Tito 1:1 - La'qaatqa ñi qota'olec Qota'olec & Qota'olec Novita Na Qomyipi

¹ Aỹim Pablo, aỹim la'ac ñi qota'a chaqai aỹim lelaatec so Jesucristo quiyim sotauan da lpi'ỹaxac na lca'acseripi ñi qota'a, qaiyi ỹaatqajam ỹa'deenta na'maxare dá'maq ỹaatqajam leloxoỹaxac dá'maq llic na'qaatec qomi' seuaqlec,

Tito 1:1 Iomraidhean Croise

Lucas 18:7

Ca' ñi qota'olec ¿se iuejelco' qai'neeta ca lca'acseripi quiyim ne'xoresentacot ñi'maxare naua'que naua na'xata' chaqai naua piri? Ca' ¿peeta'a 'uo' ca nauaantaque nqai'en? 'E'.

Hechos 13:48

Ca co'na' 'xaỹa dajo na mesqai judioipi, ca 'xoic da netoonaxac, chaqai sá'ogue 'naac quiyim lo'yaxanec dá'ogue da la'qaatec ñi qara'gaxala', ca sá'ogue huelec só'maq shi'gue qaỹa'maxatetañi quiyim ỹovirau'a da nca'laxa sqaica lqodoc.

Romanos 1:1

Aỹim Pablo, ỹim la'ac so Jesucristo. Ñi qota'olec roỹaxañiua' chaqai yoỹootec quiyim ỹauaaque aỹim lelaatec, qaiyi sa'xat da la'qaatec chicqaugui da nca'laxa.

2 Corintios 1:1

Aỹim Pablo, ma' ỹimo' loỹaxanaxat ñi qota'a, ỹauaaque quiyim aỹim lelaatec so Jesucristo. Nagui iỹaatac ñi qarqaỹa Timoteo. Ca' nagui, ca' selatalo qamiri ana ỹerecse, qamiri ỹaqaỹaripi, ma' mashic viilec ñi qota'a, ñiita'ñi na na'a' lodegaxat Corinto, chaqai ná'ogue ná'maq lalamaxaret ñi qota'a quená'ogue ná'maq neetalec yi 'laua, leenaxat Acaya.

Efesios 2:8

Ma' quedá'maq le'xorenataxanaxa ñi qota'a, ca' nca'lerec qamiri, chicqochigui da rpi'ỹaxaguii. Qam dajo sqai qamiri chi ro'ueenachiguii, ta'ta'a quiyim chaqai ỹaanema qamiri ñi qota'a.

Filipenses 1:1

Ỹim Pablo chaqai Timoteo qomi' lelaatqa so Jesucristo, seraxañi ana qarelaata, tai'a nqaishinaq ná'ogue na qarqaỹaripi chaqai na la'gaxalateripi chaqai ná'maq lotauaripi quená'maq neeta'ñi na na'a' lodegaxat Filipos, ná'maq lalamaxareteripi ñi qota'a chaqai na'deetau'a so Cristo Jesús.

Colosenses 2:2

Ca' 'ue da iloquiaxac, ma' sahotaque quiyim ra'ñiiguilo na lauele', ca neconta' queda ne'xorenataxanaxa, chi ỹovireta'a qaica ca ỹouen nalogoñi da lpi'ỹaxac chicqochigui da la'deenaxanaxa, quiyim ỹa'yiinchigui dá'maq se re'xogui ỹachaxantac ñi qota'a, ca' chaqaiso so Cristo.

1 Timoteo 2:4

Ma' ñi'maxare ỹahotaque quiyim ná'ogue nca'leuec na qomyipi, ỹovireta'a nqai'en quiyim ỹaatqajam ỹa'den dá'maq ỹaatqajam llic.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

1 Timoteo 6:3

Ca no'm 'ue ca rapaxaguinataxanegue cá'maq se leloxoỹaxac chaqai ca'maxare se nachiñiguit dá'maq 'maxaraic napaxaguinataxanaxac chicqo'ot so qara'gaxala' Jesucristo, chaqai quedá'maq qanapaxaguinataxac quedá'maq seuaqlec,

2 Timoteo 2:10

Vichiguiño' ña'ñaxachiguit ná'ogue nanchaqaina, ma' sahotaque quiyim na qota'a lca'acseripi ỹovira'oga da nca'laxa chalego loyac chaqai sqaica lqodoc. Dajo nca'laxa taỹoto qomi', ma' mashic ña'daqatau'a so Cristo Jesús.

2 Timoteo 2:23

Chaqai se na'xaỹaxañita na co'uaxaquipi, ma' qaica ca 'negue. Chaqai mashic 'yiiñite' na'maxare ma' chicqaugui da napetaxanaxac.

2 Timoteo 2:25

chaqai neneequesenta quiyim ralamqataxan quená'maq pa'guenaxantac, sha'apiguito' quiyim ñi qota'a netogochigui lauel nqai'en, ma' ỹahotaque quiyim ỹa'den dá'maq ỹaatqajam lliqueta,

Santiago 1:1

Aỹim Santiago, aỹim la'ac ñi qota'a chaqai so qara'gaxala' Jesucristo, selata da iquinaxanaxac na qomyipi quená'maq chicqaugui so doce llaalqaipi so Israel quená'maq neuagaxajlec ná'ogue na 'laua.

2 Pedro 1:3

Ñi qota'a ỹachigoxochichigui dá'maq chi lquesaxanaxa quiyim ỹaanema qomi' ná'ogue ná'maq souenqataque queda qanachaalataxac chaqai quiyim ỹaatqajam ñañaanqot ñi'maxare, ma' ỹo'uet quiyim sa'deenaq so Cristo só'maq roỹaxanalo qomi', ỹahote'e da chalego lecaic lquesaxanaxa chaqai da chalego loyac lo'ueenataxanaxac.

2 Pedro 3:11

Ca' nagui mashic sa'deenaq quiyim ná'ogue sogui nqohin ma'le, ca ¡paguec quet ca reuogoxohi quiyim ỹaatqajam nañaañiỹot ñi qota'a, 'maxaraic nqai'ñii da nachaalataxaguii!

1 Juan 2:23

Ná'ogue ná'maq ỹoqolliguit so llaalec ñi qota'a, qai'neeta sqai hueeto'ot ñi'maxare. Qam ná'maq se ỹoqolliguit so llaalec ñi qota'a, na'maxare qai'neeta neeto'ot ñi'maxare.

Apocalipsis 1:1

Ca dajo dá'maq 'neeta da neuanaxanaxac ỹaanem ñi qota'a so Jesucristo, qaiyi so'maxare ỹa'deenaxanaxanegue na lelaatqaipi dá'maq sqaỹaloq re'oq. Ca' so Jesucristo ỹa'deenaxanaxanegue dajo leuanaxanaxac najo lelaatec Juan, chicqochigui nqai'en so lelaatec piguim le'ec.