Rut 3:1 - La'qaatqa ñi qota'olec Qota'olec & Qota'olec Novita Na Qomyipi

¹ 'Uo' so na'xa'a, ca' aso Noemí 'naaco' caso Rut: —Qami' ỹaalole, ỹim sedaanaque ma'le ca roua'e', cá'maq ỹa'maqachiguiñi nqai'en qami'.

Rut 3:1 Iomraidhean Croise

Génesis 40:14

Ca ma' ỹovita ca na'xa'a quiyim ipaquichigui dajo, ca' qouaquiric no'viñisa'co' aỹim, 'qaataxañitemo' ma'le ca Faraón caỹim, qaiyi naqata'a aỹim quena sentaugui. ¡Nañaañi'o' ca rqouagaxa'e' lodegaxat!

1 Corintios 7:36

Qam no'm 'ue ca ỹa'deena'a quiyim 'maxaraic ỹo'naxan ca llaale, ma' shim napacalec ca laloqo' quiyim 'on, ca ca'maxare retan quiyim ỹouen ca loua aca'maxare, 'maxaraic quiyim ỹo'uet cá'maq ỹahotaque. Se qaỹollapeguem ca lo'naxac, ma' da'maxare se nasauaxaset.

1 Timoteo 5:14

Vichiguiño' sahotaque quiyim caná'maq pa'ỹe saqa' qo'oq, ca 'maxaraic quiyim 'on, ỹa'vii caua llaalqa, chaqai idaanlec ca la'a', qaiyi qaica lligo ca npa'guenaxaua quiyim 'ue ca inaqateguelec se ỹa'maxañi.

1 Timoteo 5:8

Ma' ca qom quiyim se idaanlec cá'maq chi lauo' laseripi chaqai paguec quená'maq lalamaxaret llaalqaipi, ca' ỹit dá'maq ỹaatqajam npi'ỹaxac. Ca dá'maq 'neetari' paguec la'aaxa quecá'maq saqa' icoñiguit da na'qaatec.

Rut 1:9

chaqai quiyim ỹa'maxarenta quiyim liỹa o'ñii, ca' ra'maxaichiguiñi queca ra'aari. Ime, ca' aso Noemí niquinto, nqo'goxoguita. Qam na'le, ca' noỹene' saua'maxare.

Rut 2:23

Ca' aso Rut queetalec da le'palaxanaxac, liỹaasegueñi saua lelaata so Booz, chi ỹovireta'a quiyim ime so naqataxanaxac cana cebada chaqai quena trigo. Qam aso'maxare ñaq lauora aso ni'ỹoqoro.

Rut 3:2

Ma' so Booz só'maq lauo' le'ec yi Elimelec, quena pe quepegue' yi lanaxanqa' no'ueenaqtegue ana la na lanecsec yí'maq viise'e scavit liỹa na' 'ueenataxañi'sac.