Rut 1:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Qam aso'maxare 'naaco' quen queso qomyipi: —Sqai 'ñiỹac quiyim aỹim maqachaqai. 'Ñiỹaco' quiyim aỹim chicoxoi, ma' ñí'maq qota'olec ñí'maq sqaica ca qalanac 'xoic nqai'en da ỹachicoxo.

Rut 1:20 Iomraidhean Croise

Génesis 17:1

Ca co'na' so Abram ỹovite' saua noventa y nueve ñaxari, ca' ñi qara'gaxala' nachaxana so'maxare. Ca 'naaco': —Ỹim ná'maq qota'olec sqaica lqalanec; 'neeto' napio'xochi' da nachaalataxaqui' quiyim ñiiso'ot aỹim.

Génesis 43:14

Ca' ñi qota'olec ñí'maq sqaica lqalanec ỹo'uet quiyim qare'xoriñii ma'le, qaiyi qaỹosouec ca liỹa rqaỹahi chaqai ñi Benjamín. Chaqai caỹim, no'm taachigui quiyim qaica ca ỹaalec, ca' ¡chaqaida qaica ca ỹaalec!

Job 11:7

¿'Ñiisapego' vichirau'a na se re'xogui no'ueenataxaquipi ñi qota'olec, ca' shichi' vichirau'a cá'maq se re'xogui leloxoỹaxac ñi'maxare?

Job 19:6

Ca' qamiri ỹaatqajam 'yiiñita quiyim chaqaiñi ñi qota'olec yinaxañi, ca' chaqaiñi ñí'maq ta'ñigui nqai'en aỹim añi noqoina.

Job 5:17

Chalego la'maxa queca qom quiyim qaretaxaỹa'a quiñi qota'olec; totaxan liỹoqoira'piguit quiyim ỹoviraqchiraxaua' ñí'maq qaica ca lqalanec.

Job 6:4

Ma' ñí'maq sqaica ca lqalanec ỹa'deuo caỹim na lovioqoipi, ca' da ledoonaxa na'maxare ỹaatqajam quigui na ỹoshicmaxa. Ñi qota'olec ỹaatqajam 'xoic da iqolonaxa nqai'en quena' yiloquintac.

Job 9:18

Ca' ỹaatqajam nqo'naxatec da nqui'ic, ca' se ỹa'ue ca idaaqa' quiyim ñauec ca ỹacat.

Salmos 73:14

Ma' ỹaatqajam saqa' ime qayotocqotac, chaqai qaỹouaxantailec quenaua'que naua nete'etari.

Salmos 88:15

Shi'gue na' ñaqai ỹim ne'necoqui' ỹaatqajam 'xoic da i'xoric chaqai sham yileu; qam ỹaatqajam ña'ñaxachiguit da lichic dá'maq chicqo'ot qami', qam mashic tot yalo'guit nagui.

Hebreos 12:11

Llic ma' qaica quet ca nouaxanaxanaxat qarqo'ta quiyim qaỹouaxane' qomi'. Ta'ta'a quiyim seuetaq quena' ñaqai chita'gue. Qam quena' ncopa, ca' re'oq dá'maq 'neeta da napaxaguinataxac ca qom quiyim ỹaatqajam na'xaỹaxanta. Ca da nachaalataxac ỹaatqajam co'teeta chaqai 'ue da la'maxa.

Apocalipsis 1:8

Ca' 'naac ñi qara'gaxala': “Chaqaỹim ná'maq ỹim 'auaxaic, chaqai spa'aatec”, 'naac ñi qara'gaxala' ñí'maq sqaica lqalanec, ñí'maq chaqai'en 'ue, chaqai ñí'maq chaqai'eno' quen, chaqai ñí'maq naata'quena ma'le.

Apocalipsis 21:22

Qam sqaica ca seuana no'ueenaxanaxaqui queso na'a', ma' ñi qara'gaxala' ñí'maq qota'olec sqaica lqalanec, chaqaiñi ñí'maq 'ec lo'ueenaxanaxaqui, chaqai qai'neeta so 'ec qagreta llaalec.