Rut 1:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so Noemí lotqai 'naaco': —¡Pilliuo quet, qamiri ỹaalole! ¿Negue' quet cá'maq 'neeta quiyim viitaque quiigue aỹim? Ma' ỹim nagui, ca' tot qaica ca ỹaalec quiyim o'ñiiguita quet qamiri.

Rut 1:11 Iomraidhean Croise

Génesis 38:11

Co'na'le, ca' so Judá 'naaco' caso late Tamar: —Quirepegue' yi la'a' ca qataa'i', ca ñira'ñi. Qam chaqai 'ñi'sari' qami' pa'ỹe, sqo 'ñi', toco' ma' ỹi ñi ỹaalec Sela, ca roua'e' ma'le. Qam so Judá 'neetapigui lauel quiyim qai'neeta ileu ma'le so llaalec Sela, 'nejme' da 'neete' saua lqaỹa'. Ca' aso Tamar quepegue' yi la'a' so leta'a.

Génesis 38:9

Qam so Onán ỹa'den quiyim ne'qaañi ca llaalec, ca 'ec se lalamaxaret llaalec. Ca' vichiguiño' quena' viguit aso pa'ỹe ỹahotaque ca la'maqa' quiyim sqai 'man aso'maxare, qaiyi cá'maq lqaỹa qaca aca llaqtaxai chicqaugui so'maxare.

Deuteronomio 25:5

Ca no'm 'vii caua dos nqaỹa' quiyim cá'ogue ca la'aate', ca' quiyim 'óna ca ileu quecaua'maxare, qam saqa'leca llaalec, ca' acá'maq pa'ỹe sqai ỹoqa'a ca loua quiyim 'on. Ta'ta'a quiyim chi reloqo'chiguit cá'maq lqaỹa cá'maq loua sou, ca' ipaquichigui nqai'en dá'maq leloxoỹaxac ca ni'ỹoxoua.

Rut 1:10

Ca 'neraco': —¡'E'! ¡Qomi' sahoqotaque qolaxague qami' quecá'maq 'laua pillita!

Rut 1:12

Mohi, pilliu'alo caua ra'aachiri. Ma' mashic ỹim qo'xoỹom quiyim liỹa quet so'on. Ca 'enquetqai 'ue ca ñaquitaxac quiyim quenajo pe so'on, ca' quiyim 'ue ca liỹa ỹaalec,