Rut 1:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca 'uo' so na'xa'a na' ñaqai neesa'ñi yi Moab, ca' aso Noemí 'qaateguelec quiyim ñi qara'gaxala' 'uo' da le'xorenataxanaxa quesó'maq lalamaxareteripi, ca' qaica nqai'en so nqopaaxa.

Rut 1:6 Iomraidhean Croise

Génesis 21:1

Ca' ñi qara'gaxala' na' ỹa'deentapega aso Sara, ca ipacqajanchigui dá'maq 'naaco' na'le.

Génesis 28:20

Ca' yí hua'ño' na' so Jacob 'uo' da ỹaanec la'qaatec, 'naaco': —No'm ñi qota'olec liỹaatac aỹim, chaqai cochiitapega aỹim queda ỹicyaxac queda saata'gue, chaqai ỹo'uet ca noq chaqai ca ỹooỹac,

Génesis 48:15

Ime, ca' ỹaanec da no'uen la'qaatec queso José, 'naaco': Ñí'maq qota'olec ñí'maq huelec so ỹapi' Abraham chaqai so ita'a Isaac, ñí'maq qota'olec ñí'maq quepaqataxanteguelec aỹim shi'gue na' ñaq ñi'xaỹañi,

Génesis 50:25

Co'na'le, ca ỹo'uet quiyim so llaalqaipi so Israel ỹaanot da la'qaatec ñi qota'olec. Ca 'naaco' quesaua'maxare: —Ỹaatqajam llic ñi qota'olec rotauañii ma'le. Ca ma' ỹovirelec ipaquichigui dajo, ca 'xachii'o' ma'le na ipi'naqa.

Salmos 146:7

Qoshiilec ná'maq se qaỹa'maxata'gue chaqai ỹa'ue ca loq na qopaaxaiquipi. Ñi qara'gaxala' souec nqai'en na ncoñiitecseripi;

Éxodo 3:16

Mo'e', lapooñirata' yi qo'xoiquipi quiyi Israel llaalqaipi. Ca 'ñirapega: Ñi qara'gaxala' qota'olec quesó'maq 'auaxaic qareta'allipi, ñi qota'olec queso Abraham, Isaac chaqai so Jacob, nachaxana ỹim na'le. Ca 'naapiguiỹa' quiyim na'xaỹaxanalo qamiri chaqai iuana dá'maq nqa'viiguii quena Egipto laseripi.

Éxodo 4:31

Co'na'le, ca' na qomyipi ỹaatqajam huejlec. Chaqai co'na' ỹa'den quiyim ñi qara'gaxala' na'xaỹaxana so'maxare chaqai quiyim iuana da le'xoric so'maxare, ca ỹa'chi'iñi naua le'cootal, ca' nqouagaxainot ñi qota'olec.

Jeremías 29:10

Ñi qara'gaxala' 'naac: Ma' ỹovite' caua setenta ñaxari quena Babilonia, ca' so'ueenataxan sqoshiilgoto qamiri, ca sepacqajanchigui ma'le da ỹa'qaatec quiyim yapilaxate' qamiri quenajo.

Joel 2:19

ca 'naac: So'uet ma'le quiyim 'ue caqamiri ca trigo, ca lataxa chaqai ca aceite, chi ỹovireta'a nqaishin ra'maxaichiguiñi; ca tot liỹa sa'maxaren quiyim ri'ñiitac na qomyipi sqai huelec aỹim.

Mateo 6:11

Nagui quena na'xa'a vite cá'maq qarepetaxanaxat souenqataque.

Lucas 1:68

Ỹaatqajam qaỹo'uen ma'le ñi qara'gaxala' ñí'maq lashiilec na Israel laseripi, ma' ñi'maxare novitalo qomi' quiyim qarca'laxatec, ma' mashic qomi' lalamqateripi.

Lucas 19:44

Ca' nenaxañi qami' quena 'laua. Ime, ca' qaỹalauat ná'maq neetalec na ra'aachi', chaqai sqaica ca qano'ueenaqtañi caqami', vire'ta quiyim ca qa' hueetalec ca liỹa; ma' qami' sqa 'yiiñichiguit ca laloqo' quiyim novita qami' ñi qota'olec.

1 Timoteo 6:8

Vichiguiño' quiyim 'ue ca qonoq chaqai ca sanaxañi qotooỹac, ca' chaqaica chaqa'ma' ñitoonqata'pegue.

1 Pedro 2:12

Ỹaatqajam 'maxaraic nqai'ñii da no'ueenataxaguii, na'maxachita quiyim lliguitaugui ná'maq saqa' iuanapega ñi qota'a. Qaiyi ná'maq se no'viiñi naua ỹa'xateta'pe nagui caqamiri, 'ec 'xoic nqai'en ca rasauaxashichii, ca' iuana ma'le dá'maq 'maxaraic 'viichitac, ca' imaqachin ma'le ñi qota'a ma' ỹovita ca na'xa'a quiyim ñi'maxare imit na nasauaxaset quená'ogue najo.

Rut 1:5

ca qai'neete' ileue' saua Mahlón chaqai so Quelión. Co'na'le, ca' aso Noemí nodaguiñi, qaica ca loua chaqai qaicaua caua llaalqa.

Rut 1:7

Ca aso'maxare 'uo' da la'deenataxanaxac quiyim pila yi 'laua Judá, ca liỹareterec saua latel, quere'e yi 'laua neesalec.

1 Samuel 2:21

Ca' ñi qara'gaxala' ỹaanem da lqouagaxa aso Ana. Ca na'le, ca 'man. Ca' chaqaida, ca' aso Ana 'vii saua liỹa' tres llaalqa chaqai dos saua llaale. Ca so noctoqui' noquiiquetashiguim quiyim neeto'ot ñi qara'gaxala'.