Salmos 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ma' ñi qara'gaxala' qota'olec netela'a da llicyaxac na 'maxataxaraiquipi, qam da llicyaxac na hualoxonyipi taata'a quiyim na'laañi.

Salmos 1:6 Iomraidhean Croise

Salmos 146:9

ñi qara'gaxala' ro'ootaxanlec na ỹoqa'a ca chicqa'gue, qui'ỹaxan na na'peloq chaqai ana pa'ỹe, qam na hualoxonyipi ỹit nqai'en ca llicyaxac.

Mateo 7:13

Noxoñiỹougui ñi lasom cocho'qui'. Ma' 'xoic lecagui ñi lasom chaqai so nayic tai'a ca nelauqa'. 'Xoic leca'gue chaqai sqaica ca lqalaic, ca' ỹaatqajam 'xoic ná'maq queeta'gue so'maxare.

Juan 10:14

Ỹim ná'maq ỹim no'uen qagreta lo'o. Ca' chaqaida dá'maq 'neeta quiyim iuañiua' ñi ita'a, chaqai aỹim seuana ñi'maxare, ca' chaqaida 'nejem quiyim ỹim sa'deenta ana ilo qagretaipi, chaqai ana'maxare ya'deenta. Chaqai aỹim saanougui da ñachaalataxac aná'maq qagretaipi.

Juan 10:27

Ma' aná'maq iloxoiqateguese qagretaipi ỹa'den da ivillaxac, chaqai ỹim sa'den, chaqai ana'maxare coỹareta'pegue' aỹim.

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”

2 Pedro 2:12

Qam najo qomyipi ỹaatqajam 'nejem na iseripi, ma' qaica ca la'deenataxanaxac chaqai queeta'pegue' da chi la'ajnaxanaxac; chaqai quiyim ne'qaañi, qam tai'a quiyim qaiconlec, ca' qaỹalauat. Chaqai se ichirac quiyim ỹa'xat cá'maq se ỹa'den, qam na'maxare ma' ileu 'nejem ma'le na isecỹac ca lelauaxa.

1 Samuel 2:9

Ñi'maxare cochiỹalo caua lqauaxaqui' cá'maq qamaxaraic quiñi'maxare, qam na hualoxonyipi ileuaugui nqai'en na napalaxa, ma' qaica quet cá'maq doxonaxan chicqochigui cá'maq chi lquesaxanaxa.