Rut 4:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' na 'aallipi 'naaco' quen caso Noemí: —¡Ỹaatqajam qaimaqachin ma'le ñi qara'gaxala' ñí'maq ỹo'uet quiyim 'ue nagui na qaualli', qaiyi reloqota'a qami' ma'le! ¡Saxanchi' na qaualli' choxoraic ma'le quena Israel llaalqaipi!

Rut 4:14 Iomraidhean Croise

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 24:27

'Naaco' so'maxare: —¡Ỹaatqajam qaimaqachin ma'le ñi qara'gaxala', ñí'maq qota'olec quiñi ña'co' Abraham! Ma' se napacalec ca la'qaatec chaqai ỹaatqajam lqouagaxat ñi ña'co'. Ca yachaxanchi'nquio' na nayic natenta'a na la'a' na lauo' laseripi ñi ña'co'.

Génesis 29:35

Ca' aso Lea qaiyiita 'uo' so liỹa llaalec, ca ỹanco' leenaxat Judá, loqo'm imaqachin, ma' 'naaco': —Ca' nagui, ca' semaqachin ñi qara'gaxala'. Ca co'na' ime dajo, ca' tot co'o.

Lucas 1:58

Ca ná'maq sqoỹoqaque quiyi la'a' chaqai na lauo' laseripi nqo'ta aso'maxare qanetoonta'pegue co'na' qaỹa'den quiyim ñi qara'gaxala' ỹaatqajam 'xoic da le'xorenataxanaxa caso'maxare.

Romanos 12:15

Netoonaxauahi cá'maq netoontac, chaqai noỹenaxauahi cá'maq noỹentac.

1 Corintios 12:26

Ca no'm 'ue ca hua'ñi quena nouenqaipi ca qaiuet, ca ná'ogue na liỹaripi 'ue da le'xoric. Chaqai no'm 'ue ca pa'ỹa'gue quena nouenqaipi ỹaatqajam qaiquelola, ca' ná'ogue na liỹaripi netoon.

1 Tesalonicenses 5:18

Quená'ogue ná'maq taalgoto qamiri 'ỹaañitacot ca na'aachiguii ñi qota'a, ma' chaqaida dá'maq ỹahotaque ñi'maxare caqamiri, ma' mashic viilec so Cristo Jesús.

2 Tesalonicenses 1:3

Qamiri qarqaỹa', qomi' se neme saanqatacot da qana'aachic ñi qota'a caqamiri. Dá'maq 'maxaraic shinqata'gue caqamiri, ma' noquiiquetauec da rpi'ỹaxaguii chaqai nqo'neetauec quiyim ne'xoriñiỹata'.