Rut 1:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Co'na'le, ca' aso Noemí 'naaco' caso'maxare: —'Ajñi', aso ro'naxaua'e' pil, pila ca la'a' quiyi 'laua chaqai na nqolaquipi quiyi'maxare. Mo'e', quitegue, pillira'a ca ra'aachi'.

Rut 1:15 Iomraidhean Croise

2 Reyes 2:2

Ca' so Elías 'naaco' queso Eliseo: —Qovire'e quenajo, ma' ñi qara'gaxala' yilategue da Betel. Qam so Eliseo 'naaco' queso'maxare: —Saanot da ỹa'qaatec ñi qara'gaxala' chaqai qami' quiyim se ñodaqajñiterec qaqamite'. Ca que', niỹareta'pe taategue da Betel.

Salmos 36:3

Se ỹa'machiñi naua la'qaatqa chaqai 'maatqaic, na'laxatañi da la'maqataxanaxac, ca ỹo'uet na se no'uen.

Lucas 24:28

Ca co'na' ỹovirera'a yi na'a' tairau'a, ca' so Jesús chaqai 'negue 'eco' sham ỹa'iitauec.

Hebreos 10:38

Qam cá'maq ỹim secoñi'chiguit quiyim chaqaica cá'maq 'maxaraic da no'ueenataxac, ca' da lpi'ỹaxac chicqochigui da lca'laxa. Qam no'm pilec, ca' se ishit quiyim ñitoonta'pegue ca'maxare.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.

Josué 24:19

Ca' so Josué 'naaco' queso qomyipi: —Qamiri peeta'a sqai shichii quiilec ñi qara'gaxala', ma' ñi'maxare ỹaatqajam qota'olec co'teeta chaqai qaica ca ỹa'maxaren. Chaqai ñi'maxare se ishit quiyim na'ñaxachiguit na se no'uen chaqai na nasauaxaseteripi.

1 Juan 2:19

Saua'maxare inoxondec chicqotouguilo qomi', qam llic quiyim mesqai ỹaatqajam qariỹa'. Ma' quetqai ỹaatqajam qariỹa', ca' se noỹooterec quet coqomi'. Qam dajo 'neeta, qaiyi ỹaatqajam re'qoota quiyim ná'ogue mesqai qariỹaripi.

Rut 1:14

Ca saua'maxare lotqai liỹa noỹene', vire'ta na' aso Orfa niquine'e' aso ni'ỹoqoro, ca qo'goq. Qam aso Rut no'ueenañi caso Noemí.

Rut 1:16

Qam aso Rut 'naaco' caso'maxare: —¡Se yashiila'e' quiyim salachi' chaqai quiyim ñoỹootec caqami'! Ma' ỹim cá'maq 'itegue saigue, chaqai cá'maq ñira'ñi sena'ñi. Ca iuo' cá'maq qauochi' laseripi, chaqai ca qota'olec caqami' chaqaica cá'maq qota'olec caỹim.