Tito 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca na'maxare ỹouentaque quiyim qaỹapoguilo naua laapi', ma' ỹaatqajam se neuojonta' nqai'en na neuo' laseripi, ma' rapaxaguinataxanta'pegue dá'maq se leloxoỹaxac, ma' chi imitete'e aca lauegue.

Tito 1:11 Iomraidhean Croise

Salmos 107:42

Na' iuana dajo na qomyipi 'maxataxaraiquipi, ca' netoon, chaqai na hualoxonyipi i'maqata, qaica ca ỹa'xat.

Salmos 63:11

Qam ñi nashi netoontac quiñi qota'olec; ro'ueenaxantalec da lemaqajnataxanaxa ná'ogue ỹaanec da la'qaatec quiñi'maxare, qam ná'maq na'majantac, ca qaỹapogui na lap.

Ezequiel 16:63

Ca' qami' ma' 'yiiñira'a, ca' chalego ma'le ca rayiloxo'e' chaqai nemanachichi', ca' totqai huachirigui ma'le na qadapi' quiyim taxahi', ma' ỹim sapalaxat ná'ogue ná'maq se no'uen 'viichi'sac. Ỹim na'gaxala', se'taxajñi da ỹa'qaatec. (17.1-24 Qaraloqojnaxañigui aso 'uva lashi chaqai qaraloqojnaxañigui so o'ic.)

Miqueas 3:11

Ná'maq nimiitaxanaq quena nasauaxaset quena na'a' lodegaxat ỹahote'e añi nishiuete, na netaxaỹaxanqajanqaipi rapaxaguinataxan, qam ỹahote'e añi nishiuete, chaqai na netaxaỹaxaquiripi imen dá'maq letaxaỹaxac quiyim 'naac: “Ñi qara'gaxala' qoshiilgoto qomi', ca' qaica cá'maq se no'uen quet noviroxoua'.”

Miqueas 3:5

Na ỹalamaxareteripi ỹo'maac queso nayic queeta'gue, sauaxat na 'naac itaxaỹaxaquiripi, qam rayinaxantac, na'maxare 'naac quiyim qaicanqaida quená'maq ỹo'uet ca loq, ca' qui'ỹaxan, qam 'naac 'ue ca lo'maxaset ná'maq se qui'ỹaxan. Ca' ñi qara'gaxala' 'neetasa' da la'qaatec quená'maq 'naac letaxaỹaxaquiripi:

Mateo 23:13

¡Ỹaatqajam 'xoraiqolqa qamiri napaxaguinataxana' quena naqataxaquipi chaqai qamiri fariseoipi, ma' 'ñiitapega qamiri 'maxaraqa! Ma' pohigui ñi lasom da lo'ueenataxanaxac ñi qota'a queda piguim, qaiyi se inoxono na liỹaripi. Chaqai qamiri qai'neeta sqai noxoñiuo, chaqai sqai 'xañiỹac ná'maq ỹahotaque inoxono.

Lucas 20:40

Ca' quiyi, ca totqo pilac liỹa qainat so'maxare.

Juan 10:12

Qam cá'maq chi ro'ueenataxanteguelec aca nishiuete, ca'maxare quiyim idaana'guit cá'maq toxonaxai, ca 'eet, no'ueenaqchichiguiñi ca qagretaipi, ma' ca'maxare mesqai ỹaatqajam qagreta lo'o, ma' mesqai lalamaxarete ana'maxare. Ca cá'maq toxonaxai retoxoñigui ana qagretaipi, ca neuagaxatac nqai'en.

Romanos 3:19

Sa'deenaq quiyim dá'ogue dá'maq ỹa'xat so naqataxaquipi chicqo'ot so Moisés, ỹa'xat, qam 'naapega ná'maq hueeto'ot so naqataxaquipi, qaiyi ná'ogue i'maxañi, qaica retaqa, ca' qaiyi ná'ogue na qomyipi hueeto'ot quiyim 'ue ca 'neeta ma' ñi qota'a imit ná'ogue na nasauaxaset.

