Salmos 1:1 - La'qaatqa ñi qota'olec Qota'olec & Qota'olec Novita Na Qomyipi

¹ Chalego la'maxa queca qom quiyim sqai que'uegue na lapaxaguinataxanaxac na hualoxonyipi, chaqai se naỹa'a da 'neetari' na sauaqhuaiquipi, chaqai se ỹalecau'a cá'maq i'neetac ñi qota'olec;

Salmos 1:1 Iomraidhean Croise

Génesis 49:6

¡Ỹaatqajam se yqo'ta salequetau'alo caua lapooqote'! Ma' na' ro'ỹe', ca' ỹalauate' ca qomyipi, qaica quet cá'maq 'neeta, qam chaqai 'ñiigue, ca qaicchii' naua lichil so huacallipi.

Génesis 5:24

Qam ma' so Enoc quejlgoto naua laqataxaco ñi qota'olec, ca 'uo' ca na'xa'a, ca' có, qaỹo'uaatetac, ma' qai'xato' na'le quiñi qota'olec.

1 Reyes 16:31

Ma' so'maxare ỹaatqajam chi ỹo'uet na lasauaxaseteripi 'ec so Jeroboam, só'maq llaalec so Nabat. Chaqai vire'ta o'ñiguit aso Jezabel, llaale so Et-baal, nashi quiyi Sidón. Chaqai vire'ta na' imaqachin chaqai nqouagaxainot so nashiilec Baal.

Job 10:3

Ma' chaqaiqami' ná'maq yo'viichi', ca ¿'maxaraico' quiyim sqai 'maxachirahic chaqai quiyim liỹoqoira'piguit aỹim, chaqai quiyim 'maxariñite' quiyim 'ue ca ỹo'uet na hualoxonyipi?

Salmos 1:6

Ma' ñi qara'gaxala' qota'olec netela'a da llicyaxac na 'maxataxaraiquipi, qam da llicyaxac na hualoxonyipi taata'a quiyim na'laañi.

Salmos 146:5

Chalego loyac quecá'maq qom qaỹotauan quiñi nqota'olec so Jacob, cá'maq ỹomato'ot da naquitaxac quiñí'maq qara'gaxala' qota'olec.

Salmos 146:9

ñi qara'gaxala' ro'ootaxanlec na ỹoqa'a ca chicqa'gue, qui'ỹaxan na na'peloq chaqai ana pa'ỹe, qam na hualoxonyipi ỹit nqai'en ca llicyaxac.

Salmos 36:4

Quena' nenantañi queca lomala' ỹa'deentaque quiyim ỹo'uet ca se no'uen; ỹaatqajam lo'qoochiguiñi da se no'uen ñicyaxac, ca se ỹa'maxaren ỹaxanñi da leualoxonqaishic.

Salmos 84:12

Qami' qara'gaxala' qaica ca rqalañiqui', ¡chalego la'maxa quená'maq 'ue da lpi'ỹaxac caqami'!

Proverbios 1:15

¡Qami' ỹaalcolec, totaxan riỹa'isegueñi quenaua llico na'maxare! Totaxan quire'ueguelo naua'maxare,

Proverbios 1:22

Ne'naqaipi qaica ca retan, 'naxanaxaiquipi chaqai qaica ca la'deenataxanaxac, ¿laquio' 'xañiñi quiyim quiitalec quiyim qaica ca retanaxanaxaguii, chaqai quiyim nachiỹa ca ra'maxahi queda re'naxanaxaguii, ca' se rqo'chiỹa da na'deenaxanaxa?

Jeremías 15:17

Vire'ta se llapooguit ná'maq chi ỹahotaque reualaxaitac; shi'gue na' qami' yatoiquiñi'sac, ca chaqa'ma' yodaatapeguec, ma' no'xa nqai'ñi' aỹim queda ronogoxonaxaqui'.

Mateo 16:17

Ca' so Jesús 'naaco': —Qami' Shimoñi', qami' llaalec so Jonás, ỹaatqajam chalego da ra'maxa'e', ma' sqai qom ca ra'deenaxanaxañitegue dajo, qaiñiita ñi ita'a neeta'gue da piguim.

Lucas 11:28

Qam so'maxare 'naaco': —¡Qam ỹaatqajam chalego loyac cá'maq 'xaỹa da la'qaatec ñi qota'olec chaqai ỹaatqajam ỹo'uet!

Lucas 23:51

Sojo José nauaantaque quiyim novi' ca lo'ueenataxanaxac ñi qota'a ma' ỹoiquentac ná'ogue najo. Ca' so'maxare se ỹa'maxaren dá'maq 'ne'tegue lo'ueenataxanaxac so liỹa nashillipi.

Juan 13:17

No'm qamiri 'yiiñii dajo, chaqai 'viichii, ca ra'maxaichiguiñi ma'le.

Juan 20:29

Ca' so Jesús 'naaco': —Tomás, nagui, ca' virelec, ma' mashic huañiriua'. Qam chalego la'maxa quecá'maq se iuañiua', qam huejlec aỹim.

Romanos 5:2

Ma' chaqaiso só'maq Cristo só'maq 'em quiyim seconaxaguit da lqouagaxa ñi qota'olec, qam dajo chicqochigui da qarpi'ỹaxac. Ca' dajo qanqouagaxa ỹaatqajam ña'ñaxatqa'tegue, chaqai 'ue da qanetoonaxac, ma' mashic 'ue da qanaquitaxac quiyim ñouanqau'a da lauaq ñi qota'olec.

Efesios 6:13

Ca vichiguiño' chaqa'ma' ñiiñi naua'que nauá'maq nquepaqataxanqate' quena roshicmaxahi ỹaanema qamiri ñi qota'a, qaiyi shichii nachaachiỹa'guit ca se no'uen ma' novi' quecajo na'xa'a. Ca ma' ime 'ñii'tegue dajo, ca na'ñaxachiñi.

Deuteronomio 14:6

Ca' qamiri shichii 'guii ná'ogue na isecỹac quena ropilqataxan chaqai shicchiguilo naua lenachi'.

1 Pedro 4:3

Ca mashic nalootañi dá'maq shi'gue 'viichitac quesaua 'auaxaqa ñaxari dá'maq nqo'ta ỹo'uet ná'maq se iuanapega ñi qota'a. Ca' quesaua 'auaxaqa na'xata', ca' qamiri quiita'pegue' da namaanaxanqachic, quenanchaqaina quená'maq se no'uen, 'taxac, chaqai na nemaqachic 'xoic na naỹaac, sqa laỹa'gue da ne'taxaguii, chaqai nqouagaxaiñitacot na nqolac ná'maq se qaỹa'maxaren.

Apocalipsis 22:14

Chalego la'maxa cá'maq quiỹo' caua loho, qaiyi ỹovirau'a ada qo'paq chicqaugui da nca'laxa, chaqai quiyim ishit inoxontougui ñi lasom yi na'a' lodegaxat.