Rut 2:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca co'na' ỹovita ca nqui'ỹaaqa', ca' so Booz roỹaxano' aso Rut, ca 'naaco': —Na'itquena, coñita yi pan lahi, llichiriñi queda alegue'. Ca' aso Rut nqa'xanñi, ỹalequetougui so naqataxanyipi. Ca' so Booz ỹaanem so nqatelecsec la ana cebada, ca' que'e, chi ỹovireta'a quema' chaqai 'ue so li'ỹoxot.

Rut 2:14 Iomraidhean Croise

2 Samuel 17:28

Ca' qaỹodo'oga so lacanqaipi so David, chaqai so nquiỹoxoquiripi, chaqai so 'ueenallipi 'laua, chaqai na trigo, cebada, 'aríña, chaqai nasoolec ala nelooteguese, chaqai na poroto leenaxat habas, lentejas,

Salmos 23:5

Ca 'maxachisañi ca iqui'ỹaxac, ca' qaiyi ỹauanchigui ná'ogue na ñpa'guenaxauaripi; ca' cochirelec na iqahic quena coraxat, chaqai i'paxanteguelec nqai'ñi' aso ñi'taxaqui.

Isaías 58:7

quiyim nouañise'e' ca qopaaxaic queca qanoqe' chaqai quiyim na'ñi ca ra'aachi' ca qaica ca lauo'; chaqai quiyim vite ca looỹac cá'maq sham neetauec chaqai quiyim rqouaquitegue cá'maq riỹa'e'.

Mateo 14:20

Ca' so qomyipi que'e, ca sá'ogue quema'. Ca na' ime, ca' qalapoon so ni'ỹoxot lahillipi, ca lotqai no'qaate' saua doce canastos queso lahillipi ni'ỹoxot.

Rut 2:13

Ca 'naaco' aso Rut: —Ỹaatqajam 'ue da re'xorenataxanaxa'e' caỹim, chaqai naua ra'qaataxahi' ya'ñaxate', ma' ỹaatqajam yichirite' quena' taxahi' caỹim, 'eno'm sqaỹim qachaaqainata'e'.

Rut 2:15

Ca co'na' liỹa pilauec raqataxan cana la, ca' so Booz qata so lelaatqaipi, 'naaco': —'Xañitaco' quiyim qai'neeta ne'pala ana la na nanaqata cebada. Qaica ca se ỹa'maxata'gue ada'maxare.

Rut 2:18

Ca co'na' pilo quiyi na'a' pa'aatañi caso le'pala cebada ala, ca' ỹachaxantapeguem aso ni'ỹoqoro. Ime, ca' lotqai naqajshiguim so li'ỹoxot na' que'eetac, ca' ỹaanem aso Noemí.

1 Samuel 17:17

Ca' 'uo' so na'xa'a, ca' so Isaí 'naaco' queso llaalec David: —Coñita ca veinte kilo quena trigo ratooxoic chaqai nauajo diez paañi'. Ca do'ire'oga ca co'matqa' neesa'ñi caua rqaỹachi'.

1 Samuel 25:18

Ca' aso Abigail chaqa'ma' icona so doscientos panyipi, chaqai saua dos lahiri na lataxa, chaqai saua cinco qagreta nco'i, chaqai 'uo' cuarenta kilo aso trigo la ratooxoi, chaqai cien aso napa cana 'uva nashiviaqata, chaqai doscienta aso napa cana 'igo nashiviaqata. Ime, ca' sá'ogue illaalgoto saua 'ashiñi'.