Rut 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam co'na' mashic queesa'gue so nayic, ca 'naaco' quesaua latel: —Mohi, pilliu'alo caua la'aate' caua qachi'illii. Ca' ñi qara'gaxala' ñaqai queeta da lqouagaxa caqamiri, 'nejem dá'maq 'ñiita'guelo qomi' qare'xoriñii chaqai yaua ỹaalqa,

Rut 1:8 Iomraidhean Croise

2 Samuel 2:6

Chaqai ñi qara'gaxala' nqouagueque qamiri chaqai raqamaxachita. Chaqai ỹim sa'maxate'teguelo qamiri quedajo 'viichii nagui.

Efesios 5:22

Ca' aca 'aalo se napacalec ca loua, 'neeta'gue nqai'en dá'maq 'neetari' queso qara'gaxala' Jesús.

Colosenses 3:18

Qamiri 'aallipi ma' mashic o'ñii, ca ỹaatqajam na'xaỹaxañii'ta ca rouahi, ma' chaqaida dajo dá'maq no'ueenataxac cá'maq mashic huelec so qara'gaxala'.

Colosenses 3:24

Ma' qamiri mashic shi'gue 'yiiñii quiyim ñi qara'gaxala' ỹaanema qamiri ma'le cá'maq ỹa'maxatetañi ỹahotaque ỹaanem ná'maq lalamaxareteripi. Ma' qamiri 'ueenataxañitacot so Cristo só'maq ỹaatqajam ra'gaxalari.

Rut 1:5

ca qai'neete' ileue' saua Mahlón chaqai so Quelión. Co'na'le, ca' aso Noemí nodaguiñi, qaica ca loua chaqai qaicaua caua llaalqa.

Rut 1:7

Ca aso'maxare 'uo' da la'deenataxanaxac quiyim pila yi 'laua Judá, ca liỹareterec saua latel, quere'e yi 'laua neesalec.

Rut 1:9

chaqai quiyim ỹa'maxarenta quiyim liỹa o'ñii, ca' ra'maxaichiguiñi queca ra'aari. Ime, ca' aso Noemí niquinto, nqo'goxoguita. Qam na'le, ca' noỹene' saua'maxare.

Rut 2:20

Ca' aso Noemí 'naaco': —¡Ñi qara'gaxala' ỹaanem ma'le da lqouagaxa ca'maxare! Ma' ỹaatqajam 'ue da lqouagaxa coqomi', 'nejem nqai'en da no'ueenataxac so 'auaxaic qomyipi mashic shi'gue sou. Cajo ỹale chi lauo' le'ec so Elimelec, vichiguiño' chaqaica cá'maq ishit quiyim cochiỹalo qomi'.

Rut 3:10

Ca' so Booz 'naaco': —¡Ñi qara'gaxala' ỹaanem qami' ma'le ca lqouagaxa! Nagui, ca' re'oq quiyim se napaquiralec repaquisa'pegue' só'maq roua'e' mashic tot qaica. Ma' qami' shichi' quiyim michiraque cá'maq paguec ne'necoqui' caỹim quiyim roua'e', 'eno'm 'xoraic loqo'm nesallaxanec, qam sqai 'ñitetegue dajo.