Salmos 1:3 - La'qaatqa ñi qota'olec Qota'olec & Qota'olec Novita Na Qomyipi

³ Cajo qom 'ec aca qo'paq neeto'ot na lahi aca lachiugue, ca' se napacalec yi laloqo' quiyim 'ue aca la chaqai se ỹaso ana laue. ¡Chaqai quená'ogue ná'maq ỹo'uet ỹaatqajam ỹa'maqachiguiñi!

Salmos 1:3 Iomraidhean Croise

Génesis 39:23

Ca só'maq lashi añi ncoñiitaxanaxaqui tot ỹouen quiyim liỹa ỹa'ajan ná'maq mashic leloxoiqateguesec so José. Ma' ñi qara'gaxala' na'deeta'guit so'maxare, ca ỹa'ue quiyim ỹa'maqachiguiñi ná'ogue ná'maq ỹo'uet so'maxare.

Génesis 39:3

So na'co' retan quiyim so José na'deeta'guit ñi qara'gaxala', vichiguiño' quecá'maq ỹo'uet so José, qam ỹa'maqachiguiñi.

2 Reyes 18:7

Ca' vichiguiño' ñi qara'gaxala' ỹaatqajam qoshiiteguelec so'maxare ỹotauantac, ca ipaquichiguilo nqai'en nauá'maq ỹo'ueete'. Ca' so Ezequías ca'e so lashi na Asiria laseripi, tot nomatalta' quiyim na'xaỹaxana so'maxare.

Job 14:9

qam ma' nauata'guit na lo'oomaxa na huaxaỹaq, ca' liỹa no'ualauec; ca' 'ue na lasoteipi 'ec aca chita'gue ñaxat 'ualata.

Isaías 58:11

Ca' ỹim se neme sashaxañi'sac chaqai 'xoic nqaishin ca qanoqe' quiyi 'laua qaica qom, sa'ue lquesaxanaxa na roshicmaxa'e', 'ec nqaishin qami' ca nanaxanqa' se neme ỹaquitetalec, 'ec ca ne'paxantashiguim huaxaỹaq se neme.

Ezequiel 31:5

Ca ma' se ỹouen na huaxaỹaq, ca' paguec liyic da llaxataxac caná'ogue ana liỹa qo'paq quiyi 'oochi; dalaxai ana lasote, ca' nqo'neuec da lecaic.

Ezequiel 47:12

Ca' quenaua lahil aso lachiugue, ca' ñaxat ana ỹoreta'oguit qo'paq 'ue ana la. Chaqai se ỹauanapega quiyim 'ue aca najñi laue, chaqai se ỹauanapega quiyim qaica quet ca la. Quena' ỹovirec yi shiraigo, ca' lotqai 'ue ana la, ma' ỹaquiteta'ñot quena huaxaỹaq chicqau'a ñi no'ueenaxanaxaqui. Ana la ỹa'maqachiguiñi qaỹa'ic, chaqai ana laue, ca' qanatarena. (47.13—48.35 Naua lqodoco yi na'laua na lalamaxareteripi ñi qota'olec. So ni'ic neuagaxachigui yi 'laua. Naua lasomi' yi Jerusalén.)

Números 24:6

Mashic 'ec chalego ladogolec chaaviquipi ỹo'viiquichiguiñi, chaqai 'nejem ca nanaxanqa' hueeto'ot na lahi aca lachiugue, chaqai 'nejem ana áloe, lanecse ñi qara'gaxala', ¡chaqai ana cedro hueeto'ot na lahi ca huaxaỹaq!

Mateo 13:6

Qam co'na' nenoxonshiguim añi ra'aasa, ca co'na' pa'eelec, ca rashivi, ma' qaicaua caua lpa'yii. Ca ỹaso.

Mateo 21:19

Ca iuane'ejta'a aso higo lashi queso nayic lahi. Ca' quepegue', qam aso qo'paq qaca aca la, ta'ta'a ana laue. Ca' so Jesús 'naaco' caso higo lashi: —¡Nagui taachi'ñi quiyim tot qaica ma' 'ue quet aca la aqami'! Ca aso higo lashi chaqa'ma' ỹaso.

Mateo 21:34

Ca co'na' ỹovita ca laloqo' quiyim qanaqat ana la so lanecse 'úva, ca' 'vii saua nelate' lelaatqa quiyim rashiilaxantegue cá'maq taalec quet cá'maq ỹaatqajam lanecse.

Mateo 21:41

Ca' qohinaco': —Ỹaatqajam se i'xoren quiyim nalauajñi so hualoxonyipi. Ca ỹa'ualaxanaxan so liỹa 'ueenataxanaxairipi queso na'laua só'maq ỹaanem ma'le só'maq taalec so'maxare ma' ỹovita ca laloqo' qanaqat ana la so nanec.

Juan 15:6

Ma' cá'maq se na'deetau'a ỹim, ca' qainaxauec, ca' ỹaso, 'nejem aná'maq lasote quena' qalapoon, ca' qaỹavigaxat queca norec.

Judas 1:12

Ỹaatqajam nayiloxo lahite' quena' ỹalequesauguilo qamiri quenaua rqui'ỹaxagohi quena' nouañitagui na qanoxohi. Quena' raỹaacosalec da lqui'ỹaxague' chaqai da ne'taxague', qaica ca na'xairaque, se ỹa'maxata'que naua la'qaatqa. Chaqai na'maxare 'ec cá'maq na'gaxala' chi netelteguelta', qam 'nejem ca naueguelec sqai chicqaugui ca huaxaỹaq, chi qaỹaỹoxonaxateta quena nonot, chaqai 'ec aca qo'paq qaca aca la quiyim ỹovita ca laloqo', ỹaatqajam ỹasootam, ca' ỹovita qanaqat.

Apocalipsis 22:2

Chaqai quena lavinñi só'maq nayic quiyi lavinñi yi na'a' lodegaxat, chaqai quenaua lahil aso lachiugue que'teguelo ana llaqtaxai ana qo'paq chicqaugui da nca'laxa. Doce 'ue ana la quiyi ñaaxa, quiyi shiraigo lotqai 'ue na ala. Chaqai ana laue ana qo'paq qaỹouen quiyim qaratarenataxana quená'ogue na ỹoreta'oguit qomyipi.