Salmos 1:2 - La'qaatqa ñi qota'olec Qota'olec & Qota'olec Novita Na Qomyipi

² ta'ta'a quiyim ỹaatqajam nqo'ta na laqataxaquipi ñi qara'gaxala', chaqai napaxaguintapegalo quiyi na'xa'a chaqai yi pe.

Salmos 1:2 Iomraidhean Croise

Génesis 24:63

Ma' so'maxare tauco' ỹouoiguiri' lecocho'qui' na' sham napalñi. Ca co'na' namatashiguim, ca' iuañi'chiguit so nauaanaxanaxa late'ellipi qoyintalec ỹalamaxatetaho.

Esdras 7:10

Ca' so Esdras ỹahotaque ỹaatqajam napaxaguina quiyim ipacqajanchigui quiyim ỹo'uet na laqataxaquipi ñi qara'gaxala' chaqai quiyim ỹapaxaguin na llaalqaipi so Israel quena laqataxaquipi chaqai na nelaataxanaxaquipi.

Salmos 104:34

Saxanchi' nqo'talo naua ỹa'deenataxanaxaco ñi qara'gaxala', ma' qaiñiita ỹo'ueetetac da ñitoonaxac.

Salmos 40:8

Ỹim yqo'ta quiyim so'uet cá'maq vi'saque, qami' qota'olec caỹim; ¡da rapaxaguinataxanaxaqui' selliitagui añi i'taxanata!

Salmos 88:1

Qami' ỹa'gaxala' qota'olec chaqai ica'laxaqui, quiyi na'xa'a chaqai yi pe sashiila'isac quiyim yotauañi',

Jeremías 15:16

Quena' taqaita aỹim, ca' ña'xaỹaxane'ta dá'maq ra'qaachiqui'; chaqaida dá'maq la'maxa iuel chaqai netoonaxac añi i'taxanata, ma' ỹim ralamaxarichi', qami' ỹa'gaxala' chaqai qota'olec qaica ca lqalanec.

Lucas 18:7

Ca' ñi qota'olec ¿se iuejelco' qai'neeta ca lca'acseripi quiyim ne'xoresentacot ñi'maxare naua'que naua na'xata' chaqai naua piri? Ca' ¿peeta'a 'uo' ca nauaantaque nqai'en? 'E'.

Lucas 2:37

Qam nagui aso'maxare mashic ỹovite' ochenta y cuatro ñaxari quiyim pa'ỹe. Chaqai ỹaatqajam sqai ca'e aso no'ueenaxanaxaqui, ỹo'ueentac ñi qara'gaxala' quenaua na'xatari chaqai naua piri, ỹo'ueetetac da nqouagaxainaxac chaqai nqopaaqachitetac.

Romanos 7:22

Ma' ñí'maq pa'aatauo caỹim ỹaatqajam nqo'ta da naqataxaquipi chicqo'ot ñi qota'a;

1 Tesalonicenses 2:9

Qamiri qarqaỹa', no'viñita'gue quiyim ỹaatqajam 'ue da qaro'ueenataxanaxac chaqai ña'ñaxataq, ma' sahoqotaque quiyim ñauegaq ca qarepetaxanaxat. So'ueenataxanqatac quenaua na'xatari chaqai naua piri, ma' sahoqotaque quiyim qaica ca nesallaxantegueto qomi' na' senqatauguilo qamiri sa'xatqatac da la'qaatec ñi qota'a.

1 Timoteo 4:15

Qam quiisalgoto quiyim ỹaatqajam ra'i'terelgoto nauajo, qaiyi ná'ogue iuana quiyim noquiiquetashiguim da no'ueenataxaqui'.

2 Timoteo 1:3

Quiyi pe chaqai yi na'xa'a quena' ñqouagaxaintac, ca' so'leenta'oga qami'. Lotqai saantacot da ña'aachic ñi qota'a ñí'maq so'ueeteta'pe naua la'qaatqa, chaqai quiyim sa'deenta quiyim qaica ca ỹasauaxaset quiñi'maxare. Ca' chaqaida dá'maq 'neeta só'maq 'auaxaic ita'allipi.

Josué 1:8

Pilaxachisa'gue dá'maq 'naac ana lere hueetalec na laqataxaquipi ñi qota'olec. 'Yiiñisapegalo quiyi na'xa'a chaqai quiyi pe, qaiyi se neme 'viichi'sac dá'maq 'neeta da naqataxac. Ca cá'ogue cá'maq 'viichi' ma'le cá'ogue ỹa'maqachiguiñi.

1 Juan 5:3

Ma' dá'maq ne'xorenataxanaxa quiñi qota'a, chaqaida dá'maq quiyim qana'xaỹaxane'talo naua lelaataxanaxaco. Chaqai naua'maxare se qalachi.