Rut 1:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Yileua'ño' cá'maq relauqachi', ca' chaqaica cá'maq sahotaque qayishina'ñi. ¡Ca' ñi qara'gaxala' ỹaatqajam se ỹala'gue quiyim ỹa'ue ca ñouaxanaxaset quiyim shique'e qami', ca' chi ñoỹooteteco' caqami' ma' chi yileu!

Rut 1:17 Iomraidhean Croise

2 Samuel 15:21

Ca' so Itai 'naaco' queso nashi: —Ỹim ñallitalta' quiñi qara'gaxala' chaqai caqami' ỹashi, quiyim canchaqai viisa'gue quiyim ñaq rca'lli'sauec loqo'm quiyim qaralauachi', ca' shiqueta'ñi' qami', ma' ỹim relaachiqui'.

2 Samuel 19:13

Chaqai selaataxan quiyim qohinapega ca Amasa quiyim ỹim shinac qami' ỹaatqajam qami' idamshaxaua. Ca' vichiguiño' nagui chaqa'ma' sano qami' quiyim qami' lashi na ñalliripi, sana'ñi qami' yi loma' na'le so Joab. Ca no'm se ipaguigui nqaishin da ỹa'qaatec, ca' ñi qara'gaxala' ỹa'ue ma'le ca ñouaxanaxaset.

1 Reyes 19:2

Ca' aso Jezabel ỹa'uo' so lelaatec quiyim 'naapega so Elías: —¡No'm qami' Elías, qam ỹim, ỹim Jezabel! Ca' na qarashiilqaipi nqolaquipi ỹa'ue ca ñouaxanaxaset lodegaxat, no'm nete'e ma' 'nejem nagui sqai shi'ntegue qami' dá'maq 'ñitetegue so lauachi' netaxaỹaxaquiripi.

Salmos 45:10

Ñaq na'xaỹaxañi', qami' ỹaalo'lli'; ỹaatqajam na'ijñitetegue dá'maq sham shinac caqami': Totaxan o'lliinchirapega na rqaỹachi'ipi chaqai ná'maq chi qauochi',

Hechos 11:23

Ca co'na' ỹovi' so Bernabé, ca' iuana quiyim ñi qota'olec ỹaanem da la'maxa so qomyipi, ca so'maxare qai'neeta 'xoic da netoonaxac. Ca' qata sá'ogue so'maxare quiyim sqai ỹaxanñi ỹa'deentapega ñi qara'gaxala' Jesús.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

Rut 1:16

Qam aso Rut 'naaco' caso'maxare: —¡Se yashiila'e' quiyim salachi' chaqai quiyim ñoỹootec caqami'! Ma' ỹim cá'maq 'itegue saigue, chaqai cá'maq ñira'ñi sena'ñi. Ca iuo' cá'maq qauochi' laseripi, chaqai ca qota'olec caqami' chaqaica cá'maq qota'olec caỹim.

Rut 4:15

Ca'maxare ỹo'uet ca na'ñaaqataxaqui' chaqai reloqota'a qami' ma' qami' qo'xoỹom, ma' llaalec añi rachi'i' ñí'maq ỹaatqajam qami' lqo'itqate. Ca 'enquetqai siete caua qachaalaxahi', qam añi'maxare ỹapacauec.

1 Samuel 20:13

Qam no'm ñi ita'a ỹahotaque ỹo'uet ca se no'uen, ca' ñi qara'gaxala' ỹaatqajam ỹo'uet ca ñouaxanaxaset, no'm se sa'ue ca ra'xaỹaxaqui', chaqai sotauañi' quiyim qarayichi'. Chaqai ¡rotauañi' ñi qara'gaxala', 'nejem nqai'en da lotaanaxanaxac quiñi ita'a!

1 Samuel 25:22

Ca' so'maxare nallitalto'o' quiyim ỹaanec da la'qaatec, 'naaco': —Ñi qota'olec ỹa'ue ca ñouaxanaxaset lodegaxat, no'm sqai nagui loqo'm nete'e quiyim se ñomachichiguiñi cá'ogue ca ỹalliripi lauo' laseripi ñi Nabal.

1 Samuel 3:17

Ca' so Elí inato' so'maxare, 'naaco': —¿Negue' cá'maq 'neeta ca la'qaatec ñi qara'gaxala' caqami'? Ñi'xoresene'tot qami' quiyim cá'ogue 'xachi', qaica ca 'xochiriñi. ¡Ca' ñi qota'olec rouaxañi', no'm 'ue ca 'xochiriñi quecá'ogue cá'maq ỹa'xat caqami' ñi qara'gaxala'!