Rut 1:1 - La'qaatqa ñi qota'olec Qota'olec & Qota'olec Novita Na Qomyipi

^1-2 Quesaua ñaxari co'na' so llaalqaipi so Israel qareloqota'a quena nashillipi quená'maq ishit imit ca nasauaxaset, ca 'uo' so na'xa'a quiyim 'uo' so nqopaaxa lodegaxat quesá'ogue so qoyintalec 'laua. Ca 'uo' so ỹale na'ñi yi Belén, yi'maxare huaugui yi 'laua Judá. So ỹale leenaxato' Elimelec, (loqo'm ñi qota'olec caỹim, nashi), so'maxare quepegue' quiyim cocho'qui' na'ñi yi liỹa 'laua leenaxat Moab, liỹaaterec aso loua Noemí (loqo'm maqachaqai) chaqai saua dos llaalqa Mahlón (loqo'm ne'ne') chaqai so Quelión (loqo'm ralolaxauaic). Ca saua'que nera'ñi yi Efrata, da liỹa leenaxat Belén. Ỹovijta yi Moab, ca' chaqaiyi nera'ñi.

Rut 1:1 Iomraidhean Croise

Génesis 12:10

Ca' quesaua na'xata' ỹaatqajam chalego da lovic na na'ic quesá'ogue so 'laua. Ca' so Abram quepegue' yi Egipto, ca' naalec lecocho'qui', ma' qaica ca qaỹa'ic quiyí'maq neeta'ñi.

Génesis 26:1

Ca' quesauajo na'xata' ỹaatqajam 'xoico' da nouenaxanaxa queca na'ic quesá'ogue so 'laua, 'nejmo' quesaua na'xata' na' ñaqa 'ue so Abraham. Vichiguiño' so Isaac quepegue' yi Gerar yí'maq neeta'ñi so Abimelec só'maq lashi na filisteoipi.

Génesis 43:1

So nqopaaxa nqo'neuec quiyi 'laua.

1 Reyes 18:2

Ca' so Elías eec, quepegue' so Acab. Quiyi Samaria ỹaatqajam 'xoico' so nqopaaxa.

Salmos 107:34

chaqai na lo'yaxanec 'laua ñigui lalagaxalec nqai'en, sauaxat da leualoxonqaishic ná'maq qomyipi neetalec;

Jeremías 14:1

Sauaxato' so nashiviaxa lodegaxat, ca' ñi qara'gaxala' 'naaco' queso Jeremías:

Amós 4:6

Ca 'eno'm ỹim so'uet quiyim ỹoviro'oto qamiri ca nqopaaxa quenaua'que naua na'aate'; chaqai ỹim so'uet quiyim qaica ca qanoxohi quenaua'que naua ra'aachiri, ¡qam qamiri se rapilliua'! Ñi qara'gaxala' i'taxajñi da la'qaatec.

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.