Salmos 139:2 - La'qaatqa ñi qota'olec Qota'olec & Qota'olec Novita Na Qomyipi

² qami' 'yiiñi' ná'ogue ná'maq so'uet; chaqai ñaq qoỹoqo'ta aỹim chaqa'ma' 'yiiñi' da ỹa'deenataxanaxac.

Salmos 139:2 Iomraidhean Croise

Génesis 16:13

Ca' aso Agar na' ime retaqata'pegue' so nelaatec piguim le'ec, ca ỹanco' Ñi qota'olec ñí'maq reuanaxan, ma' 'naaco': Ñi qota'olec iuañiua', qam ñaq yca'leetauec.

2 Reyes 19:27

Ỹim sa'den dá'ogue da rqauaxaqui' chaqai ná'ogue ná'maq 'viichi'sac; ỹim sa'den quiyim roqui'raỹa'.

2 Reyes 6:12

Ca 'uo' so 'óna queso nashillipi 'naaco': —Qaica, qami' qarashi. Qam ñi qota'olec letaxaỹaxaqui, leenaxat Eliseo, neeta'ñi yi Israel, ñiga'ỹo' ñí'maq ỹa'xatem ñi lashi ná'ogue ná'maq 'xachi', vire'ta quena' vi'saugui ñi relaxasoxogui'i'.

Zacarías 4:10

“Ca ná'maq mesqai ỹaatqajam i'taxajñi dá'maq 'ec cocho'qui' dá'maq taachi'ñi, ca' nagui, ca netoon ma' iuana ñi Zorobabel ỹomat yí'maq ỹo'ueetetac.” Ca na' ime dajo, ca' so nelaatec lotqai 'naac: Nauajo siete ncoỹeraxanaxaqui' chaqainaua nauá'maq nqote' ñi qara'gaxala', ca ñaua'maxare ỹa'ajansac ná'ogue na 'laua.

Mateo 9:4

Qam ma' so Jesús ỹa'den dá'maq la'deenataxanaxague' saua'maxare, ca 'naaco': —¿Chi'negue ma' se no'uen da ra'deenataxanaxaguii?

Lucas 9:47

Qam so Jesús ỹa'den da la'deenataxanaxac saua'maxare. Ca' ỹacone'oga so noctoqui', ca nauaxaỹaxane'e'.

1 Corintios 4:5

Ca vichiguiño' caqamiri mesqai 'aviỹalec quiyim michii ca riỹahi. Nauaañiỹa'piguit só'maq qara'gaxala' ma' novi', ca re'oq nqai'en ca hueetaugui na napalaxa. So'maxare re'oq nqai'en ma'le na 'neetari' na ne'taxanatallipi. Ca ñi qota'a ỹaanem queca 'óna cá'maq 'neeta ca na'maqataxac.