Rut 4:11 - La'qaatqa ñi qota'olec Qota'olec & Qota'olec Novita Na Qomyipi

¹¹ So qo'xoiquipi chaqai sá'ogue só'maq ỹalequetaho 'naaco': —Ajá'a, qomi' seuanqachigui. Ca' ¡ñi qara'gaxala' quiyim ỹo'uet cacajo 'aalo inoxona'a ca ra'aachi', 'nejem nqai'en aso Raquel chaqai aso Lea sauá'maq sachigoxosoxouguilo qomá'ogue qomi' llaalqaipi so Israel! Chaqai qami' ỹaatqajam qami' choxoraic chaqai ỹaataxaraic quena qara'a' Efrata, da liỹa leenaxat Belén.

Rut 4:11 Iomraidhean Croise

Génesis 23:10

Qam ma' só'maq Efrón ỹalequetauguilo saua'maxare, 'naaco' queso Abraham, ca' da la'qaatec qara'qaachigui queso lauo' laseripi chaqai ná'ogue ná'maq naatapegueu'a ca ñigo quiyi na'a':

Génesis 24:60

Ca' qoỹaanec da no'uen na'qaatec caso Rebeca, qohinaco': Qami' qarqaỹoole, ¡qami' late'e ma'le ca 'xoic qomyipi sqaica ishit naloqochin! ¡Chaqai ca qachaalaxai'pi loxonec ma'le na na'aateripi npa'guenaxauaipi!

Génesis 29:16

So Labán 'vio' saua dos llaale: asó'maq 'auaxai llaale leenaxat Lea, ca' aso lano'o leenaxato' Raquel.

Génesis 29:25

Ca' na' richiguiñi queso liỹa na'xa'a, ca' so Jacob ỹa'den quiyim so'maxare lapaata'ñi' aso Lea. Ca 'naaco' queso Labán: —¿Negue' cá'maq 'neeto' dá'maq 'ñitetegue aỹim? ¿Mesqai so'ueenataxanot qami' sahinteguelec ada Raquel? Ca' ¿chi'neco' ma' yayiñi'?

Génesis 29:32

Ca' aso Lea 'man, ca 'ue so llaalec só'maq ỹanegue leenaxat Rubén, loqo'm 'anta ỹaalec, ma' 'naaco': —Ñi qara'gaxala' iuana da ỹachicoxo, ca vichiguiño' nagui nqo'chiiua' ñi ỹoua ma'le.

Génesis 35:23

Ca sauá'maq llaalqo' caso Lea, saua Rubén só'maq ỹi llaalec, ime, ca' so Simeón, Leví, Judá, Isacar chaqai so Zabulón.

Génesis 35:24

Ca' saua llaalqa caso Raquel, saua José chaqai so Benjamín.

1 Reyes 21:8

Ime, ca chaqa'ma' ỹo'ueete' saua lerecse lerel hueetalgoto nqai'en da leenaxat so Acab. Ime, ca' ỹotogoxoñi aso letanaxanqate. Ime, ca ilata so qo'xoiquipi nashillipi na'ñi yi na'a' na'ñi so Nabot.

Proverbios 31:23

Ca loua ỹaatqajam qaỹa'deenta queca na'a' lodegaxat, chaqai ỹalequetaugui nqohin ná'maq qaimaqachin queca 'laua neetalec.

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Mateo 2:6

Ca' qami' Belén, ma' qami' viisaugui yi 'laua Judá, ỹaatqajam chalego lecaic ma'le da nemaqajnataxanaxa ma'le caqami', ma' qami' chicqochi'ñi ma'le ca na'gaxala', cá'maq reloxoỹa'a ma'le ná'maq ỹalamaxareteripi llaalqaipi so Israel.

Deuteronomio 25:7

Qam no'm cá'maq ỹale ỹahotaque quiyim se ipaguiguit aca li'ỹoxoua, ca aca'maxare quepegue' ca letaxaỹaqa' na qo'xoiquipi. Ca' 'naac: Ñi i'ỹoxoua se ipaca'guit aỹim quiyim so'ñiguit, ma' se nqo'ta quiyim queeta sqa pal da leenaxat ca lqaỹa sou quena Israel. Ca ñi'maxare se ipaguiguit aỹim quiyim ỹoua.

Deuteronomio 25:9

ca ma'le, ca só'maq li'ỹoxoua nqo'neu'a so'maxare, ca' naqat so lapela' so li'ỹoxoua, iuanchigui nqai'en so qo'xoiquipi. Ime, ca' natoxogui na lashic, ca' 'naapega so'maxare: ¡'Eda qohine'tegue cá'maq ỹale quiyim se ỹa'maxaren quiyim queeta ca llaalquenaxanaxac ca lqaỹa!