Rut 4:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Chaqai qai'neeta 'yiiñichigui quiyim aỹim secona aso Rut quiyim ỹoua, só'maq pa'ỹe Moab lase, qaiyi yijo 'laua chaqai 'neetari' hueetalec leenaxat so Mahlón só'maq loua shi'gue sou, qaiyi sqai pal da leenaxat so Mahlón quená'ogue ná'maq qouo' laseripi chaqai quená'ogue ná'maq na'ñi najo. Qam qamiri 'yiiñichigui aỹim quenajo na'xa'a.

Rut 4:10 Iomraidhean Croise

Génesis 29:27

Pacqajñichiriguilo viraqchiterec naua siete na'xata' ro'naxaquichi' cada Lea. Ca ma'le, ca' saanqairaxarom añi Raquel qai'neeta, no'm 'ỹaañirec ca ra'qaachiqui' quiyim 'ueenataxañitot aỹim quecaua liỹa' siete ñaxari.

Génesis 38:9

Qam so Onán ỹa'den quiyim ne'qaañi ca llaalec, ca 'ec se lalamaxaret llaalec. Ca' vichiguiño' quena' viguit aso pa'ỹe ỹahotaque ca la'maqa' quiyim sqai 'man aso'maxare, qaiyi cá'maq lqaỹa qaca aca llaqtaxai chicqaugui so'maxare.

Oseas 3:2

Ca na'le, ca' seshiujnaxana aso 'aalo sauaaque ỹoua, ca' yi seshiueten na'le ỹovi' quince ỹamirolli' plata chaqai aso nahirenaxanaxaqui trescientos treinta litro no'qaata nqaishin cana cebada.

Malaquías 2:14

¿Qam qaiyiita nataxañitac qamiri negue' cá'maq 'neeta quiyim se icoñiguit? Ma' ñi qara'gaxala' iuanchigui quiyim se ipaguigui nqai'ñi' dá'maq 'auaxaic ra'qaachiqui' cañi roua'e', na' ñaqai chita'gue o'ñichiguit, na' ñaqai qami' ne'nec. ¡Ỹaatqajam qamiri huegaxaua' leta'al, na' qami' 'ỹaañirec da ra'qaachiqui', nallichiralta', 'ñirac quiyim raqamqaite'!

Efesios 5:25

Chaqai cá'maq ỹale mashic 'on, ca' ỹaatqajam i'xoren aca loua, ca 'nejem so Cristo ỹaatqajam i'xoren ná'maq mashic icoñiguit da na'qaatec, ca' ỹaanec da nachaalataxac ileualec na'maxare.

Deuteronomio 25:6

Ca cá'maq 'auaxaic llaalec ne'qaañi, ca ỹanegue da leenaxat cá'maq lqaỹa sou, qaiyi sqai pal ca leenaxat quena Israel.

Hebreos 13:4

Chaqai quiyim ná'ogue se napacalec da leloxoỹaxac ca nouaỹaxac. Quiitalec quiyim 'maxachii'tegue dá'maq 'neeta ca nouaỹaxac. Ma' ñi qota'a ỹa'ue ma'le ca nouaxanaxaset na nedequenaxaiquipi chaqai ná'maq ỹadalaxat aca loua.

Rut 4:9

Co'na'le, ca' so Booz 'naaco' queso qo'xoiquipi chaqai queso reloqotaho qomyipi: —Qamiá'ogue 'yiiñichigui nagui quiyim ỹim seshiujnaxana caso Noemí cá'ogue cá'maq lalamaxareteripi so Elimelec, Quelión chaqai so Mahlón.