Proverbios 30:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Na pit dos naua llaale, qaica ca liỹa ỹa'deene', qaidaata da lashiilaxanaxague'. 'Vii naua tres chaqai ỹovite' cuatro quiyim se ỹauanapega 'nerac: ¡Yi, nalootañi!:

Proverbios 30:15 Iomraidhean Croise

Proverbios 30:16

ca napal lahi', aca 'aalo se co'o, na 'laua quiyim ỹouen ca huaxaỹaq, chaqai ca norec ỹouen ca lasoc.

Proverbios 30:21

Tres lashiigo' na qom, chaqai ỹovi' cuatro, quiyim se qanalo'guit chaqai i'loxol nqai'en cá'maq 'laua neetalec:

Proverbios 30:24

'Vii naua cuatro iserolqai' quena 'laua quiyim paguec la'deenaxanqa' queca 'deenaxanqachaqaiquipi:

Proverbios 30:29

'Vii naua tres 'ñaaxaqa, chaqai ỹovite' cuatro, lo'yaxanec da louoxogue':

Amós 1:11

Ca 'neetasa' da la'qaatec ñi qara'gaxala': Yi qomyipi na'ñi yi 'laua Edom ỹaatqajam 'xoic na ỹo'ueetetac se no'uen, ca' sqaica ma' se so'uet quet ca nouaxanaxaset; ma' 'xoic da lqa'viic, lo'qoota'a so lecat, rocanaxantapigui so lqaỹaripi, llaalqaipi so Israel. Ỹaatqajam se nollaalta' queso lauel, chaqai so lonogoxonaxac qaican quepaxat.

Amós 1:13

Ca 'neetasa' da la'qaatec ñi qara'gaxala': Yi qomyipi naalec yi 'laua Amón ỹaatqajam 'xoic na ỹo'ueetetac se no'uen, ca' sqaica ma' se so'uet quet ca nouaxanaxaset; ma' quedá'maq lishoxo quiyim nqo'naxatec yi na'laua, ca' ichaqa'gue ỹauata'gue na 'aallipi 'manaxaipi naalec yi 'laua Galaad.

Amós 1:3

Ca 'neetasa' da la'qaatec ñi qara'gaxala': Yi qomyipi na'ñi yi na'a' Damasco ỹaatqajam 'xoic na ỹo'ueetetac se no'uen, ca' mesqai saxane'tegue quiyim se sa'ue ca nouaxanaxaset; ma' 'xoic da lqa'viic quiyí'maq na'ñi yi Galaad, ỹodoota'a na fierro.

Amós 1:6

Ca 'neetasa' da la'qaatec ñi qara'gaxala': Yí'maq na'ñi yi na'a' leenaxat Gaza ỹaatqajam 'xoic na ỹo'ueetetac se no'uen, vichiguiño' sqaica ma' se so'uet quet ca nouaxanaxaset; ma' loxonec sá'ogue so 'óna na'a' lodegaxat, ca' imen quiyi 'laua Edom, quiyim na'aquipi.

Amós 1:9

Ca 'neetasa' da la'qaatec ñi qara'gaxala': Yi qomyipi quiyi na'a' Tiro ỹaatqajam 'xoic na ỹo'ueetetac se no'uen, ca' sqaica ma' se so'uet quet ca nouaxanaxaset; ma' ỹaanec quiyim noxonec queso lquesaxanaxa yi 'laua Edom sá'ogue so qomyipi só'maq na'deene'e' na'le quiyim 'neeta'gue ca lqaỹa.

Amós 2:1

Ca 'neetasa' da la'qaatec ñi qara'gaxala': Yi qomyipi na'ñi yi 'laua Moab ỹaatqajam 'xoic na ỹo'ueetetac se no'uen, ca' sqaica ma' se sa'ue quet ca nouaxanaxaset; ma' copata'alo saua lpi'naqa so nashi quiyi Edom, paguec da lauel, ca vire'ta quiyim nodaachiguiñi lo nqai'ne'.

Amós 2:4

Ca 'neetasa' da la'qaatec ñi qara'gaxala': Yi qomyipi naalec yi 'laua Judá ỹaatqajam 'xoic na ỹo'ueetetac se no'uen, ca' sqaica ma' se so'uet quet ca nouaxanaxaset; ma' liỹoqa'piguita naua lapaxaguinataxanaxaco ñi qara'gaxala', chaqai se na'xaỹaxanalo naua laqataxaco, ta'ta'a quiyim queetalec nqouagaxaintacot na lashiilqaipi lqolaquipi so 'auaxaic leta'allipi na'le.

Mateo 23:32

Ca ¡'maxaraic quiyim qamiri 'xañiñi dá'maq ỹo'ueeto' na'le so 'auaxaic qataa'illipi!

Juan 8:39

Ca' so qomyipi 'naaco': —Qomi' qareta'a so Abraham. Ca so Jesús 'naaco' queso qomyipi: —Quetqai llic qamiri llaalqa so Abraham, ca 'viichii quet ná'maq ỹo'uet so'maxare.

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

Romanos 16:18

Ma' cauajo qomi' se ro'ueenataxansacot so qara'gaxala' Jesucristo, qaidaata dá'maq chi lishoxo. Chaqai ỹayintac ana le'taxanata na qomyipi qaica ca ỹa'den, isotete' nqai'ne' naua la'qaatqa, chaqai lo'daxaraqa.

2 Pedro 2:3

Ca' quedá'maq lqo'iichi quiyim qaishiuetentac, ca' ỹa'vii naua lapaxaguinataxanaxaco ỹodolgoto qamiri, qaiyi naqat aca qadamii. Qam se qohit quedá'maq nouaxanaxaset na'maxare, ma' mashic shi'gom qaỹa'maxatetañi dá'maq nouaxanaxaset na'maxare.