Rut 1:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca saua'maxare lotqai liỹa noỹene', vire'ta na' aso Orfa niquine'e' aso ni'ỹoqoro, ca qo'goq. Qam aso Rut no'ueenañi caso Noemí.

Rut 1:14 Iomraidhean Croise

Génesis 31:28

Vire'ta se ñqo'goxoguita nqai'ñi' naua ỹaale chaqai naua iua'. ¡'Eco' sqaica ca 'yiiñi' quedá'maq 'ñitetegue!

Génesis 31:55

Ca na' richiguiñi, ca' so Labán ne'laxashiguim, ca' qo'goxe' saua laua' chaqai saua llaale. Ime, ca' ỹaanem da nqouagaxa, ca' pilegue dá'maq chi la'a'.

2 Samuel 19:39

Ca co'na'le, ca' sá'ogue so qomyipi ỹapacta aso lachiugue Jordán. Ca co'na' mashic ỹapacta so nashi, ca nqo'goq so Barzilai, ca' niquine'e'. Ca co'na'le, ca' so Barzilai pila ca na'ñi ca la'a'.

1 Reyes 19:20

Ca' so Eliseo chaqa'ma' ỹaxanec so ñii'lolaipi, ca' ne'guenta, co'uaategue so Elías. Ca co'na' ỹovi', ca 'naaco': —Qouaquiric, ñaqai cocho'qui' ñqo'goxe' yaua ita'al, ca spoyiguine'. Ca ma' ime, ca' shiguegue qami'. Ca' so Elías 'naaco': —Ajá'a, mo'e', qui'. Qam ma'le, ca' cocho'qui' ñaqai o'lliinchira'a dá'maq shi'ntegue caqami'.

Mateo 10:37

Cá'maq ỹapacqajnauec ca lqo'iichi queca leta'a, loqo'm caca late'e caỹim, ca'maxare sqa taiguit quiyim ỹalamaxaret. Chaqai cá'maq ỹapacqajnauec ca lqo'iichi queca llaalec, loqo'm caca llaale caỹim, ca ca'maxare sqa taiguit quiyim ỹalamaxaret.

Mateo 16:24

Co'na'le, ca' so Jesús 'naaco' quesaua lapaxaguinatqa: —No'm 'ue ca ỹahotaque quegue aỹim, ca' ncouaalta', ca' quegue aỹim, 'eno'm na'laxatañi dá'maq chi nachaalataxac.

Mateo 19:22

Qam co'na' so ne'nec 'xaỹa dajo, ca' eec rachicotam, ma' ỹaatqajam nesallaxanec so'maxare.

Hechos 17:34

Qam 'vio' saua ỹaconchiguit da na'qaatec, ca' quetegue so Pablo. Quesaua'maxare ỹalequetaho' so Dionisio, qam só naneretau'o' so ỹoiquenac yi Areópago, chaqai qai'neeta aso 'aalo leenaxat Dámaris, chaqai 'vii saua liỹa'.

2 Timoteo 4:10

Ma' so Demas yalat, ma' ỹapacqajnauec na lqo'itaxanqachic quená'maq huelec najo, ca' taigue da Tesalónica. Chaqai so Crescente taigue da Galacia, chaqai so Tito taigue da Dalmacia.

Hebreos 10:39

Qam qomi' sqai shinqata ná'maq pilec, ca' qaỹopoxoỹaxachigui. Ta'ta'a quiyim shinqata ná'maq 'ue da lpi'ỹaxac, qaiyi qaỹa'maxatetac da qanachaalataxac.

Rut 1:13

ca' ¿lotqai qamiri nauaañii'alo quet quiyim ỹi', ca' o'ñiiguita caua'maxare? Ca vire'ta queta' sqo'ñii nauaañita'alo. 'E', qamiri ỹaalole, qaica ma' 'neeta quet dajo. Ñi qara'gaxala' ỹo'uet da i'xoric lodegaxat, qam paguec quet ca i'xoric quiyim sa'ajantac ca re'xoriguii qamiri.

Rut 1:15

Co'na'le, ca' aso Noemí 'naaco' caso'maxare: —'Ajñi', aso ro'naxaua'e' pil, pila ca la'a' quiyi 'laua chaqai na nqolaquipi quiyi'maxare. Mo'e', quitegue, pillira'a ca ra'aachi'.

Rut 1:7

Ca aso'maxare 'uo' da la'deenataxanaxac quiyim pila yi 'laua Judá, ca liỹareterec saua latel, quere'e yi 'laua neesalec.

Rut 2:11

Ca' so Booz 'naaco': —Sa'deenta dá'ogue dá'maq 'ñi'sari' cañi ni'ỹoqoro'e' na' ñaqai cha'gue ileu yi roua'e', chaqai sa'den qai'neeta quiyim lachi' caua qata'alli' chaqai cá'maq 'laua chicqoiralec, ma' viisaque qami' qara'aayaxaua, 'eno'm sqai huañirapegalo qomi'.