Rut 4:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' chaqaida da 'neeta na'le so Booz na' o'ñiguit aso Rut. Ca co'na' mashic loua aso'maxare, ca' ñi qara'gaxala' ỹo'uet quiyim 'man aso'maxare, ca' 'ue so llaalec.

Rut 4:13 Iomraidhean Croise

Génesis 20:17

Co'na'le, ca' so Abraham nqouagaxainot ñi qota'olec, ca ñi'maxare imeuec nqai'en so Abimelec chaqai aso loua. Qai'neeta imerec nqai'ne' saua lelaata, qaiyi ishit 'ue ca llaalegue'.

Génesis 25:21

Ca' so Isaac nqouagaxainot ñi qara'gaxala', rashiilaxanlec aso Rebeca, ma' aso'maxare qaica ca llaalec. Ca' ñi qara'gaxala' 'xaỹa so nqouagaxainaxac, ca' 'man nqai'en aso Rebeca.

Génesis 29:31

Ca co'na' ñi qara'gaxala' iuana quiyim so Jacob se nqo'ta aso Lea, ca ỹo'uet quiyim aso'maxare 'ue so llaalqaipi, qam aso Raquel se co'o nqai'en.

Génesis 30:2

Qam so Jacob ro'ỹo' aso'maxare, ca 'naaco': —¿Qa' ỹimo' qota'olec? Ma' ñi'maxare ñí'maq se ỹo'uet ca qachaalqui'.

Génesis 33:5

Ca na' ime, ca' so Esaú ra'ỹauguilo saua 'aalo chaqai so ñaaqaipioqui'. Ca' renataxano': —Qam nauajo ¿negue' naua'maxare? Ca 'naaco' so Jacob: —Chaqainaua nauá'maq ỹaalqa ỹaanema ñi qota'olec najo relaachiqui'.

Salmos 127:3

Na qochaalqaipi mashic ne'qaañi ỹaatqajam chalego loyac lqouagaxanaxat ñi qara'gaxala'.

Rut 3:11

Totaxan ro'chi'i', qami' ỹaalole, ma' ná'ogue na qomyipi ỹa'den quiyim qami' 'maxataxarai. Vichiguiño' ỹim so'uet dá'maq 'ñirac.

Rut 4:12

Sashiilqatac ñi qara'gaxala' quiyim 'xoic nqai'en ca qachaalaxai'ipi cacajo 'aalo, qaiyi qami' ni'ic lodegaxat, 'nejem na'le so Fares só'maq llaalec aso Tamar chaqai so Judá.

1 Samuel 1:27

Ma' ỹim na'le sashiilatac ñi qara'gaxala' quiyim ỹa'ue najo ỹaalec, ca ñi'maxare ỹa'ue.

1 Samuel 2:5

ná'maq 'au qaica na'le ca ỹouentaque, qam nagui ro'ueenataxanteguelec ca loq; qam ná'maq 'ue na'le na lqopaaxa, qam nagui, ca' qaica ca ỹouentaque. Chaqai aná'maq 'aalo qaica quen ca llaalec, qam siete co'o nqai'en; qam aná'maq 'xoic na'le na llaalqaipi, ca' nagui ỹaatqajam 'ec ỹaso nqai'en.