Salmos 127:1 - La'qaatqa ñi qota'olec Qota'olec & Qota'olec Novita Na Qomyipi

¹ No'm ñi qara'gaxala' se no'xonshiguim ca no'ueenaxanaxaqui, ca ná'maq qomyipi ro'ueenataxantac qaica quet cá'maq 'negue; no'm ñi qara'gaxala' se ro'ootaxanteguelec ca na'a' lodegaxat, ca' qaica quet cá'maq 'negue quiyim reloqota'a na neloxoỹaripi.

Salmos 127:1 Iomraidhean Croise

1 Reyes 5:12

Ca' 'eda 'ne'tegue na'le ñi qara'gaxala' na' ỹaanem da la'deenec so Salomón dá'maq ỹachaxantac na'le. Ca só'maq Hiram ỹaatqajam na'maxate'e' so Salomón, ca saua'maxare ỹaatqajam 'ue da leuagaqa' na'le.

Salmos 121:1

Quena' ya'ishi'megue ada quemaralec qa' ladocai, ca' shinac: ¿Negue' cá'maq chicqa'gue ca ñotaanaxac?

Salmos 122:1

¡Ỹaatqajam ñitoon quena' qohinapiguiỹa': Qolaq, qolaxapegue' ñi no'ueenaxanaxaqui quiñi qara'gaxala' qota'olec!

Salmos 126:1

Na' qaropilaxata ñi qara'gaxala' qota'olec na qara'a' Sión, ca shinqatapega 'eco' chi se'guemachaqatac.

Cantares 3:3

Senate' saua nouaataxanaq lase', sauá'maq reloqosa'a yi na'a' queso pe: ¿Sqai huañiỹo' qamiri cá'maq lqo'itaxat da ñachaalataxac?

Cantares 5:7

Iuanterelec aỹim saua neloxoỹa' sauá'maq ỹouoxonsac quena' pe yi na'a' lodegaxat; youaxansac chaqai ycoñirqachite'; ¡só'maq neloxoỹaripi quiyi ñigo quiyi na'a' se yichirac no'teguec so ñapoxoqui!

Isaías 62:6

Qami' Jerusalén, quenaua rquepaqataxanqachichi' sa'vii naua neloxoỹa', se i'machiñi quiyi na'xa'a chaqai yi pe 'nerac: Se i'maqata ná'maq mashic ỹashiila ñi qara'gaxala',

1 Corintios 15:14

Chaqai no'm so Cristo se nca'leuec nqohin, ca dá'maq na'qaatec sa'xatqatac qaica ca 'negue, chaqai dá'maq rpi'ỹaxaguii qai'neeta.

1 Corintios 3:7

Ca quecá'maq danaxan chaqai ca rocoraxantac qaica ca 'netegue. Qaiñiita ñí'maq qota'a maq 'ue ca 'negue, ma' ñi'maxare maq ỹo'uet da lañaqtaxac da no'ueenataxanaxac.

Gálatas 4:11

Ca 'xoic da ỹoqolonaxa quiyim dá'maq ỹo'ueenataxanaxac qaica ca 'negue caqamiri.

Josué 2:2

Qam 'uo' so quepegue' so lashi yi Jericó, ca ra'qaataxana, 'naaco': —'Vii saua Israel lase' novirero na' napalchiguiñi, na'ajnaxanda'a najo 'laua.