Rut 2:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca nachinchiquio' novirec so Booz, chicqau'a yi Belén, ca iquino' so naqataxanyipi. —¡Ñi qara'gaxala' liỹareta'pe qamiri! Ca' so naqataxanyipi 'naaco': —¡Ñi qara'gaxala' ỹaanem qami' ca no'uen qayicyaxaqui'!

Rut 2:4 Iomraidhean Croise

Génesis 18:19

Ma' ỹim ica'acsec na'maxare, qaiyi 'naapega ca llaalqaipi chaqai ca lauaripi quiyim huelec da ỹapaxaguinataxanaxac, chaqai quiyim ỹo'uet ná'ogue ná'maq ỹa'maqachiguiñi chaqai da no'uen ñicyaxac, qaiyi sepacqajanchigui ná'ogue ná'maq shinac na'le.

Génesis 28:3

Ca' ñi qota'olec ñí'maq sqaica lqalanec nqouaguegue qami', chaqai ỹo'uet quiyim 'xoic ca qachaalaxai'pi, qaiyi chicqochigui qami' ca 'xoic ỹoreta'oguit qomyipi.

Salmos 118:26

¡Qaimaqachin cá'maq qom naquetaugui da leenaxat ñi qara'gaxala'! Semaqachinaxe' qamiri quena no'ueenaxanaxaqui quiñi qara'gaxala'.

Números 6:24

Ñi qara'gaxala' ỹaanem qami' ca no'uen qayicyaxaqui' chaqai quepaqataxanlec qami';

Lucas 1:28

Ca' so chicqashiguim nelaatec inoxono queso 'imec quiñí'maq neetaugui aso'maxare. Ca' iquin, 'ne'tegue: —¡Qami' mashic qami' nqouaguegue ñi qara'gaxala' qota'olec! Ñi'maxare qami' ima'guit. Ñi'maxare ỹaanem qami' da lqouagaxa, ca' sqaca nqai 'nejem aqami' caná'ogue ana liỹa 'aalo.

2 Tesalonicenses 3:16

Ca' so qara'gaxala' Jesús, só'maq hueeto'ot da na'maxa, so'maxare ỹaanema qamiri ca ra'maxahi naua'que naua na'xata' chaqai quená'ogue nanchaqaina caqamiri. Ca so qara'gaxala' ỹalequetauguilo qamiri.

1 Timoteo 6:2

Chaqai no'm ca nelaatec 'ue ca na'co' quená'maq mashic icoñiguit da na'qaatec, ca' paguec na'xaỹaxane'ta, ma' mashic lqaỹa lpi'ỹaxaua. Lama'xa no'ueenaxat cá'maq 'neetari', ma' cá'maq ro'ueenataxantacot qai'neeta icoñiguit da na'qaatec chaqai mashic nauochaxaua lqaỹa. Ỹaatqajam paxaguinataxañitegue chaqai 'xachi' dajo.

2 Timoteo 4:22

Ñi qara'gaxala' Jesucristo ỹalequetauguilo qamiri, chaqai ñi qota'a ỹaanema qamiri da no'uen qayicyaxaguii. Ajá'a, ca' chaqaida 'neeta dajo.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.

Jueces 6:12

Ca' so lelaatec ñi qara'gaxala' nachaxan, ca 'naaco' queso'maxare: —¡Ñi qara'gaxala' liỹaatac qami', qami' quesaxanaxaic ỹale chaqai 'ñaaxaic qavilli'!

Jueces 6:16

Ca' ñi qara'gaxala' 'naaco' queso'maxare: —Qami' shichi' 'viichi' dajo, ma' qami' iỹaatac ma'le. Ca' qadoxonqui' ma'le na Madián llaalqaipi 'ec ca 'oonoqui' qom nqai'ñi'.

Rut 2:3

Ca' aso Rut quepegue' ca nanaxanqa', ca' ne'palatac ana li'ỹoqote ca naqataxanyipi. Ca chi natenta'a so lanaxanqa' so Booz, só'maq chi lauo' le'ec so Elimelec.

Rut 2:5

Ime, ca' so Booz inato' so la'gaxala' so naqataxanyipi: —¿Negue' ca lauo' lase adajo nequetegaxai?

Rut 4:11

So qo'xoiquipi chaqai sá'ogue só'maq ỹalequetaho 'naaco': —Ajá'a, qomi' seuanqachigui. Ca' ¡ñi qara'gaxala' quiyim ỹo'uet cacajo 'aalo inoxona'a ca ra'aachi', 'nejem nqai'en aso Raquel chaqai aso Lea sauá'maq sachigoxosoxouguilo qomá'ogue qomi' llaalqaipi so Israel! Chaqai qami' ỹaatqajam qami' choxoraic chaqai ỹaataxaraic quena qara'a' Efrata, da liỹa leenaxat Belén.

1 Samuel 17:37

Ca ñí'maq qara'gaxala' ñí'maq ro'ootaxanlec aỹim quenaua lenachi' ca sauaxaic leta'a chaqai caca layoraxai late'e, ca qai'neeta ro'ootaxanlec aỹim quedajo filisteo. Co'na'le, ca' so Saúl 'naaco' queso'maxare: —Cha'regue mo'e', ca quepaqataxanlec qami' ñi qara'gaxala'.