2 Corintios 11:10

Ỹaatqajam se'taxachichiguiñi quedá'maq shintari', quiyim sa'den dá'maq lliqueta chicqo'ot so Cristo, chaqai qai'neeta sa'den quiyim qaica ca ishit naqat da chicqochigui da ñitoonaxac quená'ogue na neetalec na 'laua Acaya.

1 Timoteo 5:13

Vireta'a quiyim queetaguilo naua 'imqa, ca ỹovireta'a quiyim hualai. Chaqai mesqaidaata quiyim hualai, qam qai'neeta la'axaqa lo'o', chaqai nishitaxai, chaqai ỹa'xateta'pe nauá'maq tot ỹa'machiñi.

1 Timoteo 5:4

Qam no'm aca pa'ỹe 'ue ca llaalec loqo'm laual, ca' caua'maxare ỹa'auaxane' idaandelec da chi no'ueenataxague', chaqai quiyim ỹotauane' ca chi lauote' le'ec, ỹo'leenta'a dá'maq notauanaxac quecaua leta'al, ma' dá'maq dajo dá'maq ỹaatqajam no'uen chaqai nqo'ta ñi qota'a.

1 Timoteo 6:5

chaqai da napetaxanaxac qaica ca lqodoc. 'Eda da 'neeta na qomyipi quiyim mashic tot ỹalamaq da la'deenataxanaxac chaqai tot ỹa'den dá'maq ỹaatqajam lliqueta, ma' na'maxare 'neetapega quiyim chicqaugui da re'qoochigui nesallaxa quiyim icoñiguit da na'qaatec. Noỹoochirec ma'le quená'maq qom 'neetari' dajo.

2 Timoteo 2:18

Ma' saua'maxare ỹoxorec, ỹite' dá'maq ỹaatqajam leloxoỹaxac, ma' 'nerac shi'gue ỹoxogue dá'maq quiyim qanca'laxatec ná'maq shi'gue leuaxaiquipi. Ca chaqaida dá'maq 'em mashic na'axat da lpi'ỹaxac na liỹa.

2 Timoteo 3:6

Ma' quena'maxare 'ue na ỹovira'a ca na'a', ca' ỹayin ana 'aalo se noqoc chaqai naỹa'que naua no'ueenataxaco. Najo 'aalo queeta'pegue' ná'maq chi lqo'itaxanqachic,

Tito 1:7

Ma' cá'maq qaipataxalec quiyim idaanlec ná'maq mashic icoñiguit da na'qaatec, ca idaanlec ná'ogue ná'maq lo'ueenataxanaxaquipi ñi qota'a. Vichiguiño' ỹouen quiyim ỹa'maxate'tegue da nachaalataxac. Se ỹa'maxañi quiyim que'guenataxanaxai, chaqai sqai nocqaic, chaqai se ne'taaxai, chaqai se idaante'e quiyim retaxaỹa'pegue' ca liỹa, chaqai sqai queetalec quiyim imitete'e aca lauegue.

Tito 1:9

Chaqai ỹaatqajam na'ñaxate'tegue dá'maq ỹaatqajam leloxoỹaxac da na'qaatec dá'maq mashic qaỹapaxaguinegue, qaiyi ishit quiyim ỹa'ñaxat ca liỹa, ỹahote'e dá'maq no'uen napaxaguinataxanaxac, ca' ishit taauec nqai'en ca loqollictaxanaxac na qollictaxanaxairipi.

Tito 3:10

No'm 'ue ca se neuojonta' nqai'en ná'maq mashic icoñiguit da na'qaatec, ca' ỹaatqajam taqaira'a ca'maxare. Ca no'm se na'xaỹaxana qami' quiyim 'óna loqo'm dos 'ñirapega, ca' chaqa'ma' ỹochire'oga.