le'ec.

1 Timoteo 6:12

Na'ñaxachirelec da rpi'ỹaxaqui', lo'qo'ichiriñi dá'maq nca'laxa sqaica lqodoc. Ma' chaqaida dá'maq 'em roỹaxañiraxaua' ñi qota'a, chaqai mashic ime quiyim nachaachiriñi 'xachisac da rpi'ỹaxaqui', chaqai mashic 'xoic ná'maq ỹa'yiinchigui qami'.

1 Timoteo 6:19

Qaiyi dajo nesallaxa se re'xogui ishit quiyim 'ue ca quitaxac quecá'maq ñaqa naataho, chaqai quiyim laueguec ca nca'laxa sqaica lqodoc.

2 Timoteo 1:1

Aỹim Pablo, ỹacone'oga aỹim ñi qota'a, ma' ỹauaaque quiyim aỹim lelaatec so Jesucristo, quiyim sa'xatetac da nca'laxa shi'gue ỹachaxantac. Qam dajo nca'laxa ỹacoñiguit cá'maq mashic na'deetau'a so Cristo Jesús.

2 Timoteo 1:9

Ñi'maxare nca'laxaterec qomi' chaqai roỹaxanalo qomi' quiyim saanqot da qanachaalataxac. Qam mesqaida quiyim 'ue ca lo'yaxanec qaro'ueenataxanaxac, qam dajo chaqai 'ne'teguelo qomi' ñi'maxare, ma' ỹauoteguelo qomi', ma' mashic ña'daqatau'a so qara'gaxala' Cristo Jesús. Shi'co' qare'xoren ñi qota'a na' saqa'leca na 'laua.

2 Timoteo 2:10

Vichiguiño' ña'ñaxachiguit ná'ogue nanchaqaina, ma' sahotaque quiyim na qota'a lca'acseripi ỹovira'oga da nca'laxa chalego loyac chaqai sqaica lqodoc. Dajo nca'laxa taỹoto qomi', ma' mashic ña'daqatau'a so Cristo Jesús.

2 Timoteo 2:13

Chaqai no'm ñapacqalec ca qara'qaatec, qam so'maxare se napacalec ca la'qaatec, ma' ñi qota'a se nqo'in, chaqai se ỹadalaxat ca leloxoỹaxac.

2 Timoteo 2:15

Ỹaatqajam nañaañitot ñi qota'a, 'ñiite'm ca no'ueenataxanqajnec ỹaatqajam ỹaqamqata. Ca' qaica ca nayiloxontaque, ta'ta'a quiyim ỹaqamaxateta ỹa'xat dá'maq na'qaatec ỹaatqajam lliqueta.

Tito 2:13

Qai'neeta ỹapaxaguinque qomi' quiyim qolqatalec da qarauaanaxanaxac quiyim ñauaanqata'guit quiyim ỹovirelec ca laloqo' ca loyac cajo na'xa'a cá'maq qaỹachaxantapeguema qomi' cá'maq loviraxac quiyim naquetagui da lauaq cá'maq chalego lecaic qota'olec chaqai qarca'laxaqui Jesucristo.

Tito 2:7

Qam qami' qai'neeta chaxañi' dá'maq 'maxaraic na'qaataxaqui' quedá'ogue da ro'ueenataxanaxaqui'. Lamaxachite' ca 'xachi' quená'maq paxaguiñisac, sqai saguiriñisalec.

Tito 3:7

Ca' quedá'maq lqouagaxa, ca ỹa'maxarente' qomi', ca' qaiyi seconaxaguit dá'maq ñauaanqata'guit chaalataxac sqaica lqodoc.

1 Juan 2:25

Ca' chaqaida dá'maq ỹachaxantac na'le so Jesucristo quiyim ỹaanema qomi' da nca'laxa sqaica lqodoc.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.

Judas 1:21

Chaqai sqai 'xañiuec da le'xorenataxanaxa ñi qota'a. Chaqai nauaañita'guit ca na'xa'a quiyim so qara'gaxala' Jesucristo quedá'maq lqouagaxa, ca' ỹaanema qomi' ma'le ca nca'laxa sqaica lqodoc.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.

Apocalipsis 17:8

Só'maq isecỹac lodegaxat huañita nca'leetauco' quen nallaaqo', qam mashic tot qaica. Qam qaiyiita liỹa nenoxonshiguim ma'le chicqa'ña yi lapooqo' na lqui'i na leuaxaiquipi, ma' saqa' ỹovita cá'maq ỹaatqajam lelauaxa. Ca cá'maq hueetalec ana 'laua quená'maq se qoỹeretañi ca leenaxat caso lere lomalate na ca'laxaiquipi na' ñaqai chita'gue qaỹo'uet na 'laua, ca' 'ue ma'le ca le'laxa ma' iuana so isecỹac lodegaxat só'maq nca'leetauco' quen nallaaqo', qam mashic tot qaica, qam lotqai liỹa rapil ma'le.

1 Samuel 15:29

Ma' ñi qota'olec, ñí'maq lauaq na Israel llaalqaipi, se na'majan chaqai se netogot, ma' sqai 'nejem canchaqaica qom quiyim netogot.