Rut 2:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' ¡ñi qota'olec ishiueten ma'le dá'maq 'ñiisari'! ¡Ñi qara'gaxala' ñí'maq qota'olec quena Israel llaalqaipi ñí'maq daañisaque quiyim huaqaitot, ishiueten ma'le dá'ogue dá'maq ro'ueenataxanaxaqui'!

Rut 2:12 Iomraidhean Croise

Salmos 19:11

Chaqai qai'neeta naqataxaco quenajo relaachiqui' ca ma' na'xaỹaxanalo, ca' 'ue da la'maxa.

Salmos 36:7

¡Chalego loyac da re'xorenataxanaxa'e', qami' qota'olec! ¡I'guenoto naua rauachi' na qomyipi, ma' huotaque quiyim 'ootaxañirelec!

Salmos 63:7

ma' qami' ná'maq yotauañi'sac. ¡Ỹaatqajam 'xoic ỹa'maxa quiyim sento'oto naua rauachi'!

Salmos 91:4

ma' quepaqataxanlec qami' quenaua laua', ca quiyim vi'so'oto, ca' qaica ca rovichiraque. Ca ma' ipaquichiguilo naua la'qaatqa, naua'maxare 'ec aca nquepaqataxanqate caqami'.

Proverbios 23:18

qaiyi ma'le, ca' no'uen ca lqodoc aca rqauaxagui'i', chaqai qaica ỹapalaxatac da naquitaxaqui'.

Mateo 23:37

¡Qami' Jerusalén, qami' Jerusalén, ma' qami' lauachirac na netaxaỹaxanqajanqaipi chaqai naqai' quena qa' ná'maq nelata qami' ñi qota'olec! ¡Ỹoto'o' sahotaque llapoonta' na qachaalaxai'ipi, 'nejem aca huaqa'e quena' lapoonta' na llaalqaipi, ca illo'oto naua laua', qam sqai 'maxariñi'!

Mateo 5:12

Ca' ỹaatqajam ra'maxaichiguiñi, netooñitac, ma' qamiri coñiguit ca chalego lecaic nishivichii ma'le queda piguim. Ma' chaqaida qohine'teco' na'le da nocanaxac só'maq 'au letaxaỹaxaquiripi ñi qota'a na' saqa'lecaua qamiri.

Mateo 6:1

Mesqai nachaxañita quena qom quiyim 'viichii cá'maq viilec, ca' ỹa'yiinchigui nqai'ñii na qom. No'm 'ñii'tegue dajo, ca' ñi qota'a ñí'maq viilec neeta'gue da piguim qaica ma' ỹo'uet quet ca nishivichii.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Colosenses 2:18

Mesqai 'xañiigue quiyim rouootaxana'gue cá'maq raviguiguii ná'maq 'ec nañoxojñi neneequesenta chaqai nqouagaxaintacot na nelaatqaipi piguim laseripi. Ma' na'maxare tau'a quiyim ỹo'uet ná'maq se iuanapega chaqai pi'chigui queda nemaqajnaxac quená'maq chi la'deenataxanaxac.

2 Timoteo 1:18

Ca' ñi qara'gaxala' ỹotauan ma'le quiyim ỹacoñiguit da le'xorenataxanaxa quecá'maq pa'aatec na'xa'a. Chaqai qami' mashic 'yiiñite' 'xoic lotaanaxanaxac coqomi' na' seuqata'gue na Efeso.

2 Timoteo 4:8

Ca' nagui nauaantaiguit ca ñishiue' quedá'maq lalamaxa da ñachaalataxac, qam dajo nañaañim so qara'gaxala' Jesús quecajo na'xa'a, só'maq se ỹo'maac quiyim imit ca qom. Qam mesqaỹimeta nañaañim, ma' qai'neeta ỹaanem ná'ogue ná'maq 'xoic lqo'iichi queca loviraxac.

Hebreos 11:26

Chaqai 'ec paguec lesallaxa nqai'en quiyim 'ue da le'xoric se qaỹa'maxata'gue soualec so Cristo, sqai quiyim hueeto'ot yá'ogue yi lesallaxa yi Egipto, ma' ra'iitagui da lishiuetenaxanaxac ma'le ñi qota'a.

Hebreos 11:6

Qam qaica quet cá'maq qaỹa'maxarenta quiñi qota'a no'm qaica ca lpi'ỹaxac. Ma' quiyim qanqo'neu'a ñi'maxare, ca' ca qom huelec quiyim 'ue ñi qota'a chaqai quiyim ñi'maxare ishiueten cá'maq nimitaque ñi'maxare.

Hebreos 6:10

Ma' ñi qota'a ỹaatqajam ipaquichigui nqai'en da la'qaatec, chaqai se coua'e dá'maq 'ñiitari' ma' chaxañita da re'xorenataxanaxahi quiñi'maxare quena' tauañii na qarqaỹaripi qarpi'ỹaxauaripi, dá'maq ñaqaida quiitalec 'viichitac.

Rut 1:16

Qam aso Rut 'naaco' caso'maxare: —¡Se yashiila'e' quiyim salachi' chaqai quiyim ñoỹootec caqami'! Ma' ỹim cá'maq 'itegue saigue, chaqai cá'maq ñira'ñi sena'ñi. Ca iuo' cá'maq qauochi' laseripi, chaqai ca qota'olec caqami' chaqaica cá'maq qota'olec caỹim.

Rut 2:11

Ca' so Booz 'naaco': —Sa'deenta dá'ogue dá'maq 'ñi'sari' cañi ni'ỹoqoro'e' na' ñaqai cha'gue ileu yi roua'e', chaqai sa'den qai'neeta quiyim lachi' caua qata'alli' chaqai cá'maq 'laua chicqoiralec, ma' viisaque qami' qara'aayaxaua, 'eno'm sqai huañirapegalo qomi'.

Rut 2:13

Ca 'naaco' aso Rut: —Ỹaatqajam 'ue da re'xorenataxanaxa'e' caỹim, chaqai naua ra'qaataxahi' ya'ñaxate', ma' ỹaatqajam yichirite' quena' taxahi' caỹim, 'eno'm sqaỹim qachaaqainata'e'.

Rut 4:15

Ca'maxare ỹo'uet ca na'ñaaqataxaqui' chaqai reloqota'a qami' ma' qami' qo'xoỹom, ma' llaalec añi rachi'i' ñí'maq ỹaatqajam qami' lqo'itqate. Ca 'enquetqai siete caua qachaalaxahi', qam añi'maxare ỹapacauec.

1 Samuel 24:19

Ma' llic quiyim qaica quet cá'maq mashic ỹa'maxañi loxonec ca npa'guenaxaua, ca' queeta quiyim nca'laxatetauec. Ca' vichiguiño', ¡ñi qara'gaxala' ishiueten ma'le dá'maq no'uen 'ñitetegue aỹim quena na'xa'a!

1 Samuel 24:20

Ca' nagui, ca' ỹaatqajam sa'deenta quiyim qami' ná'maq qami' nashi ma'le, ca' cajo ro'ueenataxanaxaqui' quiyim qami' nashi quena Israel llaalqaipi ỹaatqajam ỹa'maqachiguiñi.