Rut 3:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' so Booz inato' aso'maxare, 'naaco': —¿Negue' aqami'? Ca aso'maxare 'naaco': —Aỹim Rut, chaqaỹim relaata'e'. Ma' qami' lauo' le'ec yi ỹoua Mahlón, ca' chaqaiqami' ná'maq shichi' quiyim quelolliriua'. Sahotaque quiyim ỹim roua'e'.

Rut 3:9 Iomraidhean Croise

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Lucas 14:11

Ma' cá'maq chi ỹauaaque ca lecaic, ca' se qaimaqachin, chaqai cá'maq neneequesenta, ca qaimaqachin.

Rut 2:20

Ca' aso Noemí 'naaco': —¡Ñi qara'gaxala' ỹaanem ma'le da lqouagaxa ca'maxare! Ma' ỹaatqajam 'ue da lqouagaxa coqomi', 'nejem nqai'en da no'ueenataxac so 'auaxaic qomyipi mashic shi'gue sou. Cajo ỹale chi lauo' le'ec so Elimelec, vichiguiño' chaqaica cá'maq ishit quiyim cochiỹalo qomi'.

Rut 3:10

Ca' so Booz 'naaco': —¡Ñi qara'gaxala' ỹaanem qami' ma'le ca lqouagaxa! Nagui, ca' re'oq quiyim se napaquiralec repaquisa'pegue' só'maq roua'e' mashic tot qaica. Ma' qami' shichi' quiyim michiraque cá'maq paguec ne'necoqui' caỹim quiyim roua'e', 'eno'm 'xoraic loqo'm nesallaxanec, qam sqai 'ñitetegue dajo.

Rut 3:12

Qam 'nesa ma' llic dá'maq 'ñirac quiyim qami' i'ỹoxoua, qam 'ue só'maq liỹa ri'ỹoxoua'e' só'maq ỹaatqajam tajlec quiyim ỹo'uet dá'maq 'ñirac.

Rut 3:8

Ca co'na' pe lauel, ca' so Booz nelouec. Ca co'na' naqalgoxoñi, ca no'daxatetec quiyim 'ue aso 'aalo nenantañi quenaua lichil.

Rut 4:4

Sahotaque 'yiiñi', qaiyi no'm viisaque shiujnaxañita, ca 'ñirac nagui qara'qaachigui qami' quenaua reloqosaho chaqai quena qo'xoiquipi quena na'a'. Ma' qami' ná'maq paguec qauochi' le'ec so Elimelec, ca' qami' tajlec quiyim shiujnaxañita yi na'laua. Qam no'm sqai shiujnaxañita, ca' vite ca ỹa'xaỹaxac ma' quiyim ime sqai shiujnaxañita, ca qaigueme seshit seshiujnaxana. Ca só'maq lauo' le'ec 'naaco': —Ajá'a, seshiujnaxana cajo 'laua.

Rut 4:6

Ca co'na' 'xaỹa dajo só'maq lauo' le'ec, ca 'naaco': —Ca' no'm chaqaida dajo, ca' ỹim se seshiujnaxana ca'maxare, ma' ỹim se seshit ña'axat da isallaxa. Qam no'm vi'saque shiujnaxañita, ca chaqaida nqai'ñi'. Ca' ỹim saanec nagui quiyim qami' shiujnaxañita.

1 Samuel 25:41

Ca' aso Abigail ỹa'chi'iñi naua le'cootal, ỹoviraxata'guit na latap na 'laua. Ca 'naaco': —Aỹim chaqaỹim lelaata ca David, qaica ca shinac quiyim squiỹo' naua lichil na lelaatqaipi quiyim chaqaica cá'maq David cá'maq 'naapiguiỹa'.