Rut 2:8 - La'qaatqa ñi qota'olec Qota'olec & Qota'olec Novita Na Qomyipi

⁸ Co'na'le, ca' so Booz 'naaco' caso Rut: —Qami' ỹaalole, ñaq na'xaỹaxañiriua', totaxan quirepegue'o' ca liỹa nanaxanqa' quiyim ne'pala'e' ana la na nanecsec. Chaqaina viiso'o', lliquisauquio' na ilaataipi.

Rut 2:8 Iomraidhean Croise

2 Reyes 5:13

Qam só'maq lelaatqaipi noquiiga'a so'maxare, ca 'naaco': —Qami' qara'gaxala', quiyim ñí'maq qota'olec letaxaỹaxaqui 'xoic lqalaic cá'maq 'naac, ca' ¿qami' sqo 'viichi'? Qam ñi'maxare chaqai 'naac quiyim nachilli', ca' remi'rec ma'le.

Levítico 19:9

Ca ma' ỹovire'oga ca laloqo' quiyim naqachii la ca qadañicshiguii, ca' mesqai ỹaatqajam nomachitam, chaqai mesqai ne'palahi aná'maq la no'ueenañi.

Mateo 9:2

Ca hua'anyi, ca' qaỹodou'a so ỹale se ra'ñiigue, hueetalec so lomala'. Ca co'na' so Jesús iuana da lpi'ỹaxague' saua'maxare, ca 'naaco' queso ralolaxaic: —Na'ñaxachi', ỹaalcolec. Ma' mashic qaỹapalaxat ná'ogue na rasauaxashichi'.

Mateo 9:22

Qam so Jesús naqalgoxoñi, ca ra'ỹo'ot aso 'aalo. Ca 'naaco': —Na'ñaxachi', ỹaalole; mashic vi'relec, ca nagui remi'rec. Ca' queca'maxare, ca chaqa'ma' imeuec.

Filipenses 4:8

Qamiri ỹaqaỹa', dá'maq co'uaataxanta ỹaqataxac 'neetasa': ỹaatqajam ỹajñita ca leloxoỹaxac cá'maq lliqueta, chaqai ná'ogue ná'maq 'ue ca 'negue nqohin, chaqai cá'maq no'uen ñicyaxac, chaqai ná'maq qaica ca lalegue', chaqai ná'ogue ná'maq qaỹa'maxarenta, chaqai ná'maq no'uen ca na'qaataxac. 'Yiiñitapega ná'ogue ná'maq no'uen chaqai taiguit quiyim qaimaqachin.

Rut 2:7

Da'maxare yashiila quiyim chi coỹaretaho quena naqataxanyipi quiyim chi ne'palatac ana ni'ỹoqote ala na nanecsec. Ada'maxare ro'ueenataxantac quesá'ogue so nete'eta, chi ỹovireta'a nagui. Ca' chaqai cocho'qui' nco'matec.

Rut 2:9

Ca coỹachisalgoto quecá'maq taigue na naqataxanyipi quiyim raqataxan. Aỹim mashic sa'ue da ỹaqataxac quena ilaatqaipi quiyim qarayaxañi'sac. Chaqai ma' vichi' ca raquipi', ca' coñita aca 'taxaqui, ca naqachirishiguim ca raquipi' caná'maq laquipiaxaqui na'maxare.

1 Samuel 3:16

Qam so Elí roỹaxana so'maxare, ca 'naaco': —¡Qami' ỹaalcolec Samuel! Ca so'maxare 'naaco': —Aỹim, seuete'e najo.

1 Samuel 3:6

Qam ñi qara'gaxala' lotqai liỹa roỹaxana, 'naaco': —¡Samuel! Ca' so Samuel ne'laxashiguim, ca quepegue' so Elí, ca 'naaco': —Ỹim ñovira'a qami'; ¿negue' ca vi'saque ma' ỹaxañiriua'? Ca' so Elí 'naaco': —Ỹim se soỹaxana qami', qami' ỹaalcolec; pilliriri' nenañiriñi